Monday, February 26, 2007

വിക്കറ്റ്‌ വേട്ടക്കു മുന്‍പ്‌

'പൂയ്‌.......ചാള്‍സേയ്‌....അയില്‍സേയ്‌........നല്ല പെടക്കണ ഐറ്റംസേയ്‌......'

'എടീ.....ശാന്തമ്മേ...നീയിത്‌ എന്തെക്കേണു വിളിച്ച്‌ കൂവണത്‌......ചാള്‍സാ.........അതാരാടീ.
നിന്റെ കെട്ടിയോന്റെ പേരു ശാന്തപ്പന്‍ എന്നല്ലേ...'

'ദേ..ഏലീ...എന്റെ വായീന്ന് വല്ലതു കേക്കും......നിന്നോട്‌ ഞാന്‍ പറഞ്ഞു.......ഇനി എന്നെ വെറും ശാന്തമ്മേ...കോന്തമ്മേ...എന്ന് വിളിക്കരുത്‌ എന്ന്.
എടീ...ചുടലേ...എന്നെ ഇനി 'മ്യാഡം' എന്ന് വിളിക്കണം കേട്ടാ.....മ്യാഡം ശാന്തമ്മ.'

'ഉവ്വ.....ഒരു മ്യാഡം.....കര്‍ക്കടകത്തില്‍ എവിടെന്നെങ്ങാണ്ട്‌ ഒലിച്ച്‌ വന്നവളേണു ഇനി മേഡം എന്ന് വിളിക്കണത്‌...പ്‌ ഫൂ ...'

'എസ്‌ ക്യൂസ്‌ മി......ഇവിടെ എന്താണു ഒരു വഴക്ക്‌....ആരാണു ഈ ശാന്തമ്മ........'

'അതേയ്‌...പൂയ്‌....ഇങ്ങാട്ട്‌ നോക്ക്‌...ഞാനാണു കേട്ടാ ഈ ശാന്തമ്മ.......പിന്നേയ്‌ ഇപ്പ വെറും ശാന്തമ്മ അല്ലാ.......മ്യാഡം ശാന്തമ്മ.......അങ്ങനെ വിളിക്കണം........അല്ലാ...കൊച്ചേതാ......മീന്‍ വാങ്ങാന്‍ വന്ന വരവല്ലല്ലാ......ഇതാരക്കേണു പൊറകിലു....കുന്തോം വടീം ഒക്കെ ആയിട്ട്‌.....ഒരുത്തന്റെ തോളിലു എന്താണു പെട്ടിയാ....അവന്‍ ചുമട്ടുകാരനാണാ.......എന്താണു....എന്താണു നിനക്ക്‌ വേണ്ടേന്ന് പറ കൊച്ചേ........'

'യെസ്‌....യെസ്‌...പറയാം.ഞാന്‍ സാലഭഞ്ജികാ മേനോന്‍...'

'എന്ത്‌ മേനോന്‍......സാല....'

'എളുപ്പത്തിനു .....അങ്ങനേം വിളിക്കാം...സാല...എന്ന്..'

'ഉവ്വ....അപ്പ സാലമോളു എന്തിനാണു വന്നത്‌....'

'ഞാന്‍ ..ശാന്തമ്മേടെ..സോറി....ശാന്തമ്മ മാഡത്തിന്റെ മഹന്‍ ശ്രീരാമനെ ഇന്റര്‍വ്യൂ ചെയ്യാന്‍ വന്നതാണു....'

'പ്‌ ഫാ'.......നീ എന്റെ മോനെ എന്ത്‌ ചെയ്യൂന്ന്......ഭദ്രകാളീ...വെട്ടി ഞാന്‍ പൂച്ചക്കിട്ട്‌ കൊടുക്കും........എടീ...ഏലീ....അമ്മിണീ....എടാ......രാജപ്പാ...എടാ കേട്ടാടാ.....എന്റെ രാമന്‍ കൊച്ചിനെ ഏതാണ്ട്‌ ചെയ്യാന്‍ ...ദേ ഇവളു ആളേം കൂട്ടി വന്നേക്കണു......'

'അയ്യോ...മാഡം...ഇന്റര്‍വ്യൂ.....അതായത്‌ ഞങ്ങള്‍ക്ക്‌ ശ്രീരാമനുമായിട്ട്‌ ഒന്ന് സംസാരിക്കണം....അഭിമുഖസംഭാഷണം......ഞങ്ങളേ......
പേര്‍ഷ്യാനെറ്റീന്നാ.....'

'ഹാവൂ....ഇത്‌ നേരത്തേ പറയണ്ടേ...ഞാനങ്ങ്‌ പേടിച്ച്‌ പോയല്ലാ........അല്ലാ....ഇത്‌ ഇപ്പഴാ...ശ്രദ്ധിച്ചേ...നീ എന്തൂട്ടാണീ ഇട്ടേക്കണേ....ചാക്ക്‌ വെട്ടി തയിച്ച കളസാനാ......എന്തൊരു നാറ്റോടീ അതിനു.......ചാള ചീഞ്ഞാ കൂടി ഇത്ര നാറ്റമില്ല....നീയീ കളസം അലക്കാറില്ലേ......'

ഒ.കെ...ഒ.കെ...മകനുമായിട്ട്‌ സംസാരിക്കുന്നതിനു മുന്‍പ്‌ .....ആ താരത്തെ വളര്‍ത്തി വലുതാക്കിയ അമ്മയുമായിട്ട്‌ ഒന്ന് സംസാരിക്കാം എന്ന് കരുതിയാണു മാഡത്തിന്റെ അടുത്ത്‌ വന്നത്‌...'

'ആണാ....സന്തോഷം ഇണ്ട്‌
കേട്ടാ.....എന്തൂട്ടാണു സാലമോക്ക്‌ അറിയേണ്ടത്‌ ......ചോദിക്ക്‌...ചുമ്മാ....ചോദിക്ക്‌.......'

'രാമന്‍ ഇപ്രാവശ്യം കപ്പ്‌ കൊണ്ടുവരുമോ...അതിനുള്ള സാധ്യത ഉണ്ടോ'

'അതെന്തൂട്ട്‌ ചോദ്യോണു.....ദേ..നീയെന്നെ ദേഷ്യം പിടിപ്പിക്കും കേട്ടാ.....എടീ...അവന്‍ എവിടെ പോയാലും അവിടുന്ന് എന്തെങ്കിലും കൊണ്ട്‌ വരും........ഇന്നാളു മൈസൂര്‍ കൊട്ടാരം കാണാന്‍ പോയിട്ട്‌ വന്നപ്പ.....അവന്റെ കൈയില്‍ ഒരു കിരീടോം വാളും.....പുറകേ കന്നഡ പോലീസും.......അതാ ഞാന്‍ പറയണത്‌....അവന്‍ കൊണ്ട്‌ വരുമെന്ന കാര്യത്തില്‍ ഒരു സംശയോം വേണ്ട.......അതിനി കപ്പാണാ.....കോപ്പാണാ.....എനൊന്നും പറയാന്‍ ഞാന്‍ ആളല്ലാ....'

'രാമന്‍.... ചെറുപ്പത്തില്‍ വെണ്ണ കട്ട്‌ തിന്നുമായിരുന്നു.....എന്ന് കേട്ടിട്ടുണ്ട്‌...ശരിയാണോ'

'കട്ടുതിന്നുമായിരുന്നു......വെണ്ണേല്ലാ....ബണ്ണു....അപ്പറത്തെ പെട്ടിക്കടേന്ന്.....അപ്പ കടക്കാരന്‍ ചീത്ത വിളിക്കും......അപ്പ അവന്‍ കല്ലെടുത്ത്‌ അയാളെ എറിയും....അങ്ങനേണു അവന്‍ ഏറു തുടങ്ങീത്‌ തന്നെ....'

'കോച്ച്‌ വന്ന അനുഭവങ്ങള്‍ പറയാമോ..'

'കോച്ച്‌ പിടിച്ചാ..അതൊരു അനുഭവം തന്നേണു മോളേ.....ആ ദിവസം കട്ടിലില്‍ തന്നെ..പണിക്ക്‌ പോവാന്‍ പറ്റൂല്ലാ...'

'കോച്ചിപ്പിടിക്കണ കാര്യമല്ലാ...കോച്ച്‌.....രാമന്റെ കോച്ച്‌..വീട്ടില്‍ വന്ന കാര്യമാ ചോദിച്ചത്‌.....'

'അതു ശരി......ആ സായിപ്പ്‌ വന്ന കാര്യം......എന്തൂട്ടാണു ആ ശവീടെ പേരു...ചപ്പലാ...നക്കലാ.....അങ്ങനെ ഒരു വര്‍ക്കത്ത്‌ കെട്ട പേരു......എന്തായാലും ഒരു കൊട്ട കൊഞ്ച്‌ പുഴുങ്ങീത്‌ വിഴുങ്ങി.....കര്‍ത്താവെ......എത്ര രൂപേടെ മൊതലാ...'

'ഇതിനു മുന്‍പ്‌ മറ്റ്‌ ടീം അംഗങ്ങളും ഇവിടെ വന്നിട്ടുണ്ട്‌ അല്ലേ'

'പിന്നേ....എല്ലാം ആര്‍ത്തി പണ്ടാരങ്ങളാ......ആ പാലു കുടിക്കണ ചെക്കന്‍ ഇണ്ടല്ലാ......തോണി........ആ കൊച്ചന്‍ പാവാണു കെട്ടാ......ഒരു പശൂനെ അങ്ങ്‌ കൊടുത്താ മതി.......കറക്കാനും കൂടി ആളു വേണ്ടാ....എല്ലാം അവന്‍ തന്നെ ആയിക്കോളും...'

'രാമന്റെ ഏറിന്റെ മികവില്‍ പാരമ്പര്യത്തിന്റെ വല്ല സ്വാധീനവും ഉണ്ടോ.....രാമന്റെ അഛന്‍ കളിക്കുമായിരുന്നോ....'

'പിന്നേ.....അങ്ങേരു ഭയങ്കര കളിയല്ലേ.......ഒരു പത്തുമുപ്പത്‌ കൊല്ലം മുന്‍പത്തെ അങ്ങേരുടെ ഒരു ഏറു.....ഹോ...ഓര്‍ത്തിട്ട്‌ കുളിരു കോരണു..........അടുപ്പിച്ച്‌ ഒരു നാലു ഓവറു...നാലിലും ഓരോ വിസ്കറ്റ്‌.......'

'വിസ്കറ്റാ...അത്‌ എന്താണു മാഡം.'

'എടീ...എനിക്ക്‌ നാലു പിള്ളേരാണു...അവസാനത്തെ വിസ്ക്കറ്റാണു രാമന്‍..'

'അപ്പോള്‍....രാമന്റെ അഛനു ഇതേവരെ നാലു വിക്കറ്റേ കിട്ടിയിട്ടുള്ളോ...'

'എന്റെ അറിവില്‍ അത്രേം ഒള്ള്‌....പിന്നെ നാടു മുഴുവന്‍ നടന്ന് കളിച്ചിരുന്ന ആളാണു.......അവിടേക്കെ വല്ല വിസ്ക്കറ്റും എറിഞ്ഞ്‌ വീഴിത്തിയിട്ടിണ്ടാ എന്ന് അറിഞ്ഞൂടാ.....'
'അല്ലാ..സാലക്കൊച്ചിന്റെ വീട്‌ എവിടേണു....'

'എന്റെ വീട്‌ കലൂരാണു.......അല്ലാ..എന്താ ചോദിച്ചത്‌..'

'കലൂരാണാ...അങ്ങേരു പണ്ട്‌ ആ ഏര്യേലും കളിക്കാന്‍ വന്നിട്ടുണ്ട്‌ എന്നാണു തോന്നണേ...'

'കട്ട്‌..കട്ട്‌......ക്യാമറ ഓഫ്‌ ചെയ്യടോ.....ഇവിടെ ഇത്രേം മതി....'

'മതിയാ....മതീങ്കി...മോളു ചെല്ല്...ഞാനീ മീനൊന്ന് വിക്കട്ടെ..........ചാള്‍സേയ്‌.....അയില്‍സേയ്‌ ........
-----------------------------

മിസ്‌.സാലഭഞ്ജികാ മേനോന്‍...... മ്യാഡവുമായിട്ടുള്ള ഇന്റര്‍വ്യൂവിനു ശേഷം തന്റെ ജോലി രാജി വച്ചു........ഭൗതിക ജീവിതത്തില്‍ വിരക്തി തോന്നിയ അവര്‍....നേരേ കൈലാസത്തില്‍ ചെന്ന് ...'ധീരുഭായ്‌ അമ്പുകേറ്റി' മഹര്‍ഷികളില്‍ നിന്ന് സന്യാസം സ്വീകരിക്കുകയും ...ആശ്രമത്തില്‍ തപസ്സ്‌ ആരംഭികുകയും ചെയ്തു.

അടുത്ത വര്‍ഷം അവര്‍ക്ക്‌ മൂന്ന് കുട്ടികള്‍ ജനിച്ചു.

മഹര്‍ഷി....ഒരു ന്യൂബോള്‍ സ്പെഷിലിസ്റ്റ്‌ ആയിരുന്നു....അദ്ദേഹത്തിന്റെ ആദ്യത്തെ ഹാട്രിക്കും അതായിരുന്നു.

57 comments:

sandoz said...

ഒരു ചിന്ന പോസ്റ്റ്‌.....ലോക കപ്പ് വരികയല്ലേ.......പിന്നെ അസൂയക്ക്‌ മരുന്ന് കണ്ടുപിടിച്ചിട്ടും ഇല്ലാ......

ഫാ.ബെന്യാമിന്‍ said...

ക്രിക്കറ്ററെ മാത്രം വിമര്‍ശിച്ചിട്ട് കാര്യമില്ല, ക്രിക്കറ്റ് കളി തന്നെ നിരോധിക്കേണ്ട കാലം കഴിഞ്ഞു.
ഇന്ത്യാ മഹാരാജ്യത്തെ പ്രതിനിധീകരിച്ച് അവന്മാരു കളിക്കുമ്പൊ ലീവെടുത്ത് ലൈവു കാണുന്ന ഇന്ത്യക്കാര്‍ വേസ്റ്റാക്കുന്ന സമയം എത്ര വരുമെന്ന് അറിവുള്ളവര്‍ കണക്കു കൂട്ടി നോക്കുക.
ഞാനെന്തായാലും ടീവിക്കു മുന്നില്‍ കുത്തിയിരുന്ന് ഈ കോപ്പ് കളി കാണാന്‍ ഉദ്ദേശിക്കുന്നില്ല. അതുകൊണ്ട് ഈ പോസ്റ്റിട്ട സാന്‍ഡോസിനഭിവാദ്യങ്ങള്‍.

മുസ്തഫ|musthapha said...

ആ... ന്യൂ ബോളിലെ ഹാട്രിക് തകര്‍ത്തു :)

Unknown said...

അളിയാ സാന്റോ,
ഈ ശൈലി എനിക്ക് പെരുത്ത് ഇഷ്ടായെഡേയ്. ഈ സമകാലിക വിഷയങ്ങള്‍ ലിങ്ക് ചെയ്യുന്ന ശൈലി എളുപ്പമല്ല മോനേ ദിനേശാ. രസിച്ചു വായിച്ച ഒരു പോസ്റ്റ്.

ഓടോ: ജ്വാലി പോയാലും ഈ വേള്‍ഡ് കപ്പ് കണ്ടിട്ടേയുള്ളൂ. (ബോസും ലീവാണ് വേള്‍ഡ് കപ്പ് സീസണില്‍)

Rasheed Chalil said...

സന്റോസേ ഇത് കലക്കി.

Peelikkutty!!!!! said...

ചപ്പല്..തോണി..എനിക്കു വയ്യേ!...സന്റൊസെ ഈ ശൈലിക്ക് ദാ പിടിച്ചൊ ഒരു ഗപ്പ് :)

G.MANU said...

മാതൃഭൂമിയുടെ ഫ്രണ്ട്‌ പേജ്‌ പറഞ്ഞു "കോച്ചിനു കൊഞ്ചിഷ്ടം" മനോരമ പറഞ്ഞു കോച്ചിനു കൊച്ചിയിഷ്ടം , ഇനി ദീപിക പറയും കോച്ചിനു കോച്ചിപ്പിടിത്തം... " മാഷെ ഇങ്ങനെ ഒന്നു കണ്ടതില്‍ സന്തോഷം

Unknown said...

വേട്ടയ്ക്ക് മുമ്പ് വായിച്ചു സാന്‍ഡോസേ..
അക്ഷേപഹാസ്യം ഇഷ്ടമായി

krish | കൃഷ് said...

സാന്‍ഡോസെ കലക്കി. ചിരിക്കാന്‍ വകയൊണ്ട്‌.
എന്നാലും... ആക്ഷേപം ച്ചിരി കൂടിപ്പോയി ട്ടൊ.. പാവം കൊച്ചന്‍ കളി ജയിച്ച്‌ ഒരു ഗപ്പൊക്കെ കൊണ്ടുവരട്ടെ, അപ്പൊ കാണാം ശരിക്കൂള്ള മ്യാഡത്തിന്റെ ഇന്റര്‍വ്യൂ.

(ഈ ഇന്റര്‍വ്യൂ കാര്യം 'അമ്പുകേറ്റിയുടെ' മുഖ്യശിഷ്യന്‍ 'സാന്‍ഡല്‍സ്‌ സ്വാമികള്‍' അസൂയ മൂത്ത്‌ ഇട്ടതാണേ.. ക്ഷമീ..)

[ഞാന്‍ ഇപ്പഴേ വെസ്റ്റ്‌ ഇന്‍ഡീസില്‍ പോയി.]

കൃഷ്‌ |krish

ഉത്സവം : Ulsavam said...

ഹഹഹ തകറ്പ്പന്‍ മോനെ സാന്റോ!

Kaippally said...

വളരെ നല്ല പോസ്റ്റ്
രസിച്ചു

Siju | സിജു said...

:-)

Ziya said...

സാന്‍ഡോച്ചക്കന്‍ സ്വതസിദ്ധമായ രീതിയില്‍ മുമ്പോട്ടാഞ്ഞ് അനായാസമായ ഒരു പുള്‍ഷോട്ടിലൂടെ കൊച്ചീലെ കളിക്കാരന്റെ നെഞ്ചത്തേക്ക് സിക്സര്‍!
തൊട്ടടുത്ത പന്തില്‍ കൊച്ചീത്തന്നെയുള്ള ഇക്കാസ് ചുള്ളന്‍ ഹിറ്റ്വിക്കറ്റ്!
കൊച്ചീലെ കളിക്കാരന്റെ കേമത്തം രസിക്കാതെ സാന്‍ഡോ സിസ്സറടിക്കുമ്പം ജെലസിയായ ഇക്കാച്ചുള്ളന്‍ ബൌണ്‍സറ് വരുമ്പ കുനിഞ്ഞൊഴിയുന്ന ദ്രാവിഡിനെപ്പോലെ വിഷയത്തീന്ന് തന്നെ ഒഴിഞ്ഞു പോയിരിക്കുന്നു. എന്തിനാന്നോ? അല്ലെങ്കി കൊള്ളാഡാ സാന്‍ഡൊ എന്നെങ്കിലുമൊന്ന് പറഞ്ഞു പോകണ്ടായോ? (ഇതും പറഞ്ഞ് എന്റെ നെഞ്ചത്ത് കേറാന്‍ വന്നാ ഇക്കാച്ചാ നെന്നെ കാക്കനാട്ടൂന്നൊരൂ സിസ്കറ് വീശും ഞാന്‍)

ഇടിവാള്‍ said...

ഡേയ് സാന്തോസേ..

വേട്ടക്കു മുന്‍പ്... ചൊതിനു മുന്പ്...

ശേഴം കളികളൊന്നും9ഇല്ലടേയ് ?

പോസ്റ്റ് അമറന്‍ ! എന്നാലും ആ ചെക്കനിട്ടു ക്ലീന്‍ ബൌള്‍ഡ് ആക്കി ല്ലേ.

Kaithamullu said...

ഇദിപ്പോ എന്താ പറയാനാ....
രസിച്ചൂ ട്ടോ!

:)

അമല്‍ | Amal (വാവക്കാടന്‍) said...

സാന്‍‌ഡോസേ,

അസൂയക്കുള്ള മരുന്ന് മഞ്ഞുമ്മല്‍ പള്ളീടടുത്തുള്ള ഒരു കടേല് കിട്ടും..

ശ്രീരാമന്‍ ചത്തുകളയും ഇതു കണ്ടാല്‍ !!

കണ്ണന്‍ said...

സാന്‍ഡോസെ കലക്കി...പക്ഷെ...ഇതു കൂടി പോയി....ഒന്നുമ്മില്ലങ്കിലും ഈ രാമന്‍ ഒരു കേരളീയനല്ലേ...അതിന്റെ ഒരു പരിഗണന കൊടിക്കാമായിരുന്നു....എന്നാലും അടിപൊളി...
സാന്‍ഡോസിന് എല്ലാ ഭാവുകങളും...

വേണു venu said...

അസൂയയ്ക്കു് ബൂലോകത്തു് മരുന്നു കണ്ടു പിടിച്ചു.
നല്ലതെവിടെ കണ്ടാലും അസൂയിച്ചതിനു ശേഷം അതിനെ അടിച്ചു മാറ്റി സ്വന്തമാക്കാം.
സാന്‍റോസ്സേ, പോസ്റ്റിഷ്ടപ്പെട്ടു.:)

കുറുമാന്‍ said...

മാനേ, സാന്‍ഡോസേ, കലക്കീണ്ട്രാ ഗഡീ. ബാളെറിയാണേല്‍ ഇങ്ങനെ എറിയണം. വിക്കറ്റ് വീണത് അമ്പയര്‍ പോലുമറിഞ്ഞില്ല :)

Santhosh said...

കലക്കി, സാന്‍ഡോസേ... മറ്റേ വെടിക്കെട്ടും ഇപ്പൊഴാ വായിച്ചത്. കൊള്ളാം.

ദേവന്‍ said...

ഇത്‌ കലക്കി സാന്‍ഡോസേ
ന്യൂബോളിലെ ഹാറ്റ്രിക്ക്‌ പ്രത്യേകിച്ചും!

ദിവാസ്വപ്നം said...

:-)

സുന്ദരന്‍ said...

എല്ലാ പോസ്റ്റുകളും വായിച്ചു...കമന്റ്‌ മൊത്തത്തില്‍

കിടിലോല്‍കിടിലം....

Typist | എഴുത്തുകാരി said...

സാന്റോസേ, കൊള്ളാം, പോരട്ടേ, പോരട്ടേ ഇനിയും.


എഴുത്തുകാരി.

-B- said...

ഈ ചെക്കന്റെ ഒരു കാര്യം!

മകാനേ, സന്‍ഡൂ, സൂപ്പര്‍ ഭാവനേണ് കേട്ട. ഇതെങ്ങനേണ് ഇങ്ങനെ എഴുതണതപ്പ!

ഞങ്ങ ഇപ്പോ നിങ്ങടെ ഒരു ഫാനാണ്. :)

തമനു said...

ദേ അമ്മച്ചിയാണേ പറേണ്... നെനക്ക്‌ തല്ലൊറപ്പാണ്... രാത്രികളില്‍ മദ്യപാനങ്ങളും കുടിച്ചേച്ച്‌ കൊച്ചീക്കൂടേ കറങ്ങി നടക്കണ്ടാട്ടോ.. മോനേ സാന്‍ഡോസേ..

ഇതിപ്പോ കിടിലന്‍ പോസ്റ്റാണെന്ന്‌ പറഞ്ഞാ, നീ തല്ലുവാങ്ങുമ്പോ എന്റെ പേരും പറഞ്ഞു കൊടുക്കുമോന്ന്‌ പേടിച്ചിട്ട്‌ ഞാനൊന്നും പറേന്നില്ല, ഇതു വായിച്ച്‌ ഞാന്‍ ചിരിച്ച്‌ കൊടലു മറീഞ്ഞെന്നോ, എഴുത്തു സൂപ്പറായെന്നോ ഒന്നും.

RR said...

കലക്കീട്ടുണ്ട്‌ കേട്ടോ :)

സു | Su said...

എന്നാലും നമ്മുടെ ക്രിക്കറ്റുകാരോടിത് വേണ്ടായിരുന്നു.

sandoz said...
This comment has been removed by the author.
ഏറനാടന്‍ said...

കാണുവാന്‍ വൈകി. കൊള്ളാം.. പിന്തിരിഞ്ഞോടുന്നവര്‍ അധികരിക്കുന്ന ബൂലോഗത്ത്‌ ഭൂതപ്രേതപിശാച്‌ ശല്യങ്ങളീന്നും രക്ഷയ്‌ക്കും; സധൈര്യം നില്‍ക്കുവാനും നമുക്കേവര്‍ക്കൂം ദൈവംതമ്പുരാന്‍ കരുത്തേകട്ടെയെന്ന് പ്രാര്‍ത്ഥിക്കാം..
:)

Unknown said...

സാന്‍ഡോസേ,

ഇത് കലക്കീട്ടാ...
വി.പെ. എനിക്ക് പറയാലോ ഞാന്‍ കാഞ്ഞിരോട്ടുമില്ല.

sandoz said...

നേരത്തേയിട്ട നന്ദി പ്രമേയം..വലത്തോട്ട്‌ നീണ്ട്‌ നീണ്ട്‌..എന്റെ പ്രൊഫൈയിലും കൊണ്ട്‌ പോയി...അതോണ്ട്‌..അതങ്ങ്‌ ക്യാന്‍സല്‍ കാച്ചി...
ദേ പുതിയത്‌ ഒരെണ്ണം.....
ഇക്കാസ്‌-ഇക്കാസ്‌ ക്രിക്കറ്റ്‌ കളി ബഹിഷ്കരിച്ചു..ഇനി ടീവിയിലെ ...കളി കാണൂ....
അഗ്രു-ചുമ്മാ ഒരു രസം..ഡാങ്ക്സ്‌
ദില്‍ബൂ-പണി പോയാല്‍ കൊച്ചിക്ക്‌ പോരേ...'പണി തരാം'
ഇത്തിരി-ഡാങ്ക്സ്‌
പീലിക്കുട്ടി-ആ ഗപ്പ്‌ ഞാന്‍ സ്വീകരിച്ചു
മനു-ഡാങ്ക്സ്‌
ഇരിങ്ങല്‍-ഡാങ്ക്സ്‌
കൃഷ്‌-സംശയമുണ്ടോ....മുഴുത്ത അസൂയ തന്നെയാണു ഈ പോസ്റ്റിനു പിന്നില്‍
ഉത്സവം-ഡാങ്ക്സ്‌
കൈപ്പിള്ളി-പനി മാറിയാ...
സിജൂ-പഴയ കമന്റ്‌ ക്യാന്‍സല്‍ ചെയ്തപ്പോള്‍ ശെരിയായി....സഹായത്തിനു നന്ദി...
സിയ-ഇക്കാസ്‌ ബീമര്‍ എറിയാന്‍ മിടുക്കനാണു കേട്ടാ....[ബീയര്‍ അല്ല]
വാള്‍സ്‌-നന്‍ഡ്രി...ബണക്കം
കൈതമുള്ള്‌-ഡാങ്ക്സ്‌
വാവക്കാടന്‍- ഞാന്‍ നോക്കി..രക്ഷയില്ല...അതു കൊണ്ടാ ഇങ്ങനെ പോസ്റ്റിയത്‌....ഇപ്പൊ ലേശം കുറവുണ്ട്‌....
കണ്ണന്‍-ഡാങ്ക്സ്‌

സുല്‍ |Sul said...

അപ്പൊ ഞാനിട്ട എന്റെ സ്വന്തം കമെന്റോ?

ഉഗ്രന്‍ സാന്‍ഡോസെ :)

-സുല്‍

sandoz said...

വേണുവേട്ടാ-കൂട്ടത്തില്‍ ബൂലോഗത്തിനിട്ടും താങ്ങിയാ
കുറൂസേ-ഡാങ്ക്സ്‌
സന്തോഷ്ജീ-ഭീമനേം..രാമനേം ഒരുമിച്ചാ കണ്ടത്‌ അല്ലേ...നന്ദി...
ദേവേട്ടാ-നന്ദി..പിന്നേയ്‌..ഒരു സ്വകാര്യം....'വലിയവഴി പൂന്തോട്ടം'....ശരിയാക്കി തരാട്ടാ....
ദിവാ-ഡാങ്ക്സ്‌
സുന്ദരന്‍-എല്ലായിടത്തും കയറിയതിനു പെരുത്ത്‌ നന്ദി....
ടൈപ്പിസ്റ്റേ-പ്ലാസ്റ്ററില്‍ പടം വര തുടങ്ങിയോ.....വയ്യാത്ത കാലും വച്ച്‌ അഭിമുഖം കാണാന്‍ വന്നതിനു ഡാങ്ക്സ്‌
ബിക്കു-ഊവ....ഊവേ......സമ്മയിച്ച്‌..നിങ്ങ ..നുമ്മടെ ഫാന്‍ തന്നെ.....
തമനു-ഇടി കിട്ടിയാല്‍ സത്യമായിട്ടും തമനൂന്റെ പേരു ഞാന്‍ പറഞ്ഞു കൊടുക്കും...പത്തനംതിട്ട അയ്യപ്പനാണേ സത്യം...
ആറാറേ..ഏഴാറേ...എട്ടാറേ-ഡാങ്ക്സ്‌
സു-ചുമ്മാ.....ചുമ്മാ അസൂയ....ആ ചെക്കന്റെ മറുഭാഷ കേള്‍ക്കുമ്പോള്‍ എനിക്കങ്ങു കുളിരു കോരും....
ഏറനാടാ-എന്താ പറ്റീത്‌..എന്തൊക്കയാ ഈ പറയണത്‌...ഞാന്‍ പറഞ്ഞിട്ടില്ലേ...വര്‍മ്മമാര്‍ ഇറങ്ങുന്ന സമയത്ത്‌ ഇറങ്ങി നടക്കരുത്‌ എന്ന്...ഒരു ഏലസ്സ്‌ കെട്ടണത്‌ നല്ലതായിരിക്കും...
പൊതുവാള്‍സ്‌-ഡാങ്ക്സ്‌
സുല്ലേ-അത്‌...ഗൂഗിള്‍ ബേട്ട കൊണ്ടുപോയി [പാവം ചെക്കനു കളിക്കാന്‍ ആയിരിക്കും....]

Unknown said...

സാന്‍ഡോസ്,
നന്നായിട്ടുണ്ട്. അയല്‍ക്കാരനെ വെറുതെ വിടില്ല അല്ലേ!

മഹര്‍ഷി വല്ല നരേന്ദ്ര ഹിര്‍വാനി വംശത്തില്‍ പെട്ടവനായിരുന്നെങ്കില്‍.. ?

sandoz said...

സപ്താ....മഹര്‍ഷി ഹിര്‍വാനി വംശത്തില്‍ പെട്ട മഹാന്‍ തന്നെയാണു...പക്ഷെ പുള്ളിക്കാരന്റെ ആദ്യ ഹാട്രിക്ക്‌ ഇതായിരുന്നു .....എന്ന് മാത്രം.......ഇന്റര്‍വ്യൂ കണ്ടതിനു ഡാങ്ക്സ്‌.....

പ്രിയംവദ-priyamvada said...

സന്റോസേ..ശ്രീരാമന്റെ അമ്മയ്ക്കും അച്ഛനും ഇത്രയും പാര വച്ചതിന്റെ സാംഗത്യം മനസ്സിലായില്ല..ഇന്റര്‍വ്യൂ കൊടുത്തു കൊല്ലുകയാണോ അവറ്റ?



ഓ.ടോ..
എല്ലം വായിക്കാറുണ്ടു ..എഴുതിത്തെളിയുന്ന ലക്ഷണം ഉണ്ടു..കണ്വാശ്രമത്തില്‍ നിന്നും കുറച്ചു വനജ്യോല്‍സ്നകള്‍!(singer alla)

സാന്‍‌ഡോസേ,ആപ്പീസിലെ അഡ്രസ്‌ ഒന്നു വേണമായിരുന്നു..'മദ്യ' കേരളത്തില്‍ ഇരുന്നു ബ്ലോഗുന്ന അനിയന്റെ പല കമന്റുകളും കൊച്ചി മീറ്റിനുല്ല navigation help ഒക്കെ വായിച്ചിട്ടു ഒരു കുപ്പി കാമിലാരിക്കുള്ള കാശു ( അതല്ലെ ആ കരള്‍ സംരഷിണിയുടെ പേരു )അയച്ചു തരാനാണെ..

qw_er_ty

sandoz said...

പ്രിയംവദേ...മുനികന്യകള്‍ എന്ന് പറഞ്ഞിട്ട്‌..ഒരാളല്ലേ ഒള്ളൂ...ഇനി വേറേം ഉണ്ടോ.......
പത്രങ്ങള്‍,ചില വനിതാ മാസികകള്‍...ഇതിലൊക്കെ നിറഞ്ഞു നില്‍ക്കുന്ന രാമന്റെ കുടുംബത്തെ കണ്ടപ്പോള്‍ ഉണ്ടായ അസൂയയില്‍ നിന്ന് വിരിഞ്ഞ ഒരു കണ്ടകാവ്യം ആണു ഇത്‌.........
പിന്നേ...കാമിലാരി
കിഡ്നിയാ..ലിവറാ..അങ്ങനെ ഏതാണ്ടൊരു സാധനം നന്നാക്കാനുള്ളതല്ലേ........അതു കൊണ്ട്‌ ഒരു പ്രയോജനവും ഇല്ലാ..എന്റെ ആശ്രമ വാസീ....
എന്താന്നു വച്ചാല്‍......കിഡ്നി..ലിവര്‍...പ്ലീഹ...മുതലായ വസ്തുക്കള്‍ വിറ്റ്‌ കിട്ടിയ കാശ്‌ കൊണ്ടാ ഇപ്പൊ കീറണത്‌......അതു കൊണ്ട്‌ ഇനി അതു ചീത്തയാവും എന്ന പേടി വേണ്ടല്ലാ....ഏത്‌.......

Vempally|വെമ്പള്ളി said...

സാന്‍ഡൊസെ, ഇതിന്‍റെ വേറോരു വശം കലാകൌമുദിയില്‍ വായിച്ചതോര്‍ക്കുന്നു സുകുമാര്‍ അഴീക്കോടിന്‍റെ - “ഇത്രേം ആക്രാന്തം വേണ്ട“ എന്നൊ മറ്റോ. ഇതിപ്പോ പ്രസന്റേഷന്‍, സിറ്റുവേഷന്‍, എല്ലാം കലക്കി.

അല്ല സാന്‍ഡോസിനു കഷണ്ടീം ഉണ്ടൊ?

sandoz said...

വെമ്പള്ളീ....മിസ്‌.മേനോന്‍ നടത്തിയ അഭിമുഖം കണ്ടതിനു നന്ദി.......
ചെറുപ്പത്തിലേ തലയില്‍ മുടി വളരുന്നില്ല..പിന്നെ കഷണ്ടിയുടെ പ്രശ്നം ഉദിക്കുന്നില്ലല്ലോ....

sreeni sreedharan said...

സത്യം പറ ഇന്നെത്ര സിക്സറടിച്ചു :)
സാണ്ടോയ്ക്ക് കൊട്ടേഷന്‍ തരാന്‍ രാമനും ഫാമിലീം എന്‍റടുത്ത് തന്നെ വന്നാല്‍ മതിയായിരുന്നു.

sandoz said...

'സിക്സര്‍' അടി നിര്‍ത്തി....എന്തിനാ വെറുതേ വില കുറഞ്ഞ സാധനം ഒക്കെ കഴിച്ച്‌ കൂമ്പ്‌ വാട്ടണത്‌.. ഇപ്പോള്‍....'ഡയാന'....ഫുള്ളിനു 140 ഇന്‍ഡ്യന്‍ മണി.....ഞങ്ങളേ പെശകാ...

കൊട്ടേഷന്‍...പിന്നേം താങ്ങാം.......ആ അമ്മച്ചീടെ അഭിമുഖം വന്ന മാസികകള്‍ ഒന്നും കെട്ടിയിട്ട്‌ വായിപ്പിക്കാതിരുന്നാല്‍ മതി.......

കരീം മാഷ്‌ said...

എഴുത്തിന്റെ രീതി വളരെ ഇഷ്ടപ്പെട്ടു.
എന്നാല്‍ രാമനു ഒരു ശ്രീശാന്തു മുഖം ഉണ്ടോ എന്നു തോന്നിയപ്പോള്‍ സാന്‍ഡൊസിന്റെ അരച്ചു കലക്കി അതില്‍ മണ്ണണ്ണയൊഴിച്ചു മണ്ണില്‍ കുഴിച്ചിട്ടു പതിനായിരം കൊല്ലം കഴിഞ്ഞു ചാലിയാറിലൊഴിച്ചു കളയാന്‍ മാത്രം ദേഷ്യം വന്നു :-)

sandoz said...

ഹ..ഹ..ഹാ..കരീം മാഷേ.....ശ്രീശാന്ത്‌ നമ്മുടെ പയ്യന്‍ അല്ലേ.....അവനെ കുറിച്ച്‌ ഞാന്‍ അങ്ങനെയൊക്കെ പറയോ.....വെറുതേ എനിക്ക്‌ തല്ലു വാങ്ങി തരാനുള്ള വകുപ്പ്‌ പറഞ്ഞുണ്ടാക്കല്ലേ.......
എന്നാലും ചാലിയാറില്‍ ഒഴുക്കൂന്ന് പറഞ്ഞത്‌ ഇതിരി കടന്ന കയ്യായി പോയി...പെരിയാറില്‍ ആയിരുന്നെങ്കില്‍.... വീട്‌ അടുത്തായിരുന്നു...

എഴുത്ത്‌ ഇഷ്ടപ്പെട്ടു എന്നറിഞ്ഞതില്‍ സന്തോഷം...ആദ്യമായല്ലേ..ഇവിടെ..അപ്പോള്‍ ഒരു സ്വാഗതം കൂടി......

[എന്നാലും എന്റെ കരീമിക്കാ...ആദ്യമായി എന്റെ ബ്ലോഗില്‍ വന്നത്‌....എന്നെ മണ്ണെണ്ണ ഒഴിച്ച്‌ കുഴിച്ചിടാന്‍ അയിരുന്നല്ലോ......]

വിചാരം said...

നീതാ .. സിംഗം ബ്ലൊഗര്‍ സിംഗം

ഈ കൊച്ചമ്മമാരാ നമ്മുടെ നാട്ടിന്‍റെ തന്നെ നാണക്കേട് ഇങ്ങനെയുള്ളവര്‍ക്ക് ഇങ്ങനെ തന്നെ കൊട്ട് കൊടുക്കണം ഇതിന്‍റെ ഒരു കോപ്പി എടുത്ത് ഒന്ന് പോസ്റ്റ് ചെയ്ത് കൊടടെ.....
ര് ആരെന്തുപറഞ്ഞാലും ആരോ പറഞ്ഞത് ഞാനിവിടെ പറയാം ... 11 ക്രിക്കന്മ്മാര്‍ (കിറുക്കന്‍ എന്നാല്‍ ഞങ്ങടെ നാട്ടില്‍ ഭ്രാന്തന്‍ എന്നു പറയും) കളിക്കുന്നു 11,000 ക്രിക്കന്മാര്‍ കളി കാണുന്നു

ദേ ഇതു കലക്കിട്ടോ ...

'പിന്നേ.....അങ്ങേരു ഭയങ്കര കളിയല്ലേ.......ഒരു പത്തുമുപ്പത്‌ കൊല്ലം മുന്‍പത്തെ അങ്ങേരുടെ ഒരു ഏറു.....ഹോ...ഓര്‍ത്തിട്ട്‌ കുളിരു കോരണു..........അടുപ്പിച്ച്‌ ഒരു നാലു ഓവറു...നാലിലും ഓരോ വിസ്കറ്റ്‌.......'

ഈ കാര്യത്തില്‍ നമ്മളെ ബാപ്പാനെ കണ്ടു പഠിക്കണം ഒമ്പത് വിസ്കറ്റാ മൂപ്പര് എടുത്തത്

അരവിന്ദ് :: aravind said...

ഹഹ...ചിരിച്ചില്ലെന്ന് പറഞ്ഞാ കളവാകും. ചിരിച്ചു പോയി! :-))
ബട്ട്..............ടക് - ടക് - ടക് - ടക് (മുന്നിലേക്ക് നടന്നതാ..ഡയലോഗടിക്കാനേ..)

ഉന്നം അല്പം പിഴച്ചോ എന്നൊരു ഖേദം.
ഞാന്‍ ഒരു ക്രിക്കറ്റ് അരാധകനാണ്.പ്രത്യേകിച്ച് നുമ്മടെ പയ്യന്‍സിന്റെ.
ഈ ഉന്നം അല്പം മാറ്റി, വെറകുകൊള്ളീം പിടിച്ചോണ്ട് മംഗ്ലീഷും പറഞ്ഞ് നടക്കുന്ന ഇന്റര്‍വ്യൂവതി വര്‍മ്മമാര്‍ക്കിട്ട് ശരിക്കും കൊടുക്കാരുന്നു!

എന്നാലും കോമഡി സ്പാറിയിരിക്കുന്നു. സമ്മതിച്ചു മാഷെ! :-)

(ചാറ്റിന് പിമ്പ്)

അങ്ങനാണേ.................അമറന്‍!!! :-)) ഹഹഹ!

ഓ.ടോ :
ക്രിക്കറ്റ് സമയനഷ്ടം ഉള്ള കളി തന്നെ.പക്ഷേ വിദഗ്‌ധാഭിപ്രായത്തില്‍ ഒരു മനുഷ്യന് കളിക്കാന്‍ ഏറ്റവും പ്രയാസമുള്ള കളികളാണ് ക്രിക്കറ്റും ഗോ‌ള്‍ഫും.അറിയോ?
ക്രിക്കറ്റിന്റെ സോഫസ്റ്റിക്കേഷനും വളരെ കൂടുതലാണ്. ആസ്വദികാന്‍ നല്ല അറിവ് വേണം.ഫോറും സിക്സും കുറ്റിതെറുപ്പിക്കലും മാത്രമല്ലല്ലോ ക്രിക്കറ്റിന്റെ ഭംഗി. നല്ല ഒരു പന്തിന്റെ നേരെ വരുന്ന ഡിഫന്‍‌‍‌സീവ് സ്റ്റ്രോക്ക് പോലും ആസ്വാദകരമാണ്. ഏയ് ഓഫ്‌സ്പിന്‍ കളിക്കുമ്പോ ലവന്റെ ഫുട് വര്‍ക്ക് ശരിയല്ല എന്ന് ഒരു പയ്യന്‍ അറിഞ്ഞിട്ട് പറയുണമെങ്കില്‍ ഒത്തിരി അറിയണം എന്നര്‍ത്ഥം.അത്രക്കും കോം‌പ്ലക്സിറ്റിയാണ് ക്രിക്കറ്റില്‍. ഞാന്‍ ക്രിക്കറ്റ് കാണുന്നതിന്റെ വലിയൊരു കാരണം അതിന്റെ കമന്ററി കേള്‍‌ക്കാനാണ്. ഒരോ ബാറ്റ്‌സ്മാനേയും ബൌളറേയും ഇഴകീറി പരിശോധിക്കുന്നതും അതിന്റെ ടെക്നിക്കാലിറ്റിയേയും കുറിച്ചും അറിയാനാണ്. ഫിസിക്സിന്റെ ചില തത്വങ്ങള്‍ വച്ച് സ്വിംഗ് ബൌളിംഗിനെയൊക്കെ ഇഴകീറുന്നത് വളരെ രസകരമാണ്.

പിന്നെ, സമയത്തിന്റെ കാര്യമൊന്നും പറയണ്ട..ഇന്ത്യക്ക് നല്ലോരു ഫുട്ബൊള്‍ ലീഗുണ്ടായിരുന്നേല്‍ കാണാരുന്നു ! ഇതിലും സമയം വേസ്റ്റായേനെ! ഇവിടൊക്കേയ്, ആഴ്‌ചാവസാനം പത്തും പന്ത്രണ്ടും മാച്ചാ റ്റീ വീല് ! ഒറ്റയെണ്ണം വിടാന്‍ പറ്റൂല്ല! :-))

ഫുട്ബോള്‍ മനോഹരമാണ്. എറ്റം പ്രിയമാണ്. അതൊരാഘോഷമാണ്. പക്ഷേ സ്റ്റ്രേയിറ്റ് ഫോര്‍വേര്‍ഡ് കളിയാണ്. അസാമാന്യ പ്രതിഭകള്‍ ഉണ്ടെങ്കിലും ആവറേജ് ലെവലില്‍ സോഫസ്റ്റിക്കേഷന്‍ കുറവാണ്. ക്രിക്കറ്റ് വലിയൊരു വിഭാഗത്തിന് മടുപ്പനാണ്, പക്ഷേ ഹരമുള്ളവര്‍ക്ക് അതൊരു ഹരമാണേ!

ഗോള്‍‌ഫ് എനിക്ക് ഇഷ്ടമേയല്ലായിരുന്നു. ബലം പിടിച്ചിരുന്ന് അല്പം കണ്ടു നോക്കി, അല്പം വായിച്ചു..ഇപ്പോ ഒറ്റ കളി വിടില്ല! ശരിക്കും ഹരമായിരിക്കുന്നു.പഠിക്കാനും ആലോചിക്കുന്നു(വീട് പണയം വയ്കാം)!

റഗ്‌ബി നോക്കി. കൊള്ളാം. എന്നാലും പോര..എത്ര ശ്രമിച്ചിട്ടും അതിന്റെ ആ മനോഹാരിത മനസ്സിലാവുന്നില്ല. അമേരിക്കന്‍ ഫുട്ബോളും..എന്റെ ചിന്താഗതിയുടെ പ്രശ്നമാകാം. പക്ഷേ അവയൊന്നും മോശം കളികളല്ല.

കളികള്‍ തമ്മില്‍ ഒരിക്കലും നല്ലത് ചീത്ത എന്ന് കമ്പയര്‍ ചെയ്യാന്‍ പാടില്ല! കബഡിയാണോ ഓടിത്തൊടലാണോ കൊത്തം‌കല്ലാണോ നല്ലത്? ഇക്ക് പറയാന്‍ പറ്റില്ല.

(ഒരു രഹസ്യം പറയാം...ഇന്ത്യക്കാര്‍ക്ക് നല്ല ബുത്തിയുണ്ടായിട്ടാ ഈ ക്രിക്കറ്റ് കളി ഇത്രക്കിഷ്ടം...ഈ അമേരിക്കന്‍ സായിപ്പന്‍‌സിനൊക്കെ ഇത്രക്ക് ചിന്തിച്ച് ആലോചിച്ച് ഒരു കളി കാണാനുള്ള കപ്പാക്കുറ്റിയൊന്നുമില്ലെന്നെ! ;-)

(കമന്റിടാതെ നടന്ന് ആക്രാന്തം പിടിച്ചിട്ട കമന്റാ..നീ ഷമി കൂവേ.;-))

മനോജ് കുമാർ വട്ടക്കാട്ട് said...

സാന്റോ-
ചെക്കന്റെ ഇന്റര്‍വ്യൂ എന്തേ എടുത്തില്ല? അതല്ലേ സംഭവബഹുലം...

"ഇവിടെ ചിലരൊക്കെ എന്നെ ഒതുക്കാന്‍ നോക്കുന്നുണ്ട്‌, പക്ഷേ ഞാനാരാ മോന്‍ന്‍ന്‍ന്‍ന്‍ന്‍...." തുടങ്ങി അമിട്ടുകളുടെ ഒരു പ്രവാഹം തന്നെയായിരുന്നല്ലോ.

asdfasdf asfdasdf said...

കലക്കീണ്ട്രാ സാണ്ഡോസേ..

ആവനാഴി said...

എടോ സാന്‍ഡോസേ

തകര്‍ക്കുന്നുണ്ടല്ലോ.
ചെണ്ടകൊട്ടിക്കൊട്ടിഉരുട്ടിക്കൊട്ടിക്കയറും പോലെ.
സസ്നേഹം
ആവനാഴി

കരീം മാഷ്‌ said...

സോറി ട്ടോ സാന്‍ഡോസെ! :-)
നമ്മടെ ചെക്കനെ ഓര്‍ത്തപ്പോള്‍ ഇത്തിരി ഇമോഷണലായി.
ആദ്യമായിട്ടല്ലെ നമ്മടെ മലയാളക്കരയില്‍ നിന്നോരു മലയാളി അങ്ങെത്തുന്നത് അതു കൊണ്ടാവും.
എഴുത്ത് സൂപ്പര്‍,
അതു പിന്നെയും പിന്നെയും പറയും.
നല്ല ആനുകാലിക വിഷയങ്ങള്‍ കണ്ടെത്തുക കൂട്ടുകാരാ!
ആള്‍ ദ ബെസ്റ്റ്.

sandoz said...

വിചാരം-കര്‍ത്താവേ എന്താ ഈ കേള്‍ക്കണത്‌.....ഒമ്പത്‌ വിസ്കറ്റാ.......പുള്ളി ഉത്തേജകം വല്ലതും കഴിച്ചു കാണുമെടൈ........
നന്ദി......ഇന്റര്‍വ്യൂ കണ്ടതിനു
പടിപ്പുര-എനിക്കാ ചെക്കനെ ലക്ഷ്യമുണ്ടായിരുന്നില്ലാ......ആ അമ്മച്ചീടെ ചില ഷോ....അതാണു സഹിച്ചൂടാത്തത്‌.......
നന്ദി.....
അരവിന്ദന്‍-അതു സത്യം.....കളിയെ കുറിച്ച്‌ വ്യക്തമായ ധാരണ ഇല്ലെങ്കില്‍ ക്രിക്കറ്റ്‌ കണ്ടാല്‍ വിഷമിച്ച്‌ പോകും.കമന്റ്രിയുടെ നിലവാരവും ടിവിയില്‍ കൂടിയുള്ള ആസ്വാദനത്തിന്റെ ഒരു ഘടകമാണു.ശാസ്ത്രിയും...ടോണിഗ്രെഗും ബോക്സില്‍ ഇരിക്കുമ്പോഴുള്ള ഒരു സുഖം........മനീന്ദര്‍ ശര്‍മ്മ ഇരുന്ന്...ആരു എന്ത്‌ കാണിച്ചാലും...അഛീ ബോള്‍.....ഊഞ്ചാ ഉഡാ......ചക്കാ.......എന്നു പറയുമ്പോല്‍ കിട്ടില്ല.
പിന്നെ ചെക്കന്‍ നമ്മുടേം ഗഡി തന്നെ...ആ അമ്മച്ചി...ഒരു രക്ഷേം ഇല്ല.....
കുട്ടന്‍ മേനോന്‍ -നന്ദി
ആവനാഴി-സീനിയറേ....ചുമ്മാ ഒരു രസം...നന്ദി.
കരീമിക്കാ-അതു ശരി....ഞാന്‍ അത്‌ തമാശയാക്കി തന്നെയാ എടുത്തത്‌......നന്ദി .

Unknown said...

അരവിന്ദേട്ടന്‍ പറഞ്ഞത് പോലെ ക്രിക്കറ്റ് കമന്ററി തന്നെ ആസ്വാദ്യകരമാണ്. എനിക്കിഷ്ടം രവിശാസ്ത്രി, ടോണി,ഹര്‍ഷ,ജെഫ് ബോയ്കോട്ട് എന്നിവരെയാണ്. ഹിന്ദി കമന്ററി എനിക്ക് ഇഷ്ടമല്ല. കളി അനലൈസ് ചെയ്യുന്നത് കേള്‍ക്കാനാണ് ഞാന്‍ ഇരിക്കുന്നത്. അല്ലാതെ ‘കിത്നാ ഖുബ്സൂരത് ഷോട്ട്’ എന്ന് അവന്മാര്‍ പറഞ്ഞ് തരുന്നത് കേള്‍ക്കാനല്ല.

അക്ഷരശ്ലോകം മന‍സ്സിലാക്കാന്‍ കഴിവില്ലാത്തവന്‍ സിനിമാ പാട്ട് എത്ര ജനങ്ങള്‍ക്ക് സന്തോഷം നല്‍കുന്നു അതാണ് കേമം മറ്റവനെ നിരോധിയ്ക്കണം എന്ന് പറയുന്നത് പോലെയാണ് ക്രിക്കറ്റിന് നേര്‍ക്ക് മറ്റ് ചിലരുടെ ആരോപണങ്ങള്‍. പറ്റുമെങ്കില്‍ കളി മനസ്സിലാക്കി കാണാന്‍ ശ്രമിയ്ക്കഡേയ്, അല്ലെങ്കില്‍ എണീറ്റ് പോഡേയ്. അല്ലേ സാന്റോസേ? ;-)

Ziya said...

അങ്ങനെ അമ്മ മോനെക്കൊണ്ട് പാകിസ്‌താനെ ക്യാച്ച് ‘പിടിപ്പിച്ചു’.
വാ വന്ന് ഒന്നൂടെ വായീര് എല്ലാരും

ശ്രീ said...

ഹ ഹ... സിയ ചേട്ടാ... ഇങ്ങോട്ടു വഴി കാണിച്ചതിന്‍ നന്ദി. ഇതിപ്പഴാ കണ്ണില്‍‌പ്പെട്ടത്.
ഇതു വീണ്ടും വായിക്കാന്‍‌ പറ്റിയ ടൈം തന്നെ.
:)

“ആ കൊച്ചന്‍ പാവാണു കെട്ടാ......ഒരു പശൂനെ അങ്ങ്‌ കൊടുത്താ മതി.......കറക്കാനും കൂടി ആളു വേണ്ടാ....എല്ലാം അവന്‍ തന്നെ ആയിക്കോളും...”
ഇതു വായിച്ച് ചിരി നിര്‍‌ത്താന്‍‌ പാടു പെട്ടു.
:)

ചെറുശ്ശോല said...

നന്നായിട്ട് പെരുമാരിക‍ളഞല്ലൊ എന്‍റെ സാന്ദൊശെ

പ്രയാസി said...

അത്യാവശ്യം പഠിക്കണ ഒരു ചെക്കനായിരുന്നു, കോല്‍ കളി തലക്കു പിടിച്ചു എല്ലാം നശിപ്പിച്ചു!
മുന്‍പു ഇടക്കിടക്കു മുഴങ്ങിക്കേള്‍ക്കണ ഒരു കമന്റായിരുന്നു ഇതു, നമ്മളെപോ‍ലുള്ള പിള്ളേര്‍സിന്റെ ഭാവി കളഞ്ഞതൊ പോട്ടെ ഇടക്കിടക്കു ഇവന്മാര്‍ രാജ്യത്തിന്റെ മാനം കൂടി കളയണ കാണുമ്പോള്‍ ഒരുത്തനിട്ടെങ്കിലും ഒരു എറി കൊടുക്കണമെന്നു വലിയ ആശയായിരുന്നു
കലക്കി മച്ചൂ..
ഈ എറിയാനുള്ള കല്ലൊക്കെ സ്വന്തം ഫാക്ടറിയില്‍ തന്നെയാണൊ നിര്‍മ്മിക്കുന്നതു! :)

നന്ദു said...

Hi Sandoz,
A very nice narration. Good humor mixing.

Thanks for Mr.Siya to guide me to read this post, otherwise it will be a great miss..
-Nandu