Monday, June 25, 2007

കയ്യേറ്റം

'ഹലോ..ഹലോ.... മുഖ്യനല്ലേ......'

'അതേ...മുഖ്യനാണ്‌....ആരാണ്‌ സംസാരിക്കുന്നത്‌....'

'ഞാന്‍ കാലനാണ്‌.....'

'അത്‌ ശരി ലീഡറാണോ....എന്താ ലീഡറേ പതിവില്ലാതെ.....
തന്റെ സ്വൈര്യക്കേട്‌ മകനെന്തിയേ.....അവനെക്കുറിച്ചൊന്നും കേക്കണില്ലല്ലോ ഇപ്പോള്‍.....
അവനെ വല്ല പറമ്പ്‌ കെളക്കാനും വിട്ടൂടേ...
തനിക്ക്‌ നാല്‌ ചക്രോം കിട്ടും....നാട്ടുകാര്‍ക്ക്‌ കുറച്ച്‌ സ്വൈര്യോം കിട്ടും....'

'അയ്യോ ഞാന്‍ ലീഡറല്ലാ....
ഞാന്‍ ഒറിജിനല്‍ കാലന്‍....നരകത്തില്‍ നിന്ന് വിളിക്കുന്നു....'

'ഓഹോ...ഞാനങ്ങ്‌ തെറ്റിദ്ധരിച്ചു.....
എന്താ കാലാ...മാഷിന്‌ എന്താ വേണ്ടേ.....'

'ഒന്നും പറയണ്ടെന്റെ മുഖ്യാ...ഇവിടെ ആകെ താറുമാറായി കിടക്കുവാ.....
ഇതൊക്കെ ഒന്ന് നേരേയാക്കാന്‍ സര്‍ക്കാരീന്ന് വല്ല സഹായോം കിട്ടുമോന്നറിയാന്‍ വിളിച്ചതാ......'

'എന്ത്‌ പറ്റീടോ......
അവിടേം മാധ്യമ സിന്ധികേറ്റുണ്ടോ...അതോ ചിക്കന്‍ ഗുനിയയോ.....'

'അതൊന്നുമല്ലാ പ്രശ്നം....
ഇവിടെ ആത്മാക്കാളുടെ ശിക്ഷ നടപ്പാക്കുന്ന സിസ്റ്റം കമ്പ്ലീറ്റ്‌ താറുമാറായി.....'

'അതെന്ത്‌ പറ്റി.....എണ്ണയിലിട്ട്‌ വറുക്കലും മുരിക്കില്‍ കേറ്റലുമൊന്നും നടക്കുന്നില്ലേ.....'

'വറുക്കാന്‍.....എണ്ണ താന്‍ വാങ്ങിച്ച്‌ തരുവോ....'

'എന്ത്‌...'

'എടോ മുഖ്യാ...എണ്ണക്ക്‌ വെല കൂടിയേ പിന്നെ വറുക്കല്‍ നിര്‍ത്തി....
എണ്ണക്ക്‌ പകരം പാമോയില്‍ പരീക്ഷിച്ചു കുറച്ച്‌ കാലം...
പിന്നെ അതും നിര്‍ത്തി....
ഇപ്പോഴത്തെ രീതി.. മേലില്‍ തെറ്റുകളൊന്നും ചെയ്യില്ലാ എന്ന് പതിനായിരക്കണക്കിന്‌ പ്രാവശ്യം ഇമ്പോസിഷന്‍ എഴുതിക്കലാ...'

'അപ്പോള്‍ മുരിക്കില്‍ കേറ്റലോ....'

'അതിന്‌ എവിടെ മുരിക്കിരുന്നട്ട്‌.....
വീരപ്പന്‍ ഇങ്ങോട്ട്‌ വന്നേപ്പിന്നെ ഒരൊറ്റ മുരിക്കില്ലാ ഇവിടെ ...
സകലതും അവന്‍ വെട്ടി വിറ്റു...'

'അപ്പോള്‍ എന്റെ സര്‍ക്കാരെന്താ ചെയ്യണ്ടത്‌...
വീരപ്പനെ പിടിക്കാന്‍ കുറച്ച്‌ വനപാലകരെ അയച്ച്‌ തരട്ടേ....'

'എന്തിനാ വനപാലകര്‍.....
വട്ടം കൂടിയിരുന്ന് ചീട്ട്‌ കളിക്കാനോ.....
അതൊന്നും വേണ്ടാ...
എനിക്കൊരു ജെസിബി അയച്ച്‌ തന്നാല്‍ മതി......'

'ജെസിബിയോ....നരകത്തിലെന്തിനാ ജെസിബി....'

'ഇവിടയല്ലേ ജെസിബി വേണ്ടത്‌.....
വീരപ്പനും ഹര്‍ഷദ്‌ മേത്തയും റിപ്പര്‍ചന്ദ്രനും ..
അങ്ങനെ സകല കുരിശുകളും കുടി നരകത്തിലെ സകലസ്ഥലോം കയ്യേറി.....'

'സ്ഥലങ്ങളൊക്കെ സംരക്ഷിക്കണ രാക്ഷസന്മാര്‍ എന്ത്യേ.....'

'അവര്‌ സമരത്തിലാ...ആശ്രിതനിയമനം നടത്തണം എന്നും പറഞ്ഞ്‌....'

'ഓഹോ....എങ്കില്‍ ജെസിബി അയച്ച്‌ തരാം....
അത്‌ ഓടിക്കാന്‍ കൂടെ ആരെയെങ്കിലും അയക്കണോ....'

'വേണ്ടാ....ഡ്രൈവറെ ഇവിടുന്ന് ഒപ്പിച്ചോളാം......'

'അപ്പോള്‍ ശരി...പറഞ്ഞ പോലെ...ജെസിബി അയച്ചേക്കാം.....
ലാല്‍സലാം...'

'വളരെ ഉപകാരം മുഖ്യാ....
താങ്കളെ നരകം മിസ്സ്‌ ചെയ്യുന്നു.....
തീര്‍ച്ചയായും താങ്കള്‍ക്ക്‌ നല്ല ഒരു സ്വീകരണം നരകത്തില്‍ ഏര്‍പ്പാട്‌ ചെയ്യുന്നതാണ്‌.....'

'ഹെന്റമ്മച്ചീ.....'

'ഹലോ...ഹലോ....
ശ്ശെടാ...നല്ല ഒരു കാര്യം പറഞ്ഞപ്പഴേക്കും ബോധം പോയോ......'

--------------------------

'പ്രഭോ..ജെസിബി എത്തിയിട്ടുണ്ട്‌.....ഇനിയെന്താ പരിപാടി.....'

'ഇനിയുടനേ ഒഴിപ്പിക്കല്‍ ആരംഭിക്കണം....
ചിത്രഗുപ്തന്‍ അതിന്‌ നേതൃത്വം കൊടുക്കണം.....'

'അത്‌ വല്ല പള്ളീലും പറഞ്ഞാ മതി...
എനിക്ക്‌ വയ്യ ആത്മാക്കളുടെ വായിലിരിക്കണത്‌ കേള്‍ക്കാന്‍....'

'ഹയ്‌...ചിത്രഗുപ്തന്‍ ഇങ്ങനെ കയ്യൊഴിഞ്ഞാല്‍ ഞാന്‍ ഒഴിപ്പിക്കല്‍ പണി ആരെ എല്‍പ്പിക്കും......'

'നമുക്ക്‌ ജയനെ ഏല്‍പ്പിച്ചാലോ.....'

'ഏത്‌ ജയനെ....'

'സിനിമാനടന്‍ ജയനെ....'

'അതിന്‌ ജയന്‍ സ്വര്‍ഗ്ഗത്തിലല്ലെ....'

'ഇപ്പൊ ഇവിടുണ്ട്‌...
അവിടെ എന്തോ തോന്ന്യാസം കാണിച്ചേന്‌ ഒരു മാസത്തെ ശിക്ഷക്ക്‌ ഇങ്ങോട്ട്‌ അയച്ചതാ...'

'എന്ത്‌ തോന്ന്യാസം.....'

'ജയന്‍...സ്വര്‍ഗ്ഗം കവലേലെ കലുങ്കിലിരുന്ന് അതിലേ പോയ ഇന്ദിരാഗാന്ധിയെ 'മൊട്ടച്ചീ' എന്ന് വിളിച്ചു.....
ചോദിക്കാന്‍ ചെന്ന രാജീവിനേം സഞ്ജയിനേം എടുത്തിട്ടിടിച്ചു.....
അത്‌ തന്നെ കേസ്‌....'

'ഓഹോ....
എങ്കില്‍ ജയന്‌ ഒഴിപ്പിക്കല്‍ എറ്റെടുക്കാന്‍ സമ്മതമാണോ എന്ന് ചോദിക്കൂ....
ജെസിബി ഓടിക്കാന്‍ ഒരു ഡ്രൈവറേം അന്വേഷിക്കൂ.....'

'ജയന്‍ തന്നെ ജെസിബി ഓടിച്ചോളും......
ഒരു ജെസിബി കിട്ടിയിരുന്നെങ്കില്‍ മുതുക്‌ ചൊറിയാമായിരുന്നു എന്ന് ജയന്‍ പറഞ്ഞത്‌ അങ്ങും കേട്ടിട്ടില്ലേ....'

'എങ്കില്‍ ശരി...അടുത്ത്‌ ശുഭമുഹൂര്‍ത്തതില്‍ ഒഴിപ്പിക്കല്‍ ആരംഭിക്കട്ടെ.....'

----------------------

'ചിത്രഗുപ്താ...എടോ ചിത്രഗുപ്താ......'

'എന്താണ്‌ പ്രഭോ.....എന്തിനാണ്‌ അങ്ങ്‌ കിടന്ന് കീറിപ്പൊളിക്കുന്നത്‌.....'

'കീറിപൊളിക്കാതെ എന്ത്‌ ചെയ്യും...
താനല്ലേ ആ ജയനെ ഒഴിപ്പിക്കല്‍ പണി ഏല്‍പ്പിക്കാന്‍ പറഞ്ഞത്‌.....'

'അതെ...അതിനിപ്പോ എന്തുണ്ടായി.....'

'എന്തുണ്ടാകാന്‍..അതിപ്പൊ വലിയ കുരിശായി.....'

'എന്ത്‌ പറ്റി..ജയന്‍ ജെസിബി മറിച്ച്‌ വിറ്റോ...'

'അതൊന്നുമല്ലടോ.....
ഒഴിപ്പിക്കലിനെതിരെ വനിതാക്കമ്മീഷന്‍ രംഗത്ത്‌ വന്നിരിക്കുവാ.....'

'വനിതാക്കമ്മീഷനോ.....
അതെന്തിന്‌....അവര്‍ക്കും കയ്യേറ്റഭൂമിയുണ്ടോ....'

'അതൊന്നുമല്ലടൊ....ഇത്‌ കേസ്‌ വേറെയാ.....'

'അതെന്ത്‌ കേസ്‌...'

"ജയന്‍... ജെസിബിയും കൊണ്ട്‌ ഒഴിപ്പിച്ചൊഴിപ്പിച്ച്‌ പോകുന്നതിനിടയില്‍...
അവിടെ എവിടെയെങ്ങാണ്ട്‌ നിന്നിരുന്ന സില്‍ക്‌ സ്മിതയുടെ മുതുകത്തിട്ട്‌ ..
ഇതും പുറമ്പോക്ക്‌ ഭൂമിയാണെന്നും പറഞ്ഞ്‌ ജെസിബി കൊണ്ട്‌ തോണ്ടി....'

'എന്നിട്ട്‌...'

'എന്നിട്ടെന്താകാന്‍......
ഫെമിനിസ്റ്റുകള്‍ ഇളകി.....
അവരെല്ലാം കൂടി ജയനെ ഓടിച്ചിട്ട്‌ ചൂലുംകെട്ടിന്‌ തല്ലി...
അടി കൊണ്ട് അവശനായ ജയന്‍ ഇപ്പോള്‍ ആശുപത്രീലാ...
ഇത്‌ കൊണ്ടും നില്‍ക്കൂന്ന് തോന്നണില്ലാ....
വനിതാക്കമ്മീഷന്‍ കേസ്‌ എറ്റെടുത്തിട്ടുണ്ട്‌.....
അവര്‍ക്ക്‌ മുന്‍പില്‍ ഹാജരാകാന്‍ ജയനോട്‌ ആവശ്യപ്പെട്ടിട്ടുണ്ട്‌.....'

'ജയന്‍ ആശുപത്രീലല്ലേ...പിന്നെങ്ങനെ ഹാജരാകും....'

'ജയന്‍...തന്റെ നിലപാട്‌ വിശദീകരിക്കാന്‍ ഒരു വക്താവിനെ വച്ചിട്ടുണ്ട്‌....
അദ്ദേഹം നാളെ വനിതാക്കമ്മീഷന്‌ മുന്‍പില്‍ ഹാജരാകുമെന്ന് കേള്‍ക്കുന്നു......'

'ഈ വയസ്സ്‌ കാലത്ത്‌ അങ്ങയും വനിതക്കമ്മീഷന്റെ മുന്‍പില്‍ ഹാജരാകേണ്ടി വരുമോ...'

'എങ്കില്‍ തന്നേം ഞാന്‍ അവിടെ കേറ്റും.....
താനാണ്‌ ജയനെ ഏര്‍പ്പാടാക്കിയതെന്ന് ഞാന്‍ മൊഴി കൊടുക്കും.....'

'പ്രഭോ..ചതിക്കരുത്‌.....'

----------------------

നരകം ഹാളില്‍ സില്‍ക്‌ സ്മിതാ കേസില്‍ മൊഴിയെടുക്കുന്നതിന്‌ കൂടിയ വനിതാകമ്മീഷന്‍ അംഗങ്ങള്‍ക്ക്‌ മുന്‍പിലേക്ക്‌ ജയന്റെ വക്താവ്‌ കടന്ന് ചെന്നു.....

വക്താവിനെ കണ്ട അംഗങ്ങള്‍ കുരിശ്‌കണ്ട ചെകുത്താനെ പോലെ വിളറി.
പ്രാണഭയത്താല്‍ അവര്‍ ചിതറിയോടി.
മാനം രക്ഷിക്കുന്നതിന്‌ വേണ്ടി അലറിക്കരഞ്ഞ്‌ കൊണ്ട്‌ അവര്‍ ഹാളിന്റെ മതില്‌ ചാടിയോടി രക്ഷപെട്ടു....

ജയന്‌ വേണ്ടി ഹാജരായ വക്താവ്‌ മറ്റാരുമായിരുന്നില്ലാ......

സാക്ഷാല്‍ ബാലന്‍ കെ നായര്‍ ആയിരുന്നു......

53 comments:

sandoz said...

പട്ടയമുള്ള ഒരു കയ്യേറ്റം......
ഒരു പുതിയ പോസ്റ്റ്‌....

അബ്ദുല്‍ അലി said...

കൂറെ കാലത്തിന്‌ ശേഷം അദ്യമായിട്ട തേങ്ങയുടക്കുന്നത്‌. "ഠേ.."
സന്റോഷ്‌ ഉഗ്രന്‍, ഇനിയും പോരട്ടെ കിണം കാച്ചിയ സാധനങ്ങള്‍.

Rasheed Chalil said...

ഇത് കലക്കി സാന്‍ഡോ... പാവം ചിത്രഗുപതന്‍.

ഇടിവാള്‍ said...

ഹാഹാ! ആ പുറമ്പോക്കും ജെ.സി.ബിയും തകര്‍ത്തു വാരി ;)

Visala Manaskan said...

'ജയന്‍...സ്വര്‍ഗ്ഗം കവലേലെ കലുങ്കിലിരുന്ന് അതിലേ പോയ ഇന്ദിരാഗാന്ധിയെ 'മൊട്ടച്ചീ' എന്ന് വിളിച്ചു.....ചോദിക്കാന്‍ ചെന്ന രാജീവിനേം സഞ്ജയിനേം എടുത്തിട്ടിടിച്ചു.....അത്‌ തന്നെ കേസ്‌....'

പാവം ണ്ട്രാ!!

കൊള്ളാം ചുള്ളാ.

ശിശു said...
This comment has been removed by the author.
Dinkan-ഡിങ്കന്‍ said...

സാന്‍ഡോസെ നീ വീണ്ടും വന്നോ (ശല്യം ഒഴിഞ്ഞെന്നു വിചാരിച്ചതാ.ബൈബിളില്‍ പറയുന്നത് നേരാ ----നെ പനപോലെ വളര്‍ത്തും.ഇത് കലക്കീണ്ട്രാ ദില്‍ബനും ഇതേ പോലൊരു സാദനം ഇറക്കീരുന്നു.നര്‍മ്മത്തിന്റെ മറ്റൊരു പേരായി ഇനി ജെസീബി മാറുമോ ആവോ.ആ ഭീകര ഉപകരണത്തിനു അങനെ തന്നെ വേണം.എല്ലാരും അതിനെ കളിയാക്കി കൊല്ലണം.

ഉണ്ണിക്കുട്ടന്‍ said...

സാന്‍ഡോ ചിരിക്കാന്‍ ഒരു പാടുണ്ട്. എന്നാലും പഴയ പോസ്റ്റുകളുടെ അത്രേം അങ്ങോടു വന്നില്ല. ദില്‍ബനും കയ്യേറ്റം എന്നൊരു പോസ്റ്റിട്ടിരുന്നു. ആദ്യം ഒന്നു കണ്‍ഫൂഷന്‍ ആയി.

ശിശു said...

ഹഹഹ.
ജയനെ വെറുതെ വിടില്ലിയോ സാന്റൊ?..
തികച്ചും സാന്ദര്‍ഭികമാണല്ലൊ ഇന്നു ഞാന്‍ ജയന്‍ അഭിനയിച്ച മനുഷ്യമൃഗം എന്ന സിനിമയിലെ “കസ്തൂരി മാന്മിഴി മലര്‍ശരമെയ്തു” എന്ന ഗാനം അപശ്രുതിയില്‍ പാടിയതേയുള്ളൂ. ദാ ഇപ്പൊ ജയന്‍ ജെസിബി ഓടിച്ച് സില്‍ക്കിനെവരെ വിരട്ടുന്നു. കലികാല വൈഭവം എന്നല്ലാതെന്തുപറയാന്‍!!

തകര്‍ത്തു മച്ചൂ.

ettukannan | എട്ടുകണ്ണന്‍ said...

ഹാ ഹാ.. കൂള്‍.. എന്നാലും വാചകങ്ങള്‍ക്കു ശേഷമുള്ള ആ നാലുകുത്തുകള്‍, മുഖ്യനും ജയനും മാത്രം മതിയായിരുന്നില്ലേ?.. ആ മൂളലിനു പകരമായിട്ടേയ്‌...:)

Mubarak Merchant said...

ക്ലൈമാക്സ് കലക്കീഡാ.
എന്നാലും നിന്റെ പഴേ ആമ്പിയറ് കാണണില്ല.
എന്ത് പറ്റി? ഗുജറാത്തില്‍ ചരായത്തിനു ക്ഷാമമായോ?

മുസാഫിര്‍ said...

പാ‍വം സില്‍ക്,സ്വര്‍ഗ്ഗത്തിലും രക്ഷയില്ല അല്ലെ ?

ഗുപ്തന്‍ said...

'ജയന്‍...സ്വര്‍ഗ്ഗം കവലേലെ കലുങ്കിലിരുന്ന് അതിലേ പോയ ഇന്ദിരാഗാന്ധിയെ 'മൊട്ടച്ചീ' എന്ന് വിളിച്ചു.....
ചോദിക്കാന്‍ ചെന്ന രാജീവിനേം സഞ്ജയിനേം എടുത്തിട്ടിടിച്ചു.....

സാന്‍ഡോയേ..... തകര്‍ത്തു..

എന്നാലും പഴയപോസ്റ്റിന്റെ അത്രേം വന്നില്ല എന്നു പറയുന്നതാ പുതിയ ഫാഷന്‍... (കൈപ്പള്ളി മാഷ് പോസ്റ്റിട്ടപ്പ്മ ഞാന്‍ വിചാരിച്ചതു അതു പെണ്ണുങ്ങളുടെ പോസ്റ്റില്‍ മാത്രം പറഞ്ഞാ മതിയെന്നാ.... ഇപ്പം മനസ്സിലായി അതും പോരാന്ന്) ഞാനായിട്ടെന്തിനാ പറയാതിരിക്കുന്നെ.... പഴയതിന്റെ അത്രേം ഒരുഇതില്ല ... യേത്?

(എന്നാലും ആ ജയനെ വെറുതെ വിടാമാരുന്നു....)

Unknown said...

ഡായ് സാന്റോ,
എന്റെ പോസ്റ്റ് കയ്യേറ്റം ചെയ്യുന്നോ? രവീന്ദ്രാ ബാറില്‍ പട്ടയടിച്ച് കൊണ്ടിരുന്നപ്പോളല്ലെ ഞാനെഴുതിയ പോസ്റ്റിന്റെ അതേ പേരില്‍ ഒരെണ്ണം എഴുതാന്‍ തോന്നിയത്, സത്യ പറ? ആ ടൈപ്പ് ‘രവീന്ദ്രപ്പട്ടയ’ടികളൊന്നും ഇവിടെ പറ്റില്ല. നിന്നെ ഞാന്‍ ഈ പോസ്റ്റില്‍ നിന്ന് ഒഴിപ്പിയ്ക്കും. എന്റെ ജെസിബിയുടെ ചാവി എവിടെ?

ഒടോ: ചിരിച്ച് അടപ്പിളകി സാന്റോ. അടുത്തത് പഴയ ഫോമില്‍ തന്നെയായിക്കോട്ടെ. ഓകെ?

കുട്ടിച്ചാത്തന്‍ said...

ചാത്തനേറ്: പോസ്റ്റ് ടൈറ്റിലിലും കയ്യേറ്റം തുടങ്ങിയാ?
നടത്തിയത് സാന്‍ഡോ ആയ സ്ഥിതിക്ക് ഒഴി(പ്പി)ക്കാന്‍ ജെസിബി പോരാണ്ട് വരും.

എന്നാലും ബാലന്‍ കെ നായരു വ്യക്തിഹത്യാന്ന് പറഞ്ഞ് വരും ട്ടാ മൂപ്പരു സിനിമേലെ വില്ലനായിരുന്നുള്ളൂ.. നരകത്തിലുണ്ടാവാന്‍ ചാന്‍സില്ലാ..

padmanabhan namboodiri said...

അസ്സലായി.നരകത്തിലീക്കു ജെ.സി.ബി.
അടിപൊളി സാധനം.

വേണു venu said...

ഹാഹാ.കൊള്ളാം സണ്ടോസു്.:)‍

K.V Manikantan said...

ഗംഭീരം ഗംഭീരം ഗെഡീ...
മുഴുവനും വായിച്ചിട്ടെഴുതിയത്...

sreeni sreedharan said...

സാന്‍റോ, അവസാനം ഇഷ്ടപ്പെട്ടില്ല, ആദ്യഭാഗം കിടിലന്‍
മുഖ്യന്‍റെ ബോധം പോയത് രസിച്ചൂ ;)

Mr. K# said...

:-)

അനംഗാരി said...

വെല്ലപ്പോഴും ബോധം വരുമ്പോള്‍(അത് വരണമെങ്കില്‍ മഞ്ഞുമ്മലില്‍ നിന്ന് കള്ളവാറ്റ് ചാരായം എന്നന്നേക്കുമായി ഇല്ലാതാകണം) കുറച്ച് കൂടി നല്ല പോസ്റ്റ് എഴുതണം.

Typist | എഴുത്തുകാരി said...

സാന്റോസേ, ഉഗ്രന്‍.


എഴുത്തുകാരി.

പോക്കിരി said...

അവിടെ എവിടെയെങ്ങാണ്ട്‌ നിന്നിരുന്ന സില്‍ക്‌ സ്മിതയുടെ മുതുകത്തിട്ട്‌ ..
ഇതും പുറമ്പോക്ക്‌ ഭൂമിയാണെന്നും പറഞ്ഞ്‌ ജെസിബി കൊണ്ട്‌ തോണ്ടി

മച്ചൂ അലക്കിപ്പൊരിച്ചു..സൂപ്പര്‍ പോസ്റ്റ്...

absolute_void(); said...

ഹഹഹ ബാലന് കെ നായരു വന്നപ്പോള് ചിരിച്ചുപോയി. ജെ സി ബി കീ ജയ്

മറുമൊഴികള്‍ ടീം said...

mitra series test comment1
please ignore

neermathalam said...

biriyanikutti.sthalam venam nu paranga thalayil ninnumm...vannathinal...ethu
amaran ayilla...nu paranjotte...

offtopic: ethanu he manushya...valiya valiya..pazhaya postukal ondayal ulla..kozhappam...
oru tharakedillatha postittalum...ee..'vimarshakar' keri chumma angu nirangangum yethu..??

കണ്ണൂസ്‌ said...

ഇത്‌ ഊശിപ്പോയി സാന്റോയേ.

സാല്‍ജോҐsaljo said...

താമസിച്ചുപോയി വരാന്‍, താന്‍ ജെസിബി വാങ്ങിയ കാര്യം അങ്ങു ബാച്ചി ക്ലബിവച്ചു കേട്ടാരുന്നു...

നടക്കട്ടെ മകനേ.....കുത്തിപ്പൊളിക്ക്

സുല്‍ |Sul said...

കുരിശിങ്കല്‍ സാന്‍ഡോ
ഇതു തകര്‍ത്തുട്ടോ.
-സുല്‍

asdfasdf asfdasdf said...

താങ്കളെ നരകം മിസ്സ്‌ ചെയ്യുന്നു.....
തീര്‍ച്ചയായും താങ്കള്‍ക്ക്‌ നല്ല ഒരു സ്വീകരണം നരകത്തില്‍ ഏര്‍പ്പാട്‌ ചെയ്യുന്നതാണ്‌.....'
'ഹെന്റമ്മച്ചീ.....'

കലക്കീടാ സാന്‍ഡോ.

അലിഫ് /alif said...

സാന്‍‌ഡോ..കലക്കീട്ടുണ്ട് കയ്യേറ്റവും ഒഴിപ്പിക്കലും, ആ ‘പുറമ്പോക്ക്’ തകര്‍ത്തു നിന്റെ ജെ.സി.ബി ഓടട്ടേ ഇനിയും. നുമ്മടെ ബാലന്‍ .കെ. ചേട്ടനെ വനിതാ കമ്മീഷന്‍ പീഡിപ്പിച്ചു എന്നൊരു വാര്‍ത്ത ഇന്നലെ ചിത്രഗുപ്താ വിഷന്റെ ന്യൂസ് ചാനലില്‍ കേട്ടതു പോലെ..; തോന്നലായിരിക്കുമല്ലേ..!!!

മനോജ് കുമാർ വട്ടക്കാട്ട് said...

സാന്റൂ.... :)

Kaithamullu said...

പട്ടയമുള്ള ഒരു കൈയേറ്റം..?
അതോ പട്ടയടിക്കാ‍ത്ത കൈയേറ്റമോ?

എന്തായാലും സാന്ഡൊ, ജേസീബി കലക്കി;
(എല്ലാം ഒരു നിലവാരത്തിലെത്തിക്കാന്‍ എന്താ ISI മുദ്ര വാങ്ങണോ?)

പോരട്ടേ, ഇനിയും!

Harold said...

താങ്കളെ നരകം മിസ്സ്‌ ചെയ്യുന്നു.....
തീര്‍ച്ചയായും താങ്കള്‍ക്ക്‌ നല്ല ഒരു സ്വീകരണം നരകത്തില്‍ ഏര്‍പ്പാട്‌ ചെയ്യുന്നതാണ്‌.....'
'ഹെന്റമ്മച്ചീ.....'

അവിടെ വച്ചു നിര്‍ത്തിയിരുന്നെങ്കില്‍......

മുസ്തഫ|musthapha said...

വായിച്ചു... പിന്‍റെടുത്ത് വീട്ടി കൊണ്ടോയി വായിച്ചു... :)

ഞാനൊരു ജെ.സി.ബി. ഫാനായി

‘ഓപ്പോള്‍‘ കണ്ട് ബാലന്‍ കെ ഫാനായ എനിക്ക് മൂപ്പരെ പറഞ്ഞത് അത്രയ്ക്കങ്ങട്ട് സുഖിച്ചിട്ടില്ലാടോ(ട്ടോ) :)

sandoz said...

കയ്യേറ്റം കാണാന്‍ എത്തിയ

അബ്ദുല്‍ അലി..ഇത്തിരി..ഇടിവാള്‍..
വിശാലന്‍..ഡിങ്കന്‍..ഉണ്ണിക്കുട്ടന്‍..
ശിശു...എട്ടുകണ്ണന്‍..ഇക്കാസ്‌...
മുസാഫിര്‍..മനു..ദില്‍ബന്‍..
ചാത്തന്‍..നമ്പൂതിരി..ചക്കര..
വേണു..സങ്കു..പച്ചാളം..
കുതിരവട്ടന്‍....അനംഗാരി..
റ്റൈപ്പിസ്റ്റ്‌..പോക്കിരിവാസു..
സ്നിഗ്ദ....നീര്‍മാതളം....
കണ്ണൂസ്‌..മനു..
സാല്‍ജൊ....സുല്‍...
മേനോന്‍..അലിഫ്‌...
പടിപ്പുര....കൈതമുള്ള്‌..
ഹാരോള്‍ട്‌...അഗ്രു...

എന്നിവര്‍ക്ക്‌ സ്നേഹം...നന്ദി.....

ജിസോ ജോസ്‌ said...

കൊള്ളാം സാന്റോ !!

വിന്‍സ് said...
This comment has been removed by the author.
മിടുക്കന്‍ said...

"ജയന്‍... ജെസിബിയും കൊണ്ട്‌ ഒഴിപ്പിച്ചൊഴിപ്പിച്ച്‌ പോകുന്നതിനിടയില്‍...
അവിടെ എവിടെയെങ്ങാണ്ട്‌ നിന്നിരുന്ന സില്‍ക്‌ സ്മിതയുടെ മുതുകത്തിട്ട്‌ ..
ഇതും പുറമ്പോക്ക്‌ ഭൂമിയാണെന്നും പറഞ്ഞ്‌ ജെസിബി കൊണ്ട്‌ തോണ്ടി...."
...
അവിടെ നിക്കട്ടെ,
നിന്നൊടാരാടാ പറഞ്ഞേ, സില്‍ക്ക് നരകത്തിലാണെന്ന്..?
എനിക്കൊന്നെ പറയാനുള്ളു..
ഇന്നലകള്‍ മറക്കരുത്..!

അനു said...

സാന്‍ഡോസെ, സാധാരണ എല്ലാവരും സ്വന്തം മണ്ടത്തരങ്ങളും അനുഭവങ്ങളുമാണ്‌ പോസ്റ്റാക്കാറുള്ളത്...

പക്ഷെ, ഇതുപോലെ തമാശക്കഥകള്‍ എഴുതുന്നതായിട്ട് സാന്‍ഡോസിനെ മാത്രമെ കണ്ടിട്ടുള്ളു.. പട്ടമഹിഷിയും സണ്‍ ഇന്‍ ലോയും ഒക്കെ വായിച്ചു ചിരിച്ചു മടുത്തു. ബ്ലോഗേര്‍സിനെ ഞാനായിട്ടു പരിചയപ്പെടുത്തിയ എന്‍റെ ഫ്രണ്ട്സെല്ലാം സാന്‍ഡോസിന്‍റെ പുതിയ പോസ്റ്റ് വന്നൊ എന്ന ആദ്യം ചോദിക്കാറ്.

കിടിലം ......................:)

അനു said...

സാന്‍ഡോസെ, നല്ലൊരു തിരക്കഥാകൃത്ത് ഒളിഞ്ഞിരുപ്പുണ്ട്........ സിനിമയില്‍ ഒന്നു പയറ്റി നോക്കാവുന്നതെ ഉള്ളൂ.......

ഏറനാടന്‍ said...

എന്താണാ സാന്‍ഡൂസ്‌ സെന്‍സോഫ്‌ ഹ്യൂമര്‍??! ദുബായിലേക്കൊരു വിസ തന്നാല്‍ വരുവോ?

ഗിരീഷ്‌ എ എസ്‌ said...

ഇഷ്ടമായി

sandoz said...

കയ്യേറ്റം കാണാനെത്തിയ..
തക്കുടു..മിടുക്കന്‍.അനു...
എറനാടന്‍...ദ്രൌപതി...എന്നിവര്‍ക്ക് നന്ദി നമസ്കാരം

സില്‍ക്കിനേയും ബാലന്‍ കെ നായരേയും നരകത്തില്‍ അവതരിപ്പിച്ചതിനെ വിമര്‍ശിച്ചവരോട് ഒരു വാക്ക്...

അവര്‍ നരകത്തിലെ അന്തേവാസികള്‍ ആണെന്ന് ഞാന്‍ ഒരു സ്ഥലത്തും പറഞിട്ടില്ല.

ജയന്‍ സ്വര്‍ഗത്തില്‍ നിന്നും തന്റെ വക്താവിനെ വിളിച്ച് വരുത്തുക ആയിരുന്നു.
സില്‍ക്കാനെങ്കിലോ....സ്വര്‍ഗത്തിലെ കലാസാംസ്കാരിക വകുപ്പില്‍ ഉയര്‍ന്ന ഉദ്യോഗത്തില്‍ ഇരിക്കുന്ന വ്യക്തിയാണ്.അവര്‍ ഡെപ്യൂട്ടേഷനില്‍ നരകത്തില്‍ വന്നതാണ്......

വായനക്കാരുടെ വികാരം ഞാന്‍ മനസ്സിലാക്കുന്നു.....ഹും...

krish | കൃഷ് said...

വായിച്ചു സാന്‍ഡോസേ.. കൊള്ളാം.
മുഖ്യന്‌ നരകത്തില്‍ സ്വീകരണം ഇപ്പോഴേ ഏര്‍പ്പാടാക്കണോ. കുറച്ചുകാലം കൂടി ജെ.സി.ബി. ഉപയോഗിച്ച്‌ ഇവിടെയൊക്കെ ഒന്നു ശരിയാക്കട്ടെ.

സാന്‍ഡൂ.. സ്വര്‍ഗ്ഗത്തിലെ/നരകത്തിലെ ഭൂമിയിലെ റെപ്രസെന്റേറ്റിവ്‌ അല്ലല്ലോ.. ഹോ..

Sathees Makkoth | Asha Revamma said...

സന്‍ഡോസേ,
സൂപ്പര്‍. അഭിനന്ദനങ്ങള്‍!

മഴത്തുള്ളി said...

ഹഹ അടിപൊളി സാന്‍ഡോസ് ;)

മഴത്തുള്ളി said...

എന്തായാലും കമന്റി. ഈ 50 ഉം എനിക്കിരിക്കട്ടേ...

ഠേ............

;)

അഭിലാഷങ്ങള്‍ said...

മാഷേ.. കുറേ ചിരിപ്പിക്കുകയൊക്കെ ചെയ്തു..
സമ്മതിച്ചു.. ബട്ട്.... മിസ്റ്റര്‍ സാന്റോസ്..

“ഞമ്മടെ സില്‍‌ക്കിനെ തൊട്ടുകളിച്ചാല്‍‌
അക്കളി തീക്കളി സൂക്ഷിച്ചോ..”!!

:-)

ബയാന്‍ said...

പറയുന്നതു കൊണ്ടു കുഴപ്പമില്ലല്ലോ. എന്റെ സകലമാന ചാറ്റന്മരും/ചാറ്റികളും- സാന്റൊസാ.. അയ്യോ.. ഹെന്റമ്മേ.. ചിരിച്ചു മറിഞ്ഞു കുഴയും എന്നൊക്കെ പറയും; ചാറ്റികള്‍ക്കെല്ലാം എന്തു മതിപ്പാണെന്നോ... ; പച്ചേങ്കില് സാന്റോ.. ഇത് വായിച്ച് കുഴഞ്ഞതു ഞാനാ... ചാറ്റികളേ നിങ്ങള്‍ക്കു ഞാന്‍ വെച്ചിട്ടുണ്ട്. ഹോണേലുലു സീരീസാ നിനക്കു ചേര്‍ച്ച; ഈ സീരിയസ് പോര.

sandoz said...

ഇവിടം കയ്യേറിയ...
ബയാന്‍..മഴത്തുള്ളി...കൃഷ്‌..
സതീശന്‍...അഭിലാഷ്‌...
എന്നിവര്‍ക്ക്‌ നന്ദി...
നമസ്കാരം...

Tince Alapura said...

avasaanam kalakki nalla baavukangal

Shankar said...

വ്യഭിചാരം...മലീമസം.. വാക്കുകളിലെ വ്യന്ഗ്യാര്ത്ഥം ചുമ്മാ പറഞ്ഞതല്ല അല്ലെ... ഒളിഞ്ഞിരിക്കുന്ന ഒരു ചൂണ്ടി കാട്ടലുകള് കൂടുതല് വായിച്ചപ്പോള് മനസ്സിലായി. പള്ളിലെ അച്ചന് മാരെയൊക്കെ അച്ഛാ അച്ഛാ എന്ന് വിളിക്കാറില്ലേ , അവരൊക്കെ സ്വന്തം അച്ചന് പരകമാവില്ലല്ലോ ... ആള് ദൈവങ്ങളെ അമ്മാന്നൊക്കെ വിളിച്ചാലും സ്വന്തം അമ്മക്ക് പകരമാകുമോ ? ഇല്ലെന്നാണ് ഉത്തരമെങ്കില് തെറ്റി...അതിലേക്ക് പോകുന്ന ഒരു സംഭവം പറയാം...കൂടെ പഠിച്ച ഒരു വടകര മുക്കാളി ടീം , സ്വന്തം അമ്മയുടെ ദാരുണ മരണ ശേഷം ഈ അമ്മയിലേക്ക് അഭയം പ്രാപിച്ചു.ലൌകിക ജീവിതത്തില് നിന്നു ഒളിച്ചോടി അല്ലെങ്കില് മുക്തി പ്രാപിച്ചു എപ്പോ ഈ അമ്മയുടെ കൂടെ ലോകം ചുറ്റുന്നു...സ്വന്തം അമ്മക്ക് പകരമാണോ ഇത് എന്ന് ചോദിച്ചാല് പുള്ളിക്കരാന് ഒന്നും പറയില്ല ...കോളേജില് തെറിയൊക്കെ പറഞ്ഞു നടന്നന്റെ മൊഴികളില് ദൈവ ഗീതികള്.. കാലം പോയ പോക്കെ ...അമ്മയുടെ ഭൂതം എന്തായാലും ഒരു പിടിച്ചടുപ്പിക്കുന്ന ഒരു ശക്തി ഇല്ലെന്നു പറയാതിരിക്കാന് വയ്യ . ദൈവങ്ങളും ഭക്തിയുമൊക്കെ ഒരു ബിസിനസ് മോഡിലേക്ക് പോകുമ്പോ സാധ ജനങള്ക്ക് എന്ത് ചെയ്യുന്നു എന്നതിനെ തുലനം ചെയ്യേണ്ടിയിരിക്കുന്നു... കൂടുതല് ഒന്നും അറിയില്ലെന്കിലും ഒരു ഓപ്പണ് ഹാര്ട്ട് സര്ജറി കാശോന്നുമില്ലാതെ അമ്മയുടെ ആശുപത്രിയില് ചെയ്ത കഥ കേട്ടിട്ടുണ്ട് . അപ്പൊ ഒരു comparative studiyil അമ്മയെന്ന് വിളിക്കുന്നതിനെ വലിയ തോതില് വിമര്ശിക്കുന്നതില് എന്താ കാര്യം ...ഒരു രണ്ടാനമ്മ അല്ലെകില് ഒരു വളര്ത്തമ്മ എന്നൊക്കെ കരുതിക്കൂടെ...?