ഒരു കുപ്പി ഉള്ളില് ചെന്നതും 'പടച്ചാന്' വേണു മുരണ്ടു......
'വാ..കസ്തേ.....'
മുരള്ച്ചയോടൊപ്പം തന്നെ തന്റെ കാലുയര്ത്തി....
അടുത്തിരുന്ന് കുടിക്കുകയായിരുന്ന നാണുപിള്ളച്ചേട്ടന്റെ നടുമ്പുറം നോക്കി ചവുട്ടി....
'നീയെന്റെ മുമ്പിലിരുന്ന് മോന്തൂല്ലേടാ ശവീ....'
താന് വാങ്ങിച്ച് കൊടുത്ത കള്ള് കുടിച്ചിട്ട് തന്റെ തന്നെ നടുവിനിട്ട് ചവുട്ടിയ പടച്ചാനെ... നാണുപിള്ള കിടന്ന കിടപ്പില് ഭയഭക്തി ബഹുമാനങ്ങളോടെ നോക്കി....
അതാണ് പടച്ചാന് എന്നറിയപ്പെടുന്ന വേണു....
ആറടിയിലധികം പൊക്കം....
പക്ഷേ പൊക്കത്തിന് ബാലന്സ് ചെയ്യുന്ന തടിയില്ല.....
പകരമായിട്ട് ശബ്ദമുണ്ട്....
നല്ല കിണ്ണങ്കാച്ചി ശബ്ദം....
'പടച്ചാന് ഒരു കുപ്പി പറയടാ...'എന്ന് വെടിക്കെട്ട് ശബ്ദത്തില് പറഞ്ഞാല് ആരും ഒരു കുപ്പി വാങ്ങിച്ച് കൊടുത്ത് പോകും...
പാമ്പ് ഒഴിഞ്ഞ് പോട്ടെ എന്ന് കരുതി....
രാവിലേ ഷാപ്പ് തുറക്കുന്നത് തന്നെ പടച്ചാനാണ്...
അകത്ത് നിന്ന്...
കാരണം തലേദിവസം വീട്ടില് പോയിട്ടുണ്ടാകില്ല...
കുറച്ച് നാള് മുന്പ് വരെ ഇങ്ങനെയൊന്നുമായിരുന്നില്ലാ പടച്ചാന്....
പണിക്ക് പോകും...
വൈകീട്ട് മാത്രം കലാപം....
അങ്ങനെ ഇന്ന പണി എന്നൊന്നുമില്ലാ..എന്തു പണീം ചെയ്യും....
അങ്ങനെ ദാമോദരന്റെ വീട്ടിലെ പറമ്പ് കിളച്ച് കൊണ്ടിരിക്കുന്നതിനിടയിലാണ്....
ഒരു ഉണക്ക തേങ്ങ വന്ന് പടച്ചാന്റെ തലയില് വീണത്....
'ഹെന്റമച്ചീ....'എന്നും വിളിച്ച് ബോധം പോയി നിലത്ത് വീണ പടച്ചാന്....
പിന്നീട് അമൃത ആശുപത്രിയിലെ ഡോക്ടറോട് പറഞ്ഞത്....
'തേങ്ങയായത് ആ പന്നിതേങ്ങേടെ ഭാഗ്യം .....അല്ലേല് കുത്തി ഞാന് കീറിയേനേ....'എന്നാണ്...
കുറച്ച് നാളത്തേക്ക് കഴുത്ത്....തല മുതലായ ഭാഗങ്ങള് അനങ്ങുന്ന വിധം പണിയൊന്നും ചെയ്യരുതെന്ന ഡോക്ടറുടെ ഉപദേശം മനസ്സാ സ്വീകരിച്ച്...
കഴുത്തനക്കാതെ....
ഇതുവരെ കാര്യമായി അനങ്ങിയിട്ടില്ലാത്ത തല അനക്കാതെ പടച്ചാന് വിശ്രമംജീവിതം ആരംഭിച്ചു....ഷാപ്പില്.
തന്നേക്കാള് അരോഗ്യം കുറഞ്ഞവരോട് കലാപം നടത്തിയും...
ആരോഗ്യം കൂടിയവരോട് അനുനയം കാണിച്ചും പടച്ചാന്...
ഓസടിച്ച്...
കഴുത്തനക്കാതെ....
തലയനക്കാതെ....
തൊണ്ട് മാത്രം അനക്കി ജീവിച്ച് പോന്നു.
ഇടക്ക് വരുത്തന്മാരായ കുടിയന്മാരെ ഒത്ത് കിട്ടുന്ന ദിവസം പടച്ചാന് ചാകരയാണ്....
അരയില് നിന്ന് കത്തിയൂരി സിനിമാസ്റ്റൈയിലില് മേശപ്പുറത്ത് കുത്തിനിര്ത്തും.....
എന്നിട്ട് ഒരോര്ഡറാണ്....
'ഈ വരുത്തന് ഡാഷിന്റെ വക പടച്ചാന് ഒരുകുപ്പി എടുത്തോ ഗോപാലാ...'
ഒരിക്കലൊരു വരുത്തനൊരുത്തന്റെ കൈയ്യീന്ന് കള്ളുംകുപ്പിക്ക് തലക്കിട്ടടിയും അഞ്ച് സ്റ്റിച്ചും കൈനീട്ടി വാങ്ങിയതൊഴിച്ചാല് വേറെ അനിഷ്ടങ്ങളൊന്നുമില്ലാതെ പടച്ചാന് വാണരുളി....
****************
ഡിസംബര് രണ്ട് മുതല് എട്ട് വരെയാണ് മഞ്ഞുമ്മല് പള്ളി തിരുന്നാള്.....
പക്ഷേ ഞങ്ങള്....ആഘോഷം ഒന്നാം തീയതി മുതല് തുടങ്ങും.
സര്ക്കാരിന്റെ ക്രൂരമായ കുത്തകബൂര്ഷാ പിന്തിരിപ്പന് നയം മൂലം ഒന്നാം തീയതി ബിവറേജസിന് അവധിയാണെങ്കിലും....
അടിസ്ഥാന വര്ഗ്ഗ പാനിയമായ കള്ള് ലഭ്യമാണ്.
അങ്ങനെ നാലു കൊല്ലം മുന്പ്...
ഒരു ഡിസംബര് ഒന്നിന് മഞ്ഞുമ്മല് അമലോല്ഭവമാതാവിന്റെ തിരുന്നാള് കൊടിയേറുന്നത് ആഘോഷിക്കാന് മറ്റു മാര്ഗ്ഗങ്ങളൊന്നുമില്ലാതെ....
കള്ളുഷാപ്പില് ചെന്നു കയറിയ ഞങ്ങളെ വരവേറ്റത് പടച്ചാനായിരുന്നു.
ഞങ്ങള് എന്നുപറഞ്ഞാല്....ഞങ്ങള് മൂന്ന് പേര്.ഞാനും എന്റെ സുഹൃത്തുക്കളായ രാജീവും റോഷനും.
'ഒന്നാന്തി സാധനം കിട്ടാത്തപ്പോ....കടന്നല്കൂട് എളകി വരണത് മാതിരിയല്ലേ പിള്ളേര് ഷാപ്പിലേക്ക് വരണത്...'
ഞങ്ങളെ കണ്ടതും പടച്ചാന് ഒന്ന് ചൊറിഞ്ഞു......
അത് മൈയിന്ഡ് ചെയ്യാതെ ഒരു വളിച്ച ചിരിയും ചിരിച്ച്..മൂന്ന് കുപ്പിയും പറഞ്ഞ് ഞങ്ങള് ഷാപ്പിലൊരു സൈഡ് പിടിച്ചു.....
എന്നിട്ട് ഒരു മീന് കറിയും കൂട്ടത്തില് വാങ്ങിച്ച് വീശല് ആരംഭിച്ചു....
ഒന്നുരണ്ട് മിനുട്ട് ഞങ്ങളെ തന്നെ നോക്കിയിരുന്നതിന് ശേഷം പടച്ചാന് പതുക്കെ എഴുന്നേറ്റു....
നേരെ മുന്പിലേക്ക് വന്നു....
എന്നിട്ട് പറഞ്ഞു....
'പടച്ചാനും ഒരു കുപ്പി പറയടാപ്പാ.....'
ഞാന് റോഷനെ നോക്കി...അവന് തല കുമ്പിട്ട് ഇരിക്കുവാണ്....
രാജീവനെ നോക്കി....അവന് കണ്ണടച്ച് കാണിച്ചു.
'കാശില്ലല്ലാ..വേണുച്ചേട്ടാ...'
ഞാന് ഒരു സ്കൂട്ടാകല് നാടകം തുടങ്ങി.....
'ടാ മക്കളെ....ഇവിടെ വന്ന് അങ്ങനെ ചുമ്മാ കുടിച്ചേച്ച് പോകാന്ന് വിചാരിച്ചാ...എനിക്കൊരു കുപ്പി വാങ്ങിച്ച് താടാ മര്യാദക്ക്....'
'എന്റെ വേണുച്ചേട്ടാ...ഞങ്ങളു തന്നെ തപ്പിപ്പെറുക്കിയാ വന്നേക്കണത്....ഇനിയൊരു സിഗററ്റിന്റെ കാശും കൂടി ഞങ്ങടെ കയ്യിലില്ലാ....'
'മോനേ...വേണ്ടാടാ..അഭ്യാസം എന്റടുത്ത് വേണ്ടാട്ടാ....'
എന്നും പറഞ്ഞ് പടച്ചാന്...തലകുമ്പിട്ട് ഇരിക്കുകയായിരുന്ന റോഷന്റെ കുപ്പിയില് പിടുത്തമിട്ടു.
പെട്ടന്നാണത് സംഭവിച്ചത്.....ചാടിയെഴുന്നേറ്റ റോഷന് എനിക്കൊ രാജീവനോ.....എന്തിന്..പടച്ചാനോ തടയാന് കഴിയുന്നതിനു മുന്പേ..പടച്ചാന്റെ ചെകിള നോക്കി ഒരു കീറു കൊടുത്തു...
അടി കൊണ്ട് പുറകിലേക്ക് വേച്ച് പോയ പടച്ചാന്....നാലഞ്ച് സെക്കന്റുനേരം ഒരു മേശയില് പിടിച്ച് നിന്ന് അടികൊണ്ട ഭാഗം തടവി.
പിന്നെ മാനം രക്ഷിക്കല് പ്രക്രിയയുടെ ഭാഗമായി അരയില് നിന്ന് കത്തി വലിച്ചൂരി....
കത്തി വലിച്ചൂരി നോക്കിയ പടച്ചാന് കണ്ടത് ശൂന്യമായ ഞങ്ങളുടെ മേശ...
കേട്ടത്...
പുറത്തെ ബൈക്കിന്റെ ശബ്ദം...
നിമിഷ നേരം കൊണ്ടാണ് മൂന്ന് പേരേം വഹിച്ച് കൊണ്ട് ശകടം മൂന്ന് കിലോമീറ്റര് അപ്പുറമുള്ള വേറൊരു ഷാപ്പിലെത്തിയത്...
**********************
കലിപ്പും സങ്കടവും അടക്കാനാകതെ ഞങ്ങള് കുപ്പികള് വലിച്ച് വാരി കേറ്റി.
റോഷനായിരുന്നു ഏറ്റവും കൂടുതല് സങ്കടം....
ഷാപില് കേറി ഇടിയുണ്ടാക്കിയെന്ന് വീട്ടുകാരറിഞ്ഞാല് പിന്നെ ജീവിച്ചിട്ട് കാര്യമില്ലായെന്നും പറഞ്ഞ് അവനിരുന്ന് പിറുപിറുത്തു......
പഴേ ഷാപ്പില് നിന്ന് മിന്നല് വേഗത്തിലുള്ള സ്കൂട്ടിംഗ് ആയിരുന്നത് കൊണ്ട് കാശ് കൊടുക്കാന് പറ്റീരുന്നില്ലാ...
അത് സാരമില്ലാ...നാളെയായാലും കൊടുക്കാം..പക്ഷേ ഒരു തുള്ളി കള്ള് മോന്താന് ആ പടച്ചാന് തെണ്ടി കാരണം പറ്റീല്ലല്ലോ എന്നോര്ത്തപ്പോള് ഞങ്ങളുടെ ഉള്ളില് പ്രതികാരം നുരഞ്ഞ് പൊന്തി....
വാങ്ങിച്ച് വച്ച മീനിന്റെ കാര്യം ഓര്ത്തപ്പോള് രാജീവന് ചാടിയെഴുന്നേറ്റു...
'ആ പന്നീനെ പൂശണം....ഇപ്പ തന്നെ പൂശണം....നാട്ടുകാരേതായലും കഥയൊക്കെ ഇപ്പൊ അറിഞ്ഞു കാണും...അതു കൊണ്ട് ഇനി നാറാനൊന്നും ബാക്കി കാണില്ലാ...
അത് കൊണ്ട് ഇപ്പ തന്നെ കേറി ബാക്കീം കൂടിയങ്ങ് പൂശാ....'
രാജീവന് നിന്ന് വിറച്ചു.....
'വേണ്ടടാപ്പാ....നമുക്ക് പൂശിയാ പോരേ....അതിനു വഴീണ്ട്..നാളെയാവട്ടെ...'
ഞാന് രാജീവനെ പിടിച്ചിരുത്തി....
തുടര്ന്ന് പ്ലാനിംഗ് ആരംഭിക്കുകയായിരുന്നു....
'ഓപ്പറേഷന് പടച്ചാന്...'
**********************
പിറ്റേ ദിവസം ഷാപ്പ് തുറക്കുന്നതിനു മുന്പേ ഞാനും രാജീവനും ഷാപ്പുകാരന് ഗോപാലന്റെ വീട്ടില് ചെന്നു...
ഞങ്ങളെ കണ്ടതും ഗോപാലന് ചേട്ടന് ഓടി പുറത്ത് വന്നു....
'എന്റെ മക്കളേ...നിങ്ങ എന്ത് പണിയാ കാണിച്ചേ..ആ പോഴനെ തല്ലണ്ട വല്ല ആവശ്യോം എണ്ടായിരുന്നാ...ഞാന് ദെവസോം കാണണതല്ലേ അവന്റെ പടം....
ഇനലെ നിങ്ങ തിരിച്ച് വന്നാലോയെന്ന് പേടിച്ച് അവന് അപ്പ തന്നെ ഷാപ്പീന്ന് മുങ്ങി....'
അത് ശരി..അപ്പോള് അങ്ങനെയാ കാര്യങ്ങള്...
കാര്യം കത്തിയൊക്കെ ഊരിയെങ്കിലും...പണിപുറകേ വന്നാലോയെന്ന് പേടിച്ച് പടച്ചാന് മുങ്ങി.
അവസാനം അന്വേഷണത്തിനൊടുവില് പടച്ചാനെ കടവിനടുത്തുള്ള മണല് ഷട്ടറിന്റടുത്ത് ഞങ്ങള് കണ്ടെത്തി.
ഞങ്ങളെ കണ്ടതും...ഷട്ടറില് കിടക്കുകയായിരുന്ന പടച്ചാന് ചാടിയേഴുന്നേറ്റു...എന്നിട്ട് കത്തിയൂരി...
'വേണുച്ചേട്ടാ...ഞങ്ങള് കലിപ്പിന് വന്നതല്ലാ....
ഇന്നലെ അങ്ങനെ പറ്റിപ്പോയി...ക്ഷമ ചോദിക്കാന് വന്നതാ ഞങ്ങള്...'
പടച്ചാന് സംശയത്തോടെ ഞങ്ങളെ നോക്കി....
'റോഷന് ഭയങ്കര സങ്കടമൊണ്ട്...ഇന്നു വൈകീട്ട് പ്രശ്നം സോള്വ് ചെയ്യാന് വേണുച്ചേട്ടന് രണ്ട് സ്മോള് വാങ്ങിക്കൊടുക്കണം എന്നും പറഞ്ഞ് അവനാ ഞങ്ങളെ അയച്ചേ...'
പടച്ചാന് ഒന്നും മിണ്ടുന്നില്ലാ...പുള്ളിക്ക് സംശയം മാറീട്ടില്ലാ...
'അവന് ചേട്ടന്റെ മുന്പില് വരാന് പേടി...അതാ ഞങ്ങള് വന്നേ....വൈകിട്ട് എവടെ കാണും...
രണ്ടെണ്ണം നമുക്കൊരുമിച്ച് വീശാം...
നല്ല മിലിട്ടറി ഒപ്പിച്ചിട്ടൊണ്ട്...
അപ്പൊ തീരും എല്ലാ പ്രശ്നോം...'
പടച്ചാന് എന്നിട്ടും മിണ്ടുന്നില്ലാ...സംശയം മാറീട്ടില്ലായെന്ന് ചുരുക്കം...
'ഞങ്ങളു പോണ്..വൈകീട്ട് ഷാപ്പിന്റെ അവിടെ നിന്നാല് മതീട്ടാ..ഞങ്ങള് വണ്ടിയായിട്ട് വരാ...
നമക്ക് ബസ്സ്റ്റാന്ഡിന്റെ പൊറകിലെ പാടത്ത് ഇരുന്ന് പൂശാ...'
തിരിഞ്ഞ് നോക്കിയപ്പോഴും കണ്ടത്...ഒന്നും മനസ്സിലാകാതെ മിഴിച്ച് നില്ക്കണ പടച്ചാന്...
*********************
വൈകീട്ട് ഷാപ്പിന്റടുത്ത് ചെന്ന് നോക്കിയപ്പോള് ആ പ്രദേശത്തെങ്ങും പടച്ചാനില്ല.ഷാപ്പിലും കേറി നോക്കി..അവിടെയുമില്ല.
ഗോപാലന് ചേട്ടനോട് ചോദിച്ചപ്പോള്...രാവിലെ വന്നിരുന്നു എന്ന് പറഞ്ഞു.
മണല് ഷട്ടറിലും...കടവിലും..പള്ളിപ്പറമ്പിലും....അങ്ങനെ പടച്ചാനെ കാണാന് ചാന്സുള്ള സകല സ്ഥലത്തും ഞങ്ങള് തിരഞ്ഞു....നോ രക്ഷ.
അവസാനം അങ്ങേര് പേടിച്ച് മുങ്ങീതായെന്നും പറഞ്ഞ്...അങ്ങേര് പോയാല് പോട്ടെ..നമുക്ക് പൂശല് തുടങ്ങിയേക്കാമെന്നും പറഞ്ഞ്...
ബസ് സ്റ്റാന്ഡിന് പുറകിലെ പാടത്ത് എത്തിയപ്പോള് കണ്ട കാഴ്ച...
പടച്ചാന് ഞങ്ങളെ വെയിറ്റ് ചെയ്ത്...പാടത്തിന്റെ കരയിലുള്ള ഒരു തെങ്ങിന്റെ മൂട്ടില് കുത്തിയിരിക്കുന്നു....
പിന്നെയെല്ലാം പെട്ടന്നായിരുന്നു...
ഒരു ഫുള് മിലിട്ടറി നിമിഷനേരം കൊണ്ട് തീര്ന്നു....
അതിനിടയില് റോഷന്റെ ക്ഷമാപണവും....ചേട്ടാ..ചേട്ടന് പുലിയാണുചേട്ടാ ഡയലോഗുകളും ആവശ്യത്തിനു നടന്നിരുന്നു....
രണ്ടാമത്തെ ഫുള്ളില് നിന്നും കൂടുതല് പടച്ചാന് ഒഴിച്ച് കൊടുക്കാനും....നേരം എങ്ങനെയെങ്കിലും പത്ത് മണിനേരം ആക്കിയെടുക്കാനും ഞങ്ങള് പരമാവധി ശ്രദ്ധിച്ചു.
അങ്ങനെ രണ്ടാമതെ ഫുള് തീരാറായി..പടച്ചാന്റെ നാക്ക് കുഴഞ്ഞ് തുടങ്ങി....
ഓപ്പറേഷന്റെ സമയം അടുക്കുന്നു....
ഞങ്ങള് തമ്മില് തമ്മില് നോക്കി.
അവസാന പെഗും പടച്ചാന് വിഴുങ്ങി....ടച്ചിങ്ങ്സായി വാങ്ങിച്ച് കൊണ്ടുവന്നിരുന്ന മിക്ചറിന്റെ പാക്കറ്റ് എടുത്ത് അതിന്റെ അടിയില് കിടക്കുന്ന അവസാന തരിയും വായിലേക്ക് പകര്ത്തി....
എന്നിട്ട് പതുക്കെ എഴുന്നേല്ക്കാന് ശ്രമിച്ചു....ഇല്ലാ ഒറ്റക്ക് നടക്കില്ല.ഞാന് ഒരു കൈസഹായം ചെയ്തു.എന്റെ കൈയില് തൂങ്ങി പടച്ചാന് എഴുന്നേറ്റു...
എന്നിട്ട് അഴിഞ്ഞ് തുടങ്ങിയ മുണ്ട് മുറുക്കികെട്ടാന് ശ്രമം തുടങ്ങി...
ഒരു നിമിഷം...ഞാന് റോഷന് സിഗ്നല് കൊടുത്തു....
ഒറ്റക്കുതിക്കലിനു റോഷന് പടച്ചാന്റെ ദേഹത്തേക്ക് ചാടി വീണു....
രണ്ടും കൂടി പാടത്ത് കിടന്ന് ഉരുണ്ടു....
പക്ഷേ ഞങ്ങളെ ഞെട്ടിച്ചുകൊണ്ട്.....പടച്ചാന്..ഒരു റൗണ്ട് ഉരുളലിനു ശേഷം കുതിച്ചെണീറ്റു....
അരയില് നിന്ന് തെറിച്ച് പോയ കത്തി തപ്പിയെടുത്ത് വീശിക്കൊണ്ട് അലറി...
'......മക്കളേ...നിന്റെയൊക്കെ ഉള്ളിലിരുപ്പ്പ് എനിക്കറിഞ്ഞൂടെ....എന്നെ വെള്ളം തന്ന് മറിച്ചിട്ട് കിണ്ണാനായിരുന്നല്ലേ പരിപാടി..ഊവാ...നീയൊക്കെ ഒലത്തും...'
കര്ത്താവേ...പണി പാളി....ഇനി നോക്കിനിന്നിട്ട് കാര്യമില്ല...അറ്റാക്ക് തന്നെ ശരണം....
പക്ഷേ അറ്റാക്ക് ചെയ്യണോങ്കില് അടുക്കാന് പറ്റണ്ടേ....
പടച്ചാന് കത്തി കറക്കി വീശിക്കൊണ്ടിരിക്കുവാണ്....
ഓടിയടുത്താല് കത്തി പള്ളക്ക് കേറും...
വല്ല വടിയുമൊടിച്ച് തലക്കടിക്കാമെന്ന് വച്ചാല് പാടത്തിന്റെ നടുക്കെവിടെ വടി.....
ഈ സമയം ബസ് സ്റ്റാന്റിലേക്ക് ഓടിപ്പോയ രാജീവന് ഒരു കയറുമായിട്ടാ വന്നത്....
ജാക്കിലിവര് എടുക്കാന് പോയവന് കയറുമായിട്ട് വന്നത് കണ്ട് എന്റെ കലിപ്പ് മൂത്തു....
കയറെങ്കില് കയര്.....
കത്തി തെറിപ്പിക്കാന് ആദ്യം കയറിനു വീശി നോക്കി....രക്ഷയില്ലാ..
പക്ഷേ വീശി വീശി വന്നപ്പോള് എങ്ങനെയോ....പടച്ചാന് കയറില് കുടുങ്ങി...
ഒരു വലി വലിച്ചപ്പോള് മലര്ന്നടിച്ച് താഴെ വീണു....
അവിടെകിടന്ന് പടച്ചാന് ഉരുണ്ടത് കാര്യങ്ങള് എളുപ്പമാക്കി...
ഇപ്പോള് മുഴുവനായിട്ട് പടച്ചാന് കയറില് കുരുങ്ങി....
ഞങ്ങള് ഇരയെ മണ്ണിലൂടെ വലിച്ച്....പാടത്തിന്റെ കരയിലുള്ള തെങ്ങില് കൊണ്ടുപോയി കെട്ടിയിട്ടു.
പിന്നെ ചുറ്റുമൊരു ഡാന്സായിരുന്നു....
ഇടക്കിടക്ക് പള്ളക്കിട്ട് ഓരോ കുത്ത് കൊടുക്കും....
അപ്പോള് പടച്ചാന് തെറി വിളിക്കും....
അപ്പോ പിന്നേം കുത്തും..പിന്നേം ഡാന്സ്....
പള്ളക്കിട്ട് കുത്ത് എത്രകൊടുത്തിട്ടും പടച്ചാന്റെ വായിലെ നാക്ക് കുറഞ്ഞില്ല.
'ഇവടന്നൊന്ന് അഴിഞ്ഞ് കിട്ടിയാല് നിന്നെയൊക്കെ ഞാന് പൂളുമെടാ പന്നികളേ....'
പടച്ചാന് ഓരോ പള്ളക്കിട്ട് കുത്ത് വാങ്ങുമ്പോഴും പറഞ്ഞ് കൊണ്ടിരുന്നു....
അപ്പോഴാണ് റോഷന് പ്രഖ്യാപിച്ചത്...ഇവനെ നമുക്കങ്ങ് കൊന്ന് കളയാം....
ഞാനും രാജീവനും കയ്യടിച്ച് ആ അഭിപ്രായം പാസ്സാക്കി....
'ഇവനെ നമുക്ക് പെട്രോളൊഴിച്ച് കത്തിക്കാം....'
'സബാഷ്...കൊണ്ടുവാടാ പെട്രോള്....'
ഞങ്ങള് ഓടി ചെന്ന് ബസ് സ്റ്റാന്റില് പാര്ക്ക് ചെയ്തിരുന്ന ബസ്സില് നിന്ന് ജീവനക്കാര് ഉപയോഗിക്കുന്ന ഒരു ബക്കറ്റ് കണ്ടെടുത്തു...
ഗ്രീസിന്റെയും ഡീസലിന്റെയും മണമുള്ള ബക്കറ്റ്....
അതും കൊണ്ട് ഞങ്ങളുടേ ബൈക്കിന്റെ അടുത്ത് പോയി..അതില് നിന്ന് പെട്രോള് ഊറ്റുന്ന മാതിരി അഭിനയിച്ചു....
അതിനു ശേഷം കുറച്ച് ചെളിവെള്ളം അടുത്തുള്ള കാനയില് നിന്ന് ബക്കറ്റില് സംഘടിപ്പിച്ചു.....
നേരേ ചെന്ന് പടച്ചാന്റെ തല വഴി ഒഴിച്ചു....
അത്രയും നേരം ഒരു പുഛഭാവത്തോടെ ഞങ്ങളുടെ അങ്കമെല്ലാം കണ്ട് കൊണ്ട് നിന്നിരുന്ന പടച്ചാന്റെ ഭാവം മാറി...
ദേഹത്ത് വീണ ദ്രാവകം പടച്ചാന് ഒന്ന് മണത്ത് നോക്കി...
എന്തോ ഒരു മണം....ബക്കറ്റില് ചെറിയ തോതിലുണ്ടായിരുന്ന ഗ്രീസും ഡീസലും ചേര്ന്ന് ചെളിവെള്ളത്തിന് ഒരു വല്ലാത്ത മണം....
പടച്ചാന് ഡൗട്ടടിച്ച് തുടങ്ങി...
ഇവന്മാര് കൊല്ലാന് തന്നെയാ പരിപാടി....
അതും കത്തിച്ച് കളയാന് തന്നെയാ പരിപാടി....
ഞാന് തീപ്പെട്ടിയുരച്ചു....
പടച്ചാന്റെ നേരേ നീട്ടി...
'ടാ മോനേ വേണ്ടാടാ....കളി സീരിയസ്സ് ആവണെട്ടാ....'
പടച്ചാന് കരഞ്ഞ് തുടങ്ങി..
ഞങ്ങള്ക്ക് രസം പിടിച്ചു...
ആദ്യ കൊള്ളി ഊതിക്കെടുത്തിയ ഞാന് രണ്ടാമത്തെ കൊള്ളി കത്തിച്ചു..എന്നിട്ട് മറ്റുള്ളവരോട് പുറകിലേക്ക് മാറാന് പറഞ്ഞു....
ഞാനും പുറകിലേക്ക് മാറി....
കത്തിച്ച തീപ്പെട്ടിക്കൊള്ളി തന്റെ ദേഹത്തേക്ക് എറിയാനാണ് ഇവന്മാരുടെ പരിപാടിയെന്ന് മനസ്സിലാക്കിയ പടച്ചാന്...അടുത്ത നിമിഷം....
അലറിക്കരഞ്ഞു....
'എന്നെ കൊല്ലാന് പോണേ..കത്തിച്ച് കൊല്ലാന് പോണേ.....'
ഞങ്ങള് ചിരി തുടങ്ങുന്നതിനുമുന്പേ...ബസ് സ്റ്റാന്ഡിലേക്ക് ഒരു വണ്ടി കേറി വന്നു....
തിരിഞ്ഞ് നോക്കിയ രാജീവന് പറഞ്ഞു...
'ടാ...പോലീസ്..'
പറഞ്ഞതും അവന് ഓടീതും ഒരുമിച്ച് കഴിഞ്ഞു...
റോഷനെ നോക്കിയ ഞാന് കണ്ടത്..അവന് രാജീവന്റെ മുന്പില് ഓടുന്ന കാഴ്ചയാണ്....
ഈ സമയം പടച്ചാന് പിന്നേം അലറി....
'സാറേ..രക്ഷിക്കണേ....എന്നെയീ പന്നികള് കത്തിച്ച് കൊല്ലാന് പോണേ.....'
പിന്നെ ഞാനൊന്നും ചിന്തിച്ചില്ല...
എന്റെ ബൈക്കാണ് ബസ് സ്റ്റാന്ഡില് ഇരിക്കുന്നതെന്നോ...
പടച്ചാന്റെ വായ പൊത്തിപ്പിടിച്ച് കരച്ചില് സൗണ്ട് ഇല്ലാതെയാക്കാമെന്നോ....
പോലീസുക്കാര്ക്ക് ഈ ഭാഗത്തേക്ക് ശ്രദ്ധ കിട്ടിയോ എന്നൊന്നും ഞാന് ചിന്തിച്ചില്ലാ....
ഓട്ടത്തില് പണ്ടേ മിടുക്കനായ ഞാന് നിമിഷങ്ങള്ക്കകം രാജീവനേയും റോഷനേയും ഓവര്ടേക്ക് ചെയ്ത് പാഞ്ഞ് പോയി....
********************
പിറ്റേന്ന് ബന്ധുജനങ്ങളുടേയും രാഷ്ട്രീയക്കാരുടേം അകമ്പടിയോടെ ഞങ്ങള് മൂവര് സംഘം സ്റ്റേഷനില് ഹാജരായി....
കാര്യമെല്ലാം മനസ്സിലാക്കിയ എസ്.ഐ ആദ്യം ചിരിച്ചു...പിന്നെ ചെവി കല്ലച്ച് പോണ തെറി പറഞ്ഞു....
പടച്ചാന് പരാതിയില്ലാത്തത് കൊണ്ട് കേസ് ഒന്നും എടുത്തില്ല.
അങ്ങനെ ആഘോഷപൂര്വം ഞങ്ങള് സ്റ്റേഷനില് നിന്ന് പിരിഞ്ഞ് പോന്നു.
കുറച്ച് നാള് മുന്പ് റോഷനും ഞാനും കൂടി..അവന്റെ ബൈക്കില് പെട്രോള് തീര്ന്നു പോയിട്ട്...ഒരു കോളാ കുപ്പിയില് പെട്രോളും വാങ്ങിച്ച് വരുന്ന വഴി പടച്ചാനെ കണ്ടു....
'പടച്ചാനേ ഇത് കണ്ടാ..ഇന്നൊരു കത്തിക്കലൊണ്ട്....'
എന്നു ഞാന് കുപ്പി പൊക്കി കാണിച്ച് പറഞ്ഞതിന് മറുപടിയായി....പടച്ചാന് പറഞ്ഞു....
'ഊവാ...നീ ഒലത്തും...'
Tuesday, September 25, 2007
Subscribe to:
Post Comments (Atom)
39 comments:
ഞാന് ഡീസന്റായി..
കമ്പ്ലീറ്റ് ചിന്തയും നിര്ത്തി....
ദാ ഒരു പുതിയ പോസ്റ്റ്..
മഞ്ഞുമ്മലില്....
നിങ്ങള്ക്ക് സഹിക്കാനുള്ള കഴിവ് ദൈവം തരട്ടേ...
ഒരു തേങ്ങയടിച്ച കാലം മറന്നു സാന്റോയേ...
ഠോ.......(ഡോള്ബി ഡിജിറ്റല് സകിണ്ടോടു കൂടിയാ)....
ഇനി വായിക്കട്ടെ
ദുഷ്ടാ കുറൂ..ഒരു ഫുള്ള് പൊട്ടിക്കാന് ഞാന് ഓടി വന്നതാ.. ദാ തേങ്ങ പൊട്ടിച്ചു വെച്ചിരിക്കുന്നു..ഏതായാലും ഇനി വായിക്കട്ടെ..
ചാത്തനേറ്: കുറു അണ്ണോ ഇവിടാരും തേങ്ങാ പൊട്ടിക്കാറില്ലാ കുപ്പിയല്ലേ പതിവ്... എന്തായാലും ആദ്യം വായിച്ച് തീര്ത്തത് ഞാന്..
ഒരു തമ്പ്സ് അപ്പ് കുപ്പി പൊട്ടി‘ച്ചിരി‘ക്കുന്നു.
സാന്ഡോ ഓട്ടത്തില് ഒരല്പം ട്രെയിനിംങ് തരാമോ?
കലക്കീട്ടാ(ചെളിവെള്ളം)
കലക്കി മോനേ സാന്റോ...
എന്നാലും ഇനിയും ഡീസന്റാവരുത് കേട്ടാ. വെള്ളമടിച്ചാല് അലമ്പുണ്ടാക്കാതെ പറ്റില്ല അല്ലേ? എനിയ്ക്ക് പറ്റില്ല. അതല്ലെ ഞാന് വെള്ളമടിയ്ക്കാത്തത്. :-)
ഹഹ കൊള്ളാലോട മാന്യാ. ഇത്ര നാളായിട്ടും മഞ്ഞുമ്മേന്ന് ഒരു ഇന്ഡീസന്റ് കഥാപാത്രത്തിനെയെങ്കിലും നിനക്ക് തപ്പിയെടുക്കാന് പറ്റിയാ സാന്ഡോ?
ഞാന് ഒരു ലോഡ് തേങ്ങയും കൊണ്ട് എത്തുമ്പോഴെക്കും നേരം വൈകിയ്യല്ലോ ഹെന്റീശ്വരാ ... ഇനി ഈ തേങ്ങാക്കുലകള് എവിടെ ഇറക്കും ... അടുത്ത് പോസ്റ്റ് ആരുടെയെങ്കിലും വരുമോ നോക്കട്ടെ ... തെങ്ങക്കുലയില്ലാതെ എന്തോന്ന് ബ്ലൊഗ് ..ഹല്ല ..പിന്നെ .. ചാത്തന്റെ ഏറ് ഒന്ന് ബാക്കി കാണുന്നുണ്ടിവിടെ ... എന്നാല് എന്റെ വക ഒരു ചാത്തനേറ് .. ഞാന് പോസ്റ്റ് വായിച്ചിട്ടൊന്നുമില്ല കേട്ടോ .. അതെങ്ങിനാ .. തേങ്ങയിലല്ലെ ശ്രദ്ധ മുഴുവനും .. ഇനി ഇതൊന്ന് എവിടെയേലും ഇറക്കി ഒടച്ചിട്ട് നേരമുണ്ടേല് വന്നൊന്ന് നോക്കണം .. എന്നാ പറഞ്ഞ പോലെ ... ചാത്തന് വന്നാല് പറഞ്ഞേക്ക് എവനോ ഒരുത്തന് വന്ന് എറിഞ്ഞേച്ച് പോയീന്ന് ....
പാവം പടച്ചാന്!
:)
സാണ്റ്റോ,
ഓപ്പ്റേഷന് സക്സസ്സ്.വായിച്ചു ചിരിച്ചു.അല്ല്ല്ലും ഈ വില്ലന്മാരൊക്കെ പാവങ്ങളാ..മര്യാക്ക് രണ്ടെണ്ണം പൊട്ടിച്ചാല് പിന്നെ ഇനി ഞങ്ങളെ തൊട്ട് കളിക്കാന് ആരുണ്ടെടാ എന്ന് മാമുക്കോയ ഒരു സിനിമയില് പറയുന്ന പോലെ ആവും.വീണ്ടും ഇത്തരം കഥകള് പോരട്ട്.....
അപ്പോ ഗൂഡാലോചന, സംഘടിത വധശ്രമം തുടങ്ങിയ മാരക കുറ്റങ്ങളില് നിന്നും തലയൂരി പോന്ന ആളാല്ലേ. അപ്പൊ ആള് ഭയങ്കര ഡീസന്റാ.
ഈ കലാപരിപാടികളൊന്നും ഗുജറാത്തില് ഇതുവരെ തുടങ്ങിയില്ലേ സാന്റോ.
പെരുന്നാളാഘോഷം കലക്കി.
അവസാനം ആര്ക്കു പോയി ? പടച്ചാനു രണ്ടു ഫുള്ളും കിട്ടി നിന്നെയൊക്കെ പോലീസിന്റെ തെറീം കേള്പ്പിച്ചു..അപ്പോ പടച്ചാന് തന്നെ ഇതിലെ ഹീറോ... കലക്കി സാന്റ്റോ... :)
ബൈ ദ ബൈ ബാച്ചി ക്ലബില് ഫുട്ബോള് മാച്ചിന്റെ ബാക്കി ഇനിയെങ്കിലും എഴുതീല്ലെങ്കില് നിന്നെ ഞാന് തെങ്ങില് കെട്ടിയിട്ടു പെട്രോള് ഒഴിച്ചു കത്തിക്കും , ചെളി വെള്ളം പെട്രോള് അല്ല നല്ല ഒറിജിനല് പെട്രോള് !
കലക്കി സാന്ഡോ!!! അടിപൊളി :)
അപ്പൊ, കള്ളുകുടി, അടിപിടി, എല്ലാം ഉണ്ടല്ലേ. നീ തന്നെ ബാച്ചി ക്ലബിന്റെ ആജീവനാന്ത പ്രസിഡന്റ് :-)
കൊള്ളാഡാ സാന്റോ :-)
ഇഷ്ടായി :-)
ഇവടെ ഒരു ബാറീല് ഒരിക്കല് രണ്ടെണ്ണം പൂശാന് കമ്പനി കൂടി പോയപ്പോ ഒരു സായിപ്പലവലാതി മേശക്ക് അടീക്കൂടി തോക്ക് നീട്ടി "ഒരു ഫുള്ളും, പേഴ്സും വെയ്കെടാ മേശേല്" എന്നു പറഞ്ഞ ഒരു സംഭവം ഉണ്ടായിട്ടുണ്ട്.
പിന്നെയെഴുതാം. ഓര്ത്തിട്ട് നാണം വരുന്നു
ഞാന് പടച്ചാന്റെ കൂടെയാ.
പാവത്തിനെ ഓഫാക്കി കെട്ടിയിട്ട് തല്ലി ന്ര്ത്തം ചെയ്തപ്പോള് മൂപ്പരുടെ ആ ഡയലോഗുണ്ടല്ലോ, അതാണ് എന്നെ മൂപ്പരുടെ ഫാനാക്കിയത്;
'ഇവടന്നൊന്ന് അഴിഞ്ഞ് കിട്ടിയാല് നിന്നെയൊക്കെ ഞാന് പൂളുമെടാ പന്നികളേ....'
സാന്റൂ, നന്നായെഴുതി.
ഞാനും പടച്ചോന്റെ കൂടെയാ..ഒന്നുമില്ലേലും ആ ഡീസന്റ് മനുഷ്യന് കള്ളു കുടിച്ച് ബ്ലോഗൊന്നുമെഴുതുന്നില്ലല്ലോ (ഞാനാരേം ഉദ്ദേശിച്ചിട്ടില്ല :-)
വന്നിട്ടൊരു ഇസ്മയിലി പോലും ഇടാതെങ്ങനാ...
;-)
പടച്ചാന്റെ “ചെകിള”....
നീളത്തിനു കുറവില്ലാത്ത കഥ വായിച്ചു.ഇടിച്ചു പൊടിച്ച് ധൂളിയാക്കി കടലീ കലക്കീലോ സാന്ഡോ.
അല്ല, പടച്ചാന്റെ ചെകിള്യേ...
ഇതു കലക്കി.
(ഓടോ :
'നീയെന്റെ മുമ്പിലിരുന്ന് മോന്തൂല്ലേടാ ശവീ....'
എന്നല്ല
‘നീയെന്റെ മുമ്പീന്ന് മുങ്ങൂല്ലടാ ശവീ ..’ എന്ന് എനിക്ക് ഊന്നി ഊന്നി ചോദിക്കേണ്ടി വന്നു ..ഉം.. ഉം..)
സാന്റോയേ,
വെള്ളക്കഥ കലക്കി. പടച്ചാന് ഒരു ബിരിയാണി വാങ്ങിക്കൊട്. ഒരു പോസ്റ്റ് നുള്ള വക ഒപ്പിച്ചു തന്നില്ലേ ഓന്.
:)
ഉപാസന
സാന്റോസ് ഭായ്
നിങ്ങളൊരു ഭയങ്കരന് തന്നെ.. ഓപ്പറേഷന് പടച്ചാന്.., പടച്ചാന് ആരാമോന്, നിങ്ങള് മനസ്സില് കണ്ടപ്പോള് പടച്ചോന് പടച്ചാനെ മരത്തില് കാണിച്ചുകൊടുത്തു...
ഇനിയെങ്കിലും ആ സത്യം പറ, എസ് ഐ ഏമാന്റെ കയ്യിന്നു കിട്ടിയ വക... ഒന്നു തരാതെ ചീത്തമാത്രം തന്നൂന്ന്.. അതും മ്മടെ കേരളപ്പോലീസ്..ഉവ്വവ്വേ..
"രാവിലേ ഷാപ്പ് തുറക്കുന്നത് തന്നെ പടച്ചാനാണ്...
അകത്ത് നിന്ന്..."
അതു പെടച്ചു മാഷേ :-)
അവസാനം പടച്ചാന് തന്നെ ഹീറോ...രണ്ടു ഫുള്ളിന്റെ കാശും പോയ, പോലീസ് സ്റ്റേഷനില് കയറിയ നിങ്ങള് ആരായി...:-)
നല്ല പോസ്റ്റ്...രസിച്ചു വായിച്ചു...
സാന്ഡോയേ, ഇത് വായിച്ചപ്പോള് കൊച്ചിന് ഹനീഫായുടെ ഹൈദ്രോസാണ് ഓര്മ്മവന്നത്(കിരീടം അല്ലേ)
ദെന്തായാലും സൂപ്പര്ബ്!
എന്തെങ്കിലും കണ്ടുപിടുത്തം നടത്താന് ആ പടച്ചാനെകൊണ്ട് നിങ്ങളു സമ്മതിക്കില്യാന്നു വച്ചാ കഷ്ടാണ്. പണ്ട് ഇങ്ങനൊരു പടച്ചാന്റെ തലേലു ആപ്പിളു വീണപ്പഴാ ആകര്ഷണ സിദ്ധാന്തം കണ്ടുപിടിച്ചത്. നമ്മടെ നാട്ടിലു തേങ്ങാ വീഴുന്നോണ്ടാ ശരിയായ കണ്ടുപിടുത്തങ്ങളില്ലാതെ പോണത്...പാവം പടച്ചാന്, നിങ്ങളൊക്കെ തല്ലുകൊള്ളികള്, ഞാന് പടച്ചാന്റെ കൂടെ, ഉവ്വ നിങ്ങളൊലത്തും, ങട് വാടാ ധൈര്യംണ്ടെങ്ങെ
സാന്റോ.... കള്ളും പെട്രോളുമായിട്ടാ കളി അല്ലേ? :-)
നല്ല രസായിട്ട് വായിച്ചു....
സാന്റോസേ..ആ ചെളിവെള്ള പെട്രോള് കലക്കീ ട്ടാ..മഞ്ഞുമ്മല് വരുമ്പോ ഈ അവതാരത്തിനെ ഒന്നു കാണണം..നിന്റെ കാര്യല്ല പറഞ്ഞത്..ആ പടച്ചാന്റെ കാര്യം പറഞ്ഞത്. ;)
പോസ്റ്റ് അടിപൊളി ട്ടാ..
പടച്ചാന് വീരഗാഥ കാണാന് വന്ന...
കുറൂസ്..ഉണ്ണികുട്ടന്..
ദില്ബന്..ചാത്തന്..
ഇക്കാസ്..പേരറിയാത്തവന്..
ശ്രീ..പാപ്പരാസി..കൃഷ്..
സതീഷ്...കുതിരവട്ടന്..
അരവി..പടിപ്പുര...
രജീഷ്..ത്രേസ്യ..
ആവനാഴി..മേനന്..
ഉപാസന..കുഞ്ഞന്..
തെന്നലി..സാജന്..
മുരളിച്ചേട്ടന്..സൂര്യന്..
മെലോഡി...
എന്നിവര്ക്ക് സ്നേഹം..നന്ദി...
ദിപ്പേണ് കണ്ട..
കിടിലന് സാനം...
:)
എന്റമ്മോ ചിരിച്ചുചിരിച്ചു കൊടലു നുറുങ്ങി പോയി എന്റെ പഹയാ...
നീയാളു കൊള്ളാലാ...,ഇന്റെ കഥ ഞമ്മളു ഇനിയും ബ്ബായിക്കും ട്ടാ... ബിടാണ്ടു എയ്തിക്കോ.
കണ്ണൂക്കാരെന് രാജന്.വെങ്ങര
വായന രസം നല്കി.
മുന്പെഴുതിയവയില് നിന്നും ശൈലി വ്യത്യാസമുള്ളതായി തോന്നുന്നു.
ഓപ്പറേഷന് കണ്ടതിനു...
വാവക്കാടനും...സതീശനും..
രാജിനും നന്ദി..സ്നേഹം...
സാന്ഡോസേ, കലക്കന്...
ഇതു വായിയ്ക്കുമ്പോള്, ബോളിവുഡ് സിനിമാതാരമായ ‘വിജയ് രാസ്‘ (പി കെ ഡുബേ: മണ്സൂണ് വെഡ്ഡിംഗ്)എന്ന നടനായിരുന്നു, പടച്ചാനായി മനസ്സില്..
:)
ഹഹ! സാന്റ്റോ.. വാ കസ്തേ..
കലക്കന് പൊസ്റ്റ്... ഈ ഡയലോഗുകലിലൂറ്റെ ആള്ക്കാരെ ചിരിപ്പിക്കാന് സാന്റോ കഴിഞ്ഞിട്ടേയൊള്ളൊ.
ഇന്നു ഇന്ത്യന് കോന്തന്മാര് ആസ്ത്രേലിയക്കാരോടു മുട്ടു വിറച്ച് ബാറ്റു ഉചെയ്തകണ്ട് ആകെ ഡെസ്പായിരിക്കുമ്പഴാ ഈ ഇപോസ്റ്റ് വായ്യിച്ചത്..
ആകെ മൂഡൌട്ട് ആയിരുന്നതിനു അല്പം ആശ്വാസം ..ഒന്നു നന്നായി ചിരിച്ചപൊഓള്..
താങ്ക്യൂഡാ !
പദ്മ്മരാജന്റെ തുവാന തുബി കണ്ട് രാണ്ട് ലാര്ജ് വിട്ടാപ്പൊള് വന്നാ പടചൊനാനാല്ലൊ സന്ധൊവെ ആ തരകെടില്ല്യ
പടച്ചാന്റെ അഭ്യാസം കാണാന് വന്നതിനു....
അഭി..ഇടിഗഡി..സുമേഷ്..
എന്നിവര്ക്ക് നന്ദി..നമസ്കാരം...
'പടച്ചാനേ ഇത് കണ്ടാ..ഇന്നൊരു കത്തിക്കലൊണ്ട്....'
എന്നു ഞാന് കുപ്പി പൊക്കി കാണിച്ച് പറഞ്ഞതിന് മറുപടിയായി....പടച്ചാന് പറഞ്ഞു....
'ഊവാ...നീ ഒലത്തും...'
ഹാവുഓ.............എന്താ..............ഒര് കത്തിക്കാലാണ്ന്നും
ഈ കത്തിക്കല് തീരാതിരിക്കട്ടെ സന്തോഷേട്ടാ....
സ്നേഹപൂറ്വം സുഖേഷ്.
പിന്നെ ചുറ്റുമൊരു ഡാന്സായിരുന്നു....
ഇടക്കിടക്ക് പള്ളക്കിട്ട് ഓരോ കുത്ത് കൊടുക്കും....
അപ്പോള് പടച്ചാന് തെറി വിളിക്കും....
അപ്പോ പിന്നേം കുത്തും..പിന്നേം ഡാന്സ്
:DD:D:D:D:D:D kalakki..ee scene manassil kandu pottichirichu
ഭയങ്കരാ നടന്ന കഥ തന്നെയാണോ??
Post a Comment