Monday, March 12, 2007

ഹോണോലുലു രീതികള്‍

ഇപ്രാവശ്യം നമുക്ക്‌ പാലക്കാടിനു അടുത്തുള്ള ഹോണോലുലു എന്ന ഗ്രാമത്തില്‍ പോത്തിനോട്‌ വേദം....ക്ഷമിക്കുക....പോത്തിനെ വെട്ടി കറി ഉണ്ടാക്കുന്നത്‌ എങ്ങനെ എന്ന് പഠിക്കാം.....
[ഞാന്‍ പഠിപ്പിക്കും]

വേണ്ട സാധനങ്ങള്‍.....

1.എമണ്ടന്‍ പോത്ത്‌-ഒരെണ്ണം

2.തോക്ക്‌/വടിവാള്‍/കോടാലി/പല്ലിന്റെ ഇടയില്‍കുത്തി/ചെവിതോണ്ടി-എല്ലാം ഒരോന്ന്.

3.മുളക്‌ പൊടി-100 ഗ്രാം

4.വെളിച്ചെണ്ണ ചൂടാക്കിയത്‌-ഒരു കിലോ

5.ചെമ്പുകലം വലുത്‌-ഒരെണ്ണം

6.കിണര്‍[വെള്ളം ഉള്ളത്‌]-ഒരെണ്ണം

7.ഗ്യാസുകുറ്റി നിറച്ചത്‌-ഒരെണ്ണം

8.ഗ്യാസടുപ്പ്‌-ഒരെണ്ണം

9.പോത്തിന്റെ ഉടമസ്ഥന്റെ സമ്മതം-ഒരെണ്ണം.

10.ഉടമസ്ഥന്റെ ഭാര്യയുടെ സമ്മതം-2 എണ്ണം

ഇനി പ്രയോഗങ്ങള്‍........

പോത്തിനെ കെട്ടിയിട്ടിരിക്കുന്ന സ്ഥലത്തേക്ക്‌ പോവുക.
ഇനി പോത്ത്‌ മേയാന്‍ പോയിരിക്കുക ആണെങ്കില്‍ അത്‌ തിരിച്ച്‌ വരുന്നത്‌ വരെ അവിടെ കുത്തി ഇരിക്കുക.

സമയം പോകാന്‍ ചെവിതോണ്ടി മൂക്കിലിട്ട്‌ വലിക്കുക.
എന്നിട്ടും സമയം പോകുന്നില്ല എങ്കില്‍ പല്ലുകുത്തി എടുത്ത്‌ ചെവീല്‍ കുത്തുക.
അതിന്റെ ഒരു കഷണം ഒടിഞ്ഞ്‌ ചെവീല്‍ ഇരുന്ന് കഴിയുമ്പോള്‍ സമാധാനം ആകും.

പോത്ത്‌ വന്നു കഴിയുമ്പോള്‍ അതിനെ മര്യാദക്കു കാര്യം പറഞ്ഞു മനസ്സിലാക്കുക.
ഏറ്റില്ലെങ്കില്‍ ഭീഷണിപ്പെടുത്തുക.[ഉമ്മര്‍ സ്റ്റൈയിലില്‍]
അപ്പോള്‍ അതു മുക്രയിട്ട്‌ ദേഷ്യം പ്രകടിപ്പിക്കും.
പിന്നെ ഒന്നും നോക്കരുത്‌.
വടിവാളുമെടുത്ത്‌ കൊണ്ട്‌ അതിന്റെ നേരേ പാഞ്ഞ്‌ ചെല്ലുക.
പോത്തിനു ബോധം ഉള്ളത്‌ കൊണ്ട്‌....
അതിനു കാര്യം മനസ്സിലാകുകയും .....അത്‌ തിരിഞ്ഞ്‌ ഓടുകയും ചെയ്യും.

കൂടെ ഓടുക.
ഓടുന്ന കൂട്ടത്തില്‍ പോത്തിനെ അറിയാവുന്ന തെറികള്‍ ഒക്കെ വിളിക്കുക.
പോത്ത്‌ തിരിച്ച്‌ വല്ല തെറിയും പറഞ്ഞാല്‍ നിങ്ങളുടെ വിധി എന്ന് വിചാരിക്കുക.

ഓടിയോടി പോത്തിന്റെ അടുത്ത്‌ എത്തിയാല്‍ ...അതിന്റെ വാലില്‍ പിടുത്തമിടുക.
പോത്ത്‌... 'വിടടാ പന്നീ'....എന്നു പറയും.
പക്ഷേ നിങ്ങള്‍ വിടരുത്‌.

പോത്ത്‌ നിങ്ങളെ ആക്രമിക്കാന്‍ തുനിയുക ആണെങ്കില്‍....
തയ്യാറാക്കി വച്ചിരിക്കുന്ന മുളകുപൊടി അതിന്റെ കണ്ണിലേക്ക്‌ തൂവുക.

വേദന സഹിക്കാന്‍ പറ്റാതെ പോത്ത്‌ നിങ്ങളുടെ വീട്ടുകാര്‍ക്കു വിളിച്ചാലും,
നിങ്ങള്‍ സംയമനം പാലിക്കണം.
കാരണം ഇവിടെ നമ്മള്‍ ഒരു വിദ്യ പഠിക്കുക ആണു.

കലികയറിയ പോത്ത്‌ നിങ്ങളെ തട്ടിയിട്ട്‌ പിന്നേയും ഓടും.
വീണ്ടും കൂടെ ഓടുക.
ഇപ്രാവശ്യം തയ്യാറാക്കി വച്ചിരിക്കുന്ന ചൂട്‌ വെളിച്ചെണ്ണ പോത്തിന്റെ
വാലിന്റെ തൊട്ട്‌ അടിയിലായുള്ള വൃഷ്ടി പ്രദേശത്തേക്ക്‌ ഒഴിക്കുക.

അതോടു കൂടി പോത്ത്‌ ഒരു ഭീകരന്‍ ആയി മാറും.
ഒരു അലര്‍ച്ചയോടു കൂടി പോത്ത്‌ നിങ്ങളുടെ നേരേ തിരിയും.

അപ്പോ നിങ്ങള്‍ തോക്ക്‌ ഏടുക്കും.....
പോത്തിനു നേരേ ഉന്നം പിടിക്കും....
കറക്റ്റ്‌ തലക്ക്‌ ഉണ്ട കൊള്ളാന്‍ പാകത്തില്‍ തോക്ക്‌ എയിം ചെയ്തു നില്‍ക്കും....
പോത്ത്‌ ചീറി അടുത്ത്‌ എത്താറാകുമ്പോള്‍ നിങ്ങള്‍ക്കു ഒരു കാര്യം മനസ്സിലാകും........
വേണ്ട സാധനങ്ങളുടെ ലിസ്റ്റില്‍ ഉണ്ടയില്ലായിരുന്നു....
വെറും തോക്ക്‌ മാത്രം.

പോത്തേ....വെയിറ്റ്‌ ...വെയിറ്റ്‌.....
അല്ലെങ്കില്‍ 'ഞാന്‍ സറണ്ടര്‍'.....എന്നൊന്നും പറഞ്ഞിട്ട്‌ ഒരു കാര്യവുമില്ലാ.

പിന്നെ എന്ത്‌ ചെയ്യണം....ഓടണം......
കൈയില്‍ ഇരിക്കണ ഉണ്ടയില്ലാ തോക്ക്‌ വലിച്ചെറിഞ്ഞ്‌ കളഞ്ഞിട്ട്‌ ജീവനും കൊണ്ട്‌ ഓടണം.

ഓടി ....ഓടി...പണ്ട്‌ ആരോ പറഞ്ഞ മാതിരി.....
വലതു വശത്തേക്കുള്ള ഇന്‍ഡിക്കേറ്റര്‍ ഇട്ടുകൊണ്ട്‌....
ഇടതുവശത്തേക്ക്‌ ഓടണം.
അപ്പോള്‍ പോത്ത്‌ വലതു വശത്തേക്ക്‌ പൊയ്ക്കോളും.

അതിനു ശേഷം നമ്മള്‍ നേരത്തേ തയ്യാറാക്കി വച്ചിരിക്കുന്ന.....
വെള്ളമുള്ള കിണറിന്റെ അടുത്ത്‌ ചെന്ന്...
അതില്‍ നിന്ന് വെള്ളം കോരി....
വലിയ ചെമ്പില്‍ നിറച്ച്‌....
ഗ്യാസടുപ്പില്‍ വച്ച്‌ ചൂടാക്കി കുളിക്കുക.......

അങ്ങനെ ആ വെഷമം മാറി കിട്ടും.....
[പോത്തിനെ കിട്ടാതെ വരുമ്പം നമുക്ക്‌ ഉണ്ടാകാന്‍ ചാന്‍സ്‌ ഉള്ള വെഷമം മാറൂന്നാ ഞാന്‍ ഉദ്ദേശിച്ചത്‌]


പിന്നേ.....ഹോണോലുലൂലെ പാചകം പഠിക്കാന്‍ വന്നേക്കണു....
ചമ്മന്തി പോലും ഉണ്ടാക്കാന്‍ അറിയാത്ത ഞാന്‍ ആണു പാചകം പഠിപ്പിക്കണത്‌.

ഞാന്‍ ഹോട്ടലീന്നു തീറ്റ തൊടങ്ങീട്ടു കൊല്ലം എട്ടായി മനുഷ്യാ......

48 comments:

sandoz said...

പാചകബ്ലോഗ്‌ ആയ അലൂമിനിയം കലത്തിനു എന്തോ ഒരു കുഴപ്പം.എങ്കില്‍ പിന്നെ ഇത്‌ ഇവിടെ കിടക്കട്ടെ എന്നു വച്ചു.
ഹോണോലുലു പാചകം...

പുതിയ പോസ്റ്റ്‌..........

അഡ്വ.സക്കീന said...

സാന്‍ഡോസേ, കഥ വായിച്ചു വായിച്ചു വന്നപ്പോഴേയ്ക്കും ആകാംക്ഷ കൊണ്ട് ക്ഷമ നശിച്ചു. പിന്നെന്താ ചെയ്ക.
ഒരു പല്ലുകുത്തിയുമായി ചെവി തോണ്ടാനിരുന്നു. എന്തായാലും ഒരുപാട് ചിരിച്ചു. തന്റെയൊരു ഹോണോലുലു..

ikkaas|ഇക്കാസ് said...

ഹഹഹ. ചിരിച്ചു വശം കെട്ടു സാന്‍ഡോ.
നല്ല പോസ്റ്റ്.

പച്ചാളം : pachalam said...

എന്‍റ പൊന്ന് കൂട്ടുകാരാ...
നമിച്ചു!!!!

:)

സത്യം പറ, പോത്തിന്‍റെ കയ്യീന്ന് വല്ലതും കിട്ടിയിട്ടുണോ?

അഗ്രജന്‍ said...

ഇതിത്രേം കടന്ന പീസായിരുന്നു എന്നാദ്യം അറിഞ്ഞിരുന്നെങ്കില്‍ എരിവുള്ള മിച്ചറും ചൂടുള്ള സുലൈമാനിയും കുടിക്കുന്ന സമയത്തു തന്നെ ഇത് വായിക്കില്ലായിരുന്നു...

ചിരിച്ചു ചിരിച്ച് എല്ലാം കൂടെ ‘തരിപ്പില്‍‘ കയറി (തരിപ്പില്‍ കയറി എന്നതിനെ ഒരോരുത്തരുടെ പ്രാദേശിക ഭാഷയ്ക്കനുസൃതമായി വിളിക്കാവുന്നതാണ്) മൂക്കിനുള്ളിലൊക്കെ വല്ലാത്ത എരിവ്.

സമ്മതിച്ചു മാഷെ തന്നെ :)

ആദ്യ ഐറ്റം ഞാന്‍ സാന്‍ഡോസ് - ഒരെണ്ണം എന്നാക്കി തിരുത്തുന്നു :)

ദില്‍ബാസുരന്‍ said...

സാന്റോ,
ഞാന്‍ നമിച്ചു. ശൂന്യതയില്‍ നിന്ന് നര്‍മ്മം വിരിയിക്കുന്ന ആ കഴിവിനെ.

ചിരിച്ച് ശ്വസം മുട്ടി. :-)

ദിവ (diva) said...

ha ha

:))

ആഷ | Asha said...

അവസാനം ലു എന്നു കണ്ടപ്പോ ഞാ‍ന്‍ എതോ തെലുങ്ക് പാചകരീതിയാന്നു കരുതി ഓടി വന്നതാ അപ്പോഴല്ലേ... ബെസ്റ്റ് സാന്റ്റ്റോ ബെസ്റ്റ് :)))

indiaheritage said...

സാന്റോസേ
"):)

മയൂര said...

കിടിലോല്‍കിടിലന്‍

RR said...

സാന്റോസേ, ഇങ്ങളു മനുഷ്യനെ ചിരിപ്പിച്ചു കൊന്നാലേ അടങ്ങു അല്ലേ??

qw_er_ty

kumar © said...

വെറുതെ നിരാശപ്പെടുത്തിയില്ലേ?

പാര്‍വതി said...

പോത്തിനോട് വേദം, അല്ല പോത്ത്, ഹോണോലുലു മ്ം മനസ്സിലായി..

കൊള്ളാം..

-പാര്‍വതി

venu said...

ഞാന്‍ പറയാന്‍ വന്നതു് പാര്‍വ്വതി പറയാതെ പോയി.:)

(സുന്ദരന്‍) said...

പോത്തിനെ പിടുത്തം കിട്ടാതിരുന്നത്‌ മറ്റുള്ളവരുടെ ഭാഗ്യം അല്ലെങ്കില്‍ പുതിയ റസിപ്പി...പിന്നെ മോഷണം ...കോപ്പീറൈറ്റ്‌....

qw_er_ty

അംന : amna said...

സന്റോസേ: ചെമ്പു കലത്തിനു പകരം അലൂമിനിയം കലം മതിയോ.. അലൂമിനിയം ആവുമ്പോള്‍ പോത്തു നേരെ പാഞ്ഞു കയറി എന്നിരിക്കും.

ദേവന്‍ said...

ഈ കൊച്ചന്‍ പാചക രക്തസാക്ഷി ആകുമെന്നാ തോന്നുന്നത്!

ഒരെളുപ്പ റെസീഫ് പറഞ്ഞു തരാം (സാന്‍ഡോസ് കൊച്ചീലല്ലേ?)

നഗരത്തിന്റെ റോഡ് മാപ്പ് ഒരെണ്ണം (മാപ്പില്ലെങ്കില്‍ ബൂലോഗത്ത് ഒന്നു തപ്പിക്കോ കിലോക്കണക്കിനു കിട്ടും)
സര്‍ക്കാര്‍ ഇറക്കിയ കറന്‍സി- മൊത്തം മുപ്പത് വരുന്നയത്ര.

ഉണ്ടാക്കുന്ന രീതി:
മാപ്പ് നോക്കി സിലോണ്‍ ബേക്ക് ഹൌസ് കണ്ടു പീടിക്കുക. എന്നിട്ട് അവിടെ കയറി ഇരുന്നു “കാദറുകാക്കാ ഒരു പോത്തിറച്ചി ഫൈ” എന്ന് ഉറക്കെ വിളിക്കുക. സ്വാദിഷ്ടമായ പോത്തിറച്ചി ഫ്രൈ റെഡി (രണ്ടാമത്തെ ചേരുവ ഇറങി പോരുമ്പോള്‍ കൌണ്ടറില്‍ ഇട്ടിട്ടു പോരുക)

ഇത്തിരിവെട്ടം|Ithiri said...

സാന്‍ഡോ ആ പോത്തിന്റെ പേര് സന്‍ഡോസ് എന്നുതന്നെ വേണ്ടിവരും...

ഞാന്‍ വേള്‍ഡ് ടൂറിലാ... എന്നെ തെരയണ്ട.

Sul | സുല്‍ said...

പോത്തിനെ പിടുത്തം കൊള്ളാം. ഇതു മുമ്പ് പരീക്ഷിച്ചിട്ടുണ്ടോ?

നീയൊരു (ഗ)മണ്ടനല്ലേയെന്ന് മനസ്സില്‍ ചിന്തയുള്ളതുകൊണ്ട് ചിരിക്കാനൊത്തില്ല. എന്തു ചെയ്യാം.

-സുല്‍

ഇടിവാള്‍ said...

കൊല്ലെടോ.. കൊല്ലെന്നെ....

ഹയ്യയ്യോ.. സമ്മതിച്ചു മാഷേ..എന്താ മൊതല്‍ ?

KM said...

ഹ ഹ ഹ...പോത്തിനു പകരം ശീമപ്പന്നിക്കും ഇതേ റിസീ‍പ്പി മതിയോ സാന്ഡോസേ ?
കുട്ടന്മേനൊന്‍

കുട്ടിച്ചാത്തന്‍ said...

ചാത്തനേറ്: വലതു വശത്തേക്കുള്ള ഇന്‍ഡിക്കേറ്റര്‍ ചേരുവയില്‍ പറയാത്തതു കാരണം എടുത്തില്ലാ.

പോത്ത് എന്റെ പുറകേ വരുന്നുണ്ട്...

ചാത്തനെ യാരാവതു കാപ്പാത്തുങ്കോ....

ബിരിയാണിക്കുട്ടി said...

ഹ ഹ ഹ സാ‍ാ‍ാ‍ാ‍ാന്‍ഡോ.....

ഞാന്‍ ഒന്നും കൂടി ഫാനായി. :)

പടിപ്പുര said...

സാന്റൂ,
ഉണ്ടാക്കാനൊക്കില്ലെങ്കിലും വായിച്ച്‌ വായില്‍ വെള്ളം നിറക്കാമെന്ന് കരുതിയാണ്‌ തുടങ്ങിയത്‌.

(വായിച്ചു കഴിഞ്ഞപ്പോള്‍ ചിരിച്ച്‌ വയറ്‌ നിറഞ്ഞു)

സ്വപ്നാടകന്‍ said...

ഒരു വെറും വെജിറ്റേറിയനായ ഞാന്‍ പോലും ഫയങ്കാരമായി രസിച്ചു വായിച്ചു! കലക്കി!!! :)

Peelikkutty!!!!! said...

സാന്റോസിന് ഇപ്രാവശ്യെങ്കിലും‌ എന്റെ വകഗപ്പു കൊടുത്തേ പറ്റൂ:)

മിടുക്കന്‍ said...

ഇവനെ തല്ലിക്കൊന്ന് പുളിശ്ശേരി വക്കാന്‍ ഇവിടെ ഒരുത്തനും ഇല്ലേ..?
:)

Siju | സിജു said...

ഇപ്പോ ബീഫ് കഴിക്കാമെന്നു കരുതിയതാ..
നശിപ്പിച്ചു...

G.manu said...

സിലോണ്‍ ബേക്ക് ഹൌസ് കണ്ടു പീടിക്കുക. എന്നിട്ട് അവിടെ കയറി ഇരുന്നു “കാദറുകാക്കാ ഒരു പോത്തിറച്ചി ഫൈ” എന്ന് ഉറക്കെ വിളിക്കുക

mashey namichu

kumar © said...

ദേവാ സിലോണ്‍ ബേക്ക് ഹൌസില്‍ പോത്തിറച്ചി കിട്ടില്ല :(

കുട്ടിച്ചാത്തന്‍ said...

ചാത്തനേറ്: കുമാറേട്ടന്‍ കേട്ടപാതി കേള്‍ക്കാത്ത പാതി പോയി ചോദിച്ചെന്നാ തോന്നണേ...

ഏ എന്താ പറഞ്ഞത്?
ഓഫിനു മാപ്പോ !!!
ഇവിടെയോ!!!
സാന്‍ഡോസിനോടോ...!!!

ചാത്തനെ ചിരിപ്പിക്കല്ലേ...

ശ്രീജിത്ത്‌ കെ said...

സാന്റോസേ, കലക്കീട്ട്ണ്ട്‌ട്ടാ‍

::സിയ↔Ziya said...

ഡാ സോറീഡാ...ഇതു വായിക്കാന്‍ ഒത്തിരി താമസിച്ചു പോയി. അന്യായ പണി ആരുന്നു ആപ്പീസില്‍. സമ്മിശ്രവികാരങ്ങള്‍‌ക്കടിപ്പെട്ടു വീര്‍പ്പുമുട്ടുകയാണ് ഞാന്‍. എനിക്കു പൊട്ടിച്ചിരിക്കണം. ഇവിടെയിരുന്നോണ്ട് അതിനു കഴിയുന്നില്ല. ചിരിക്കാന്‍ കഴിയാത്ത സങ്കടത്തില്‍ ഒന്നു പൊട്ടിക്കരയണം. അതും കഴിയുന്നില്ല. ന്നാ‍ ആ ഉണ്ടയില്ലാത്തോക്കു കൊണ്ട് ന്റെ നെച്ചത്ത് വെക്കെടാ വെടി...പോത്തേ

രാജേഷ്‌ തേക്കത്ത്‌ said...

സാന്റോചേട്ടാ...പാചകക്കുറിപ്പില്‍ പറഞ്ഞ കോടാലി ഉപയോഗിച്ചുകണ്ടില്ല്യ ? അതാണോ ഞങ്ങളുടെ നേരെ പ്രയോഗിച്ചത്‌ ?

ബെസ്റ്റ്‌ മാഷേ ബെസ്റ്റ്‌. ഇനിയും വരട്ടെ...

തക്കുടു said...

സാന്‍ഡോസ്,

കലക്കി !!!, ചിരിച്ചു ചിരിച്ചു ഒരു വഴിയായി...

ഇനിയും പോരട്ടെ ഇത്തരം വെടിച്ചില്ലു സാധനങ്ങള്‍

കൃഷ്‌ | krish said...

എത്താന്‍ വൈകിപ്പോയി സാന്‍ഡോസെ: കലക്കി.

ഇതിനിടക്ക്‌ നീ പോത്തിനെപിടിക്കാനും പോയോ.. പാലക്കാട്‌ എവിടെയാ ഹോണോലുലു.. ഉറക്കത്തില്‍ സ്വപ്നം കണ്ട്‌ ഓരോന്ന്‌ വിളിച്ചുപറയും. വല്ല ചരടും ജപിച്ചു കെട്ടഡേയ്‌, പോത്തിന്റെ പേടി മാറാന്‍.

(സൂക്ഷിച്ചോ.. സാക്ഷാല്‍ കാലന്റെ വാഹനമാ പോത്ത്‌.. കാലന്‍ ലീവെടുക്കുമ്പോള്‍ പോത്ത്‌ ചിലപ്പോള്‍ ഡ്യൂട്ടിയിലാവും.. ജാഗ്രതൈ..)

sandoz said...

സക്കീന വക്കീലേ....നന്ദി...എന്റെ ബ്ലോഗിലേയും...ഈ പോസ്റ്റിലേയും ആദ്യ കമന്റിനു.

ഇക്കാസേ......ഡാങ്ക്സ്‌

പച്ചൂസ്‌...പോത്തിന്റെ കൈയീന്നു കിട്ടിയിട്ടില്ലാ...പച്ചാളത്തിന്റെ കൈയീന്നു കിട്ടിയിട്ടുണ്ട്‌.

അഗ്രൂ....ദുഷ്ടാ.....

ദില്‍ബൂസ്‌...ഡാങ്ക്സ്‌

ദിവാ...ഡാങ്ക്സ്‌

ആഷ.....ഇതു തെലുങ്ക്‌ രീതിയിലും അവതരിപ്പിക്കാം...പോത്തിനു തെലുങ്ക്‌ അറിയണം എന്നു മാത്രം.

പണിക്കര്‍സാറെ....എന്തോ.....[വിളി കേട്ടതാ]

മയൂര..ഡാങ്ക്സ്‌

കുമാറേട്ടാ....ഹ..ഹ.ഹാ

പാര്‍വതി.......ഉം..വല്ലതും മനസ്സിലാക്കി..എന്നെ തല്ലു കൊള്ളിക്കാനുള്ള പരിപാടി ആണല്ലേ.....

വേണുവേട്ടാ....അതു ശരി.....യൂ ടൂ ..വേണൂവേട്ടന്‍....

സുന്ദരാ......അതേ..... കിട്ടാതിരുന്നത്‌ ഭാഗ്യം

sandoz said...

അമ്ന....എന്റെ പചക ബ്ലോഗിന്റെ പേരു അലൂമിനിയം കലം എന്നാ....

ദേവേട്ടാ.....ബൂലോഗത്തെ ആദ്യ പാചക രക്തസാക്ഷി ഞാന്‍ ആയിരിക്കും.കുമാറേട്ടന്‍ പറഞ്ഞത്‌ കേട്ടാ......

ഇത്തിരീ....ഊവാ..ടൂറു കഴിഞ്ഞ്‌ ഇങ്ങ്‌ വാ....

സുല്‍......ഗമണ്ടന്‍ അല്ല..എമണ്ടന്‍..

മേനനേ.....ശീമ പന്നീ....എന്ന് എന്നെ ഉദ്ദേശിച്ചാണോ.....

ചാത്താ...ഇന്‍ഡിക്കേറ്റര്‍ ഒരിക്കലും ചേരുവയില്‍ ചേര്‍ക്കില്ല....കയില്‍..സ്പൂണ്‍..ചട്ടുകം ..ഇവയൊക്കെ ചേരുവയില്‍ പെടില്ലല്ലോ....

പടിപ്പുരേ.....ഡാങ്ക്സ്‌

ബിക്കു....ഊവാ...നുമ്മ പിന്നേം സമ്മയിച്ച്‌....നിങ്ങ നുമ്മടെ ഫാന്‍ തന്നെ.....

sandoz said...

ആറാറേ.....ചുമ്മാ ഒരു വളിപ്പ്‌...ഡാങ്ക്സ്‌
വാള്‍സേ....ഹ..ഹ..ഹ...ഡാങ്ക്സ്‌

സ്വപ്നാടകാ.....സ്വാഗതം...ഡാങ്ക്സ്‌

പീലിക്കുട്ടീ.....കപ്പ്‌...കപ്പ്‌...എന്നു പറഞ്ഞപ്പോ.....ഇങ്ങനെ ഒരു ചതി ഞാന്‍ വിചാരിച്ചില്ലാ..പെട്ടെന്ന് ചിരിച്ച്‌ പോയി...ഡാങ്ക്സ്‌.

മുടുക്കാ.....ഊവാ....ആ നൈനിറ്റാളിലേക്ക്‌ വിട്ടോ.....ആ റീത്തേനേം വിളിച്ചോ......

സിജൂ.....ഹ..ഹ....ഡാങ്ക്സ്‌

മനൂ....നമിച്ചത്‌...ദേവേട്ടനെയാണല്ലേ....ഡാങ്ക്സ്‌

ചാത്താ......വര്‍മ്മേനെ അനോണി കാട്ടി പേടിപ്പിക്കല്ലേ....സാന്‍ഡോസിന്റെ അടുത്ത്‌ ഓഫാ......നീ അടിയട ചാത്താ ഓഫ്‌......ഇത്‌ നുമ്മ ബ്ലോഗ്ഗ്‌...നീ ധൈര്യമായി കാച്ചിക്കോ....

സിയാ....നിനക്ക്‌ എന്ത്‌ പറ്റി മകനേ..ഇത്ര വിഷമിക്കാന്‍.....

രാജേഷേ....അതു കറക്ട്‌...എന്താ ആരും അത്‌ ചോദിക്കാത്തത്‌ എന്ന് കരുതി ഇരിക്കുകയായിരുന്നു ഞാന്‍...സ്വാഗതം....ഡാങ്ക്സ്‌

തക്കുടു....സ്വാഗതം.....ഡാങ്ക്സ്‌

കൃഷ്‌....നമ്മടെ നെന്മാറ പഞ്ചായത്തിലെ മൂന്നാം വാര്‍ഡല്ലേ ..ഈ പറയണ ഹോണോലുലു.....

ജിത്തേ.....ഡാങ്ക്സ്‌

കുറുമാന്‍ said...

സാന്റോസിന്റെ ചെവിട്ടില്‍ വേദം ഓതിയിട്ടെന്തു കാര്യം, അവന്‍ ചിരിപ്പിച്ചേ അടങ്ങൂ :)

അരവിന്ദ് :: aravind said...

എന്തൂട്ട് അലക്കാണ്ട്രാ സാന്റോസേ!!!
യാതൊരു കഥയുമില്ലെങ്കിലും നല്ലോം ചിരിപ്പിച്ചു. :-)
നോം സം‌പ്രീതനായി. :-)

ഓ.ടോ : ദില്‍‌ബന്‍ - ശൂന്യതയില്‍ നിന്ന് തമാശ വിരിയിക്കുന്ന സാന്റൊസിന്റെ കഴിവ്!
സാന്റോസിന്റെ തലക്കകത്ത് ശൂന്യത ആണ് എന്നല്ലേ അതിന്റെയര്‍ത്ഥം?

ദില്‍‌ബനെ പൂശെടാ സാന്റോ...ഞാന്‍ മാറി നിന്ന് കാണാം.
;-)

തമനു said...

ഇങ്ങനെ പൊട്ടത്തരങ്ങള്‍ എഴുതി മനുഷ്യരെ ചിരിപ്പിക്കുന്നതിന്, പാണ്ടി ലോറീയില്‍ കൂട്ടമായി കൊണ്ടുപോകുന്ന ഏതെങ്കിലും ഒരു പോത്ത്‌ മഞ്ഞൂമ്മലെത്തുമ്പോ അവിടെറങ്ങി തന്നെ ഓടിച്ച്‌ പൃഷ്ടഭാഗത്ത്‌ കുത്തട്ടെ എന്ന്‌ ശപിക്കുന്നു.

ദുഷ്ടാ, പോത്തേ ....... കലക്കി

ചന്ദ്രു said...

ഈശ്ശ്വരാ ഇതെന്തൊരു പരീക്ഷണം.......

...ചിരിച്ച് ചിരിച്ച് കുടിക്കാന്‍ പൈപ്പിലും വെള്ളോല്ലാ കുളിക്കാന്‍ കെണറ്റിലും വെള്ളോല്ലാണ്ടായി എന്റെ സാന്റോസെ ...........

sandoz said...

കുറുമാനേ...ദുഷ്ടാ......ഞാന്‍ മുണ്ടിനു പകരം കോട്ട്‌ ശുപാര്‍ശ ചെയ്തിട്ടുണ്ട്‌...സ്വീകരണത്തിനു.....ശുപാര്‍ശ പിന്‍ വലിക്കൂട്ടാ..

അരൂ...ഹ.ഹ.ഹാ....ഞങ്ങള്‍ പൂശണുണ്ട്‌......

തമനൂ.......മഞ്ഞുമ്മലില്‍ എന്നെ കുത്താന്‍ വേറെ പോത്താ...

ചന്ദ്രൂ....ചിരിച്ചല്ലോ...അതുമതി...ഡാങ്ക്സ്‌....

Pradeep said...

സാന്‍ഡോസേ,
കുറച്ചു ദിവസമായി സൈബര്‍ ബന്ധം ‘അഴിഞ്ഞു‘ കിടന്നതിനാല്‍ മഞ്ഞുമ്മല്‍ കിടിലങ്ങള്‍ വായിക്കാന്‍ കഴിഞ്ഞില്ല. ഹോണോലുലു കലക്കി..
വിശാലമനസ്ക്കന്ടെ ബൂലോക കുറിപ്പുകള്‍ പുസ്തകമാക്കിയതായി വായിച്ചു.
നമുക്ക് ഒരു ‘മഞ്ഞുമ്മല്‍ കഥകള്‍’ പുസ്തകത്തെപ്പറ്റി ആലോചിച്ചാലെന്താ?
‘ഗുരുതരമായി’ആലോചിക്കണം..

sandoz said...

പ്രദീപ്‌...സൈബര്‍ ബന്ധങ്ങള്‍ ഇപ്പോള്‍ ശരിയായി കാണുമെന്ന് വിശ്വസിക്കുന്നു.പാചകം പഠിക്കാന്‍ വന്നതിനു നന്ദി......

കുതിരവട്ടന്‍ | kuthiravattan said...

:-)

കുഞ്ഞച്ചന്‍ said...

haha ith kalakki maashe...