'വണക്കം രാജാവേ...'
'ഉവ്വ......വണക്കം....വണക്കം.....
രാവിലേ......ആളെ അയച്ച് കുത്തിപ്പൊക്കിയാലും നേരത്തിനും കാലത്തിനും ഇങ്ങട് കെട്ടിയെടുത്തൂടാല്ലേ......'
'തിരുമനസ്സ് ക്ഷമിക്കണം....
ഞാന് ആവുന്ന വേഗത്തില് പറന്നാണു ഇങ്ങട് പോന്നത്.......'
'പറക്കാന്......മന്ത്രിയാരാ ഡിങ്കനാ....
തന്റെ കുതിര എവിടേ .......
പോരാത്തതിനു ഒരു രഥോം കൊട്ടാരം ചെലവില് ഒപ്പിച്ചിട്ടുണ്ടല്ലാ......
അതെന്തിയേ.....വിറ്റാ...
അതോ പണയം വച്ച് ചീട്ട് കളിച്ചാ....'
'പറന്നു എന്നു പറഞ്ഞത് കുറച്ച് ആലങ്കാരികമായിട്ടാണു പ്രഭോ......
ഞാന് വന്നത് കൊട്ടാരം വക സൂപ്പര് ഫാസ്റ്റില് ആണു.....
എന്റെ രഥത്തിനു കുറച്ച് റിപ്പയറു......
പിന്നെ കുതിര...അതിലാണു ഇന്ന് എളേ ചെക്കന് കോളേജില് പോയത്.....'
'കൊട്ടാരം വക സൂപ്പര് ഫാസ്റ്റില് കേറിയ നേരം കൊണ്ട് തനിക്ക് നടന്നു വന്നാല് മതിയായിരുന്നല്ലോ...
ഇതിലും നേരത്തേ എത്തിയേനേ.....'
'അല്ലാ...തിരുമനസ്സ് രാവിലേ കലിപ്പിലാണല്ലാ....
എന്താ പറ്റീത്...ഇന്നലത്തെ കെട്ട് എറങ്ങീല്ലെ ......
ഇന്നലെ കേറ്റിയ സാധനം ഡ്യൂപ്ലിക്കേറ്റ് ആയിരിന്നാ......'
'എടോ....നമ്മടെ പട്ടമഹിഷി മിസ്സിംഗ് ആണു....'
'പട്ട.....'
'പട്ടയല്ലടോ....പട്ടമഹിഷി....രാജ്ഞി......'
'അത് ശരി.....
രാജ്ഞിക്ക് മിസ്സിംഗ് വന്നേനാണാ എന്റടുത്ത് കലിപ്പിക്കണത്.......
അതിനു ഞാന് എന്തൂട്ട് ചെയ്യാനാ.....
എങ്ങനെ മിസ്സിംഗ് വരാണ്ടിരിക്കും....ഒരു റസ്റ്റ് കൊടുക്കണ്ടേ.......'
'മന്ത്രീ....രാവിലേ ....മറ്റേ വര്ത്താനം പറഞ്ഞാ ..കാലേ തൂക്കി ഞാന് നെലത്തടിക്കും....
എടോ പൊട്ടന് കൊണാപ്പാ....രാജ്ഞി മിസ്സിംഗ്....എന്നു വച്ചാ.....
ആ പെമ്പ്രന്നോരേ കാണാനില്ലാ എന്ന്.....'
'ഓ ഗോഡ്.....ഞെട്ടിപ്പിക്കുന്ന വാര്ത്ത ആണല്ലോ.......'
'ആര്ക്ക് ഞെട്ടല്...തനിക്കാ......എനിക്ക് വല്യ ഞെട്ടലൊന്നുമില്ല...'
'മഹിഷിയെ ആരെങ്കിലും തട്ടിക്കൊണ്ട് പോയതായിരിക്കുമോ.......'
'തട്ടിക്കൊണ്ട് പോകാനാ....അവളേ...
അത്രക്ക് തലക്ക് സ്ഥിരമില്ലാത്ത ആരെടോ ഈ നാട്ടില്......'
'അത് ശരിയാ...തട്ടിക്കൊണ്ട് പോണവന് കിഡ്നി വിറ്റ് ചെലവിനു കൊടുക്കേണ്ടി വരും.......
അങ്ങനെയുള്ള മഹിഷീടെ കൈയ്യിലിരിപ്പ് അറിയാത്ത വല്ല പൊറം രാജ്യക്കാരും ആയിരിക്കും ചെലപ്പോ.......
പാവങ്ങള്...'
'അതേടോ......പൊറം രാജ്യക്കാരു തന്നേണു ഇതിന്റെ പൊറകില്.....
പക്ഷേ....തട്ടീതും വെട്ടീതും ഒന്നുമല്ലാ....അവളു തന്നത്താന് മുങ്ങീതാ.......'
'അതെങ്ങനെ തിരുമനസ്സിനു മനസ്സിലായി...മഹിഷി മുങ്ങീതാണെന്ന്.......'
'എടോ അവളൊരു കത്തെഴുതി വച്ചിട്ടുണ്ട്.....'
'അതിലെന്താ എഴുതിയേക്കണേ.....'
'അതു ശരി...എനിക്ക് വായിക്കാന് അറിയാങ്കി തന്നെ ഇങ്ങോട്ട് പണ്ടാറടങ്ങോ........'
'കത്ത് മലയാളത്തില് ആണെങ്കി ....'
'ആണെങ്കി......'
'എനിക്കും വായിക്കാന് പറ്റൂന്ന് തോന്നണില്ലാ......'
'ഉവ്വ.....ചൈനീസു ഭാഷേലാണെങ്കി താനിപ്പ മറിച്ചേനേ......
പഠിക്കാന് വിട്ട സമയത്ത് സ്കൂളില് പോണോടോ.....
അല്ലാതെ മാങ്ങാണ്ടി പറക്കാന് പോയാല് ഇങ്ങനെ ഇരിക്കും......'
'മുങ്ങീതാണെന്ന് ഒറപ്പിക്കാന്....കത്ത് വായിക്കണ്ട കാര്യമൊന്നുമില്ലാ.....
മുങ്ങല്.....മഹിഷിക്ക് ഒരു വീക്ക്നസ് ആണല്ലാ....
പണ്ട് കോട്ടയത്ത് നിന്ന് മുങ്ങീട്ടല്ലേ..കൊച്ചീല് പൊങ്ങീത്....'
'അത് താന് പറഞ്ഞത് കാര്യോണു........
പക്ഷേ ആരടെ ഒപ്പമാണു മുങ്ങീതു എന്നറിയാന് ഒരു ആകാംഷ......
കുതിരാലയത്തീന്നു ഒരു കുതിരേനേം കാണാനില്ലാ എന്ന് വിവരം കിട്ടീട്ടൊണ്ട്.....'
'എന്ത്.......കുതിരയുടെ ഒപ്പം ആണെന്നോ മഹിഷി നാടുവിട്ടത്.......'
'ഛേ.....അതല്ലടോ...അവളു കുതിരപ്പുറത്ത് കേറിയാ നാട് വിട്ടതെന്ന്.....'
'മഹിഷിക്ക് കുതിരേം ഓടിക്കാന് അറിയോ.......'
'അവളു കുതിരേനെ അല്ലാ...പന്നീനെ വരെ ഓടിക്കും......'
'അതറിയാം....'
'എന്തറിയാന്നു....'
'അല്ലാ..പന്നീനെ വരെ ഡ്രൈവ് ചെയ്യൂന്ന കാര്യം അറിയാന്ന്.......'
'ടോ.....ടോ....വേണ്ടാ.....വേണ്ടാ.....അധികം എളക്കണ്ടാ......
വേറെ നല്ല ആമ്പിള്ളേരു മന്ത്രി സ്ഥാനത്തിനൊള്ള ഇന്റര്വ്യൂം കഴിഞ്ഞ് ഇരിപ്പൊണ്ട്......'
'തിരുമനസ്സ് ക്ഷമിക്കണം....മേലില് ഇളക്കുന്നതല്ലാ......അടിയനോട് പൊറുക്കണം.....'
'പൊറുത്തു..പൊറുത്തു....കെടന്ന് മോങ്ങണ്ടാ.....
മോങ്ങല് നിര്ത്തി താനൊരു വഴി പറയടോ....
ഈ കത്തിലെ കാര്യം ഒന്നറിയണ്ടേ.....'
'നമുക്ക്....കൊട്ടാരം ആസ്ഥാന പണ്ഡിതനെ ഒന്നു വിളിപ്പിച്ചാലോ....'
'അയാളു വന്നാ.......
ഏതാണ്ട് മത്സരത്തില് പങ്കെടുക്കാന് കോതമംഗലത്ത് പോയെന്ന് പറഞ്ഞ് കേട്ടല്ലാ.....'
'മത്സരം കഴിഞ്ഞ്....... കൊണ്ടുവന്നിട്ടൊണ്ട്.....'
'എന്ത് കൊണ്ട് വന്നിട്ടുണ്ടെന്ന്....
മത്സരത്തില് അയാള്ക്കു സമ്മാനം വല്ലതും കിട്ടിയാ.......'
'കിട്ടി..കിട്ടി.....
സമ്മാനം നടും പൊറത്തിനു തന്നെയാ കിട്ടീത്......
കോതമംഗലം രാജാവിന്റെ ഭടന്മാര് അവിടെയിട്ട് ചവുട്ടിക്കൂട്ടി......
എന്നിട്ട് ഇവിടെ ചൊമന്നോണ്ടു വന്നാക്കി.....'
'അയാളു പിന്നേം ശ്ലോകം ചൊല്ലിക്കാണും......
അങ്ങേരോട് ആയിരം വട്ടം പറഞ്ഞിട്ടൊണ്ട്...അറിയാത്ത പണിക്ക് പോകരുതെന്ന്......'
'ശ്ലോകോം...കവിതേം...നിമിഷകവിതേം.....
ഒക്കെ ചൊല്ലി ചൊല്ലി...അവസാനം....കൊച്ചീസദസ്സിലെ ആസ്ഥാന പണ്ഡിതന്.....
കോതമംഗലം രാജ്ഞീടെ അസ്ഥാന വര്ണ്ണന നടത്തിയാ....
പിന്നെ അവരു ഉമ്മ വയ്ക്കോ.....അതു രാജ്യം വേറെ.......'
'കഴിഞ്ഞ മാസം ഇവിടെയിരുന്നൊരു ശ്ലോകം ചൊല്ലണത് കേട്ടിട്ട് .....
മോത്തിട്ട് ഒരു കുത്ത് കൊടുത്താലോ എന്ന് എനിക്ക് വരെ തോന്നിയതാണു.....
ഏതായാലും രണ്ടെണ്ണം കിട്ടിയല്ലോ.....നന്നായി....'
'കത്ത് വായിക്കാന് അയാളോട് വരാന് പറയട്ടെ.......'
'ഉം....എന്തെങ്കിലും ആവട്ടെ...അയാക്കു നടക്കാന് പറ്റൂങ്കി...
ഒന്ന് ഇത്രടം വരെ വരാന് പറ..
അല്ലെങ്കി ചൊമന്നോണ്ട് വരാന് നാലു കുണ്ടമ്മാരേം കൂടി കൊണ്ടൊയ്ക്കോ......'
'ഉത്തരവ്.......നടന്നില്ലെങ്കി.....ചൊമക്കാം....'
------------------------
'വണക്കം..തിരുമനസ്സേ......'
'വണക്കം...ഇന്നലെ കോതമംഗലത്തു നിന്ന് ഭേഷായി കിട്ടിയല്ലേ......'
'ഒന്നും പറയണ്ട പ്രഭോ....
ആ കിങ്കരന്മാര് എന്റെ കശേരുക്കള് താടനം നടത്തി ചതച്ച് കളഞ്ഞു.....'
'അതായത് നടു ചവുട്ടി കലക്കീന്ന്.....'
'മലയാളത്തില് അങ്ങനേം പറയാം പ്രഭോ......'
'തന്നെ ഇവിടെ ചൊമന്നോണ്ട് വന്നത്.....ഒരു കത്ത് വായിക്കാനാ.....'
'ആരുടെ കത്താണു പ്രഭോ....'
'നമ്മടെ രാജ്ഞീടെ കത്താണു....'
'വല്ലവരുടേം പേഴ്സണല് കത്തുകളൊക്കെ വായിച്ച് എനിക്ക് ശീലമില്ലാ പ്രഭോ......അതു മോശമല്ലേ....'
'പിന്നേ..കണ്ണിക്കണ്ട നാട്ടില് പോയി...വല്ലവന്റേം പെണ്ണുമ്പിള്ളമാരെ വര്ണ്ണിച്ച്....
ഇടീം വാങ്ങിച്ച്...സഞ്ചീലിട്ട്......വീട്ടില് കൊണ്ടോയ പാര്ട്ടിയാണു.....
പേഴ്സണല് കത്ത് വായിക്കൂല്ലാന്ന്.......'
'അതല്ല..പ്രഭോ...'
'ഏതല്ലാന്നു.....ആരെവിടേ.......
ടാ..ആരൂല്ലേടാ അവിടെ....
ഈ പന്നീനെ പിടിച്ച് മതിലിനോട് ചേര്ത്ത് നിര്ത്തി ബാക്കിയൊള്ള കശേരു കൂടി ചതക്കാന് നാം ഉത്തരവിടുന്നു......'
'വേണ്ട പ്രഭോ....ആ ഉത്തരവ് ദയവായി പിന് വലിക്കണം...
അടിയന് കത്ത് വായിക്കാം....'
'ഉം....അങ്ങനെ വഴിക്ക് വാ......
അതു കൂടാതെ വേറൊരു കാര്യാം ......
താന് ഇനി ശ്ലോകം ചൊല്ലീന്നെങ്ങാന് ഞാന് അറിഞ്ഞാ.....
അതിനി ഒറക്കത്തിലായാലും ശരി.....
തന്റെ കൊരണാവള്ളി ചവുട്ടി പറിച്ചെടുത്ത് ഞാന് വില്ലിനു ഞാണു കെട്ടും...മനസ്സിലായാ...'
'മനസ്സിലായി പ്രഭോ.....
ഞാന് ഇനി മേലാല് ശ്ലോകം ചൊല്ലൂല്ലാ.....വായിക്കേണ്ട കത്തെവിടെ....'
'ദാ കത്ത്....
അവളു എന്ത് തിരുവെഴുത്താ ഒലത്തിയേക്കണതെന്ന്..... എഴുന്നെള്ളിച്ചാലും....'
---------------------------
'അപ്പ അവളു ട്രിവാണ്ട്രം രാജ്യത്തേക്കാണു കടന്നത്......'
'ട്രിവാണ്ട്രം രാജാവു കഴിഞ്ഞ ആഴ്ച സൗഹൃദ പന്നിമലത്തല്.....കുഴിപ്പന്ത്....കുട്ടീംകോലും....
എന്നൊക്കെ പറഞ്ഞ് ഇവിടെ കിടന്ന് കറങ്ങീപ്പഴേ ഞാന് കരുതീതാ......'
'എന്നാലും അവന് എന്നോടിത് ചെയ്തല്ലാ......അവനോട് ചോദിച്ചിട്ടു തന്നെ കാര്യം......'
'വേണം തിരുമനസ്സേ...അവനെ ഒരു പാഠം പഠിപ്പിക്കണം....'
'ഉം...സേനാനായകനെ വിളിക്കൂ.....
നമുക്ക് ഉടനേ ട്രിവാണ്ടത്തേക്ക് പൊറപ്പെടണം.....'
---------------------
'വണക്കം തിരുമനസ്സേ......'
'വണക്കം.....നമ്മുടെ സൈന്യം തയ്യാറല്ലേ......'
'എന്തിനാണു പ്രഭോ.....'
'തേങ്ങയിടാന്......ടോ....സാധാരണ സൈന്യം തയ്യാറാവണത് എന്തിനാടോ......'
'അങ്ങനെ ചോദിച്ചാ......രാവിലേം ഉച്ചക്കും വൈകീട്ടും ഊട്ടുപുരേല് മണിയടിക്കുമ്പോ ...
ഒരു തയ്യാറെടുപ്പൊണ്ട്...അതല്ലാതെ വേറെന്ത് തയ്യാറെടുപ്പാണു പ്രഭോ......'
'ബെസ്റ്റ്.......ഏടോ...സേനാ...നായ...കാ........
യുദ്ധത്തിനുള്ള തയ്യാറെടുപ്പിന്റെ കാര്യം ആണു ഞാന് പറഞ്ഞത്......'
'യുദ്ധോ....ഹെന്റമ്മച്ചീ.......'
'ടോ....ടോ..തനിക്കെന്താ പറ്റീത്......ആരെവിടേ.....ആരൂല്ലേടാ അവിടേ......
നമ്മുടെ സേനാനായകന് വാഴവെട്ടിയിട്ടത് പോലെ വീണത് കണ്ടില്ലേ......
വേഗം കൊട്ടാരം വൈദ്യനെ വിളിക്കൂ......'
'കൊട്ടാരം വൈദ്യന് ഔട്ട് ഓഫ് റേഞ്ച് ആണു പ്രഭോ......'
'എവിടെ പോയി അയാള്.....'
'എങ്ങും പോയതല്ലാ പ്രഭോ.....
സ്മോള് ആണെന്നു കരുതി വൈദ്യശാലയില് ഇരുന്നിരുന്ന മൂലക്കുരുവിന്റെ കഷായം...
ഒരു കുപ്പി മൊത്തം വിഴുങ്ങി ഓഫായി കിടക്കുകയാണു.....'
'ഓഹോ....എപ്പഴാണു ആ സംഭവം....'
'ഒരാഴ്ചയായി പ്രഭോ...ഇപ്പഴും ബോധം വന്നിട്ടില്ലാ......'
'നന്നായി...അയാള്ക്കു ബോധം ഒള്ളതും ഇല്ലാത്തതും കണക്കാ.....
ഈ നായകനെ ഒന്ന്.... എഴുന്നേല്പ്പിക്കണമല്ലോ....
ഒരു ബക്കറ്റ് വെള്ളം ഇയാളുടെ തല വഴി ഒഴിക്കൂ......ബോധോം വരും.....
അങ്ങനെ എങ്കിലും ഈ ശരീരം ഒന്ന് വെള്ളം കാണുകയും ചെയ്യും....'
'ശരി പ്രഭോ......'
----------------------------
'തന്റെ ഏനക്കേടൊക്കെ മാറിയോ......
അതോ കുറച്ച് നേരം കൂടി വിശ്രമിക്കണോ.....'
'വേണ്ട പ്രഭോ.....അടിയന് ഉഷാറാണു.......'
'ഉം...എങ്കില് പറയൂ....
നമ്മുടെ സൈന്യത്തിന്റെ ഇപ്പോഴത്തെ നിലവാരം എങ്ങനെയാണു....'
'5000 കാലാള്പ്പട....1000 കുതിരപ്പട....
100 രഥം....50 അമ്പെയ്ത്തുകാര്.....
25 ആനപ്പട....പിന്നെ ഞാനും.....'
'ഇവരെല്ലാം ഒരു യുദ്ധത്തിനു റെഡിയാണോ....'
'കാലാള്പ്പടയില് പകുതിപ്പേര് സിക്ക് ലീവിലാണു പ്രഭോ....
ബാക്കി പകുതി പ്രസവാവധിയിലും......'
'എന്ത് പ്രസവാവധിയിലോ....
നമ്മുടെ സൈന്യത്തിലും വനിതാ മെംബറുമ്മാരുണ്ടോ.....'
'അവധിയെടുത്തത് പുരുഷമെംബറുമ്മാര് തന്നെയാണു പ്രഭോ.....
അവരുടെ ഭാര്യമാരാണു പ്രസവിക്കുന്നത്.......'
'ഇതെന്താടോ....പ്രസവത്തിന്റെ സീസണോ....
ഇങ്ങനെ ഒരു ബള്ക്ക് ഗര്ഭത്തിന്റെ പുറകിലുള്ള രഹസ്യം എന്താണാവോ......'
'ദയവായി എന്നെ സംശയിക്കരുത് പ്രഭോ....
ഞാനാ വഴിക്കൊന്നും പോയിട്ടില്ലാ...'
'താന് പോയിട്ടും വല്യ കാര്യം ഇല്ലാ...
അതു പോട്ടെ.... ബാക്കി കുതിരപ്പടയും ആനപ്പടയും രഥവുമൊക്കെ തയ്യാര് അല്ലേ......'
അല്ല പ്രഭോ......
ഇപ്പോ ഉത്സവ സീസണ് അല്ലേ.....
രാജ്യത്തിന്റെ സാമ്പത്തിക നില പരുങ്ങലില് ആയത് കൊണ്ട് ആനകളെ
എഴുന്നെള്ളിപ്പിനു അയച്ച് വരുമാനം ഉണ്ടാക്കാന് അങ്ങ് തന്നെയല്ലേ ഓര്ഡര് ഇട്ടത്......
പിന്നെ കുതിരകള്....അവയെ മൈസൂര് റേസ് കോഴ്സുകാര്ക്കു
ദിവസ വാടകക്ക് വിട്ടുകൊടുത്തിരിക്കുകയാണു.....
വില്ലുകള് മുക്കുവര്ക്കു പണയത്തിനു കൊടുത്തു....
അവര് അതു കൊണ്ടാണു ഇപ്പോള് ചൂണ്ടയിടുന്നത്.....
രഥങ്ങള്.......സീസി അടക്കാത്തത് കൊണ്ട് ബാങ്കുകാര് പിടിച്ചെടുത്തു......'
'അപ്പോള് ബാക്കി സന്നാഹങ്ങള് ഒക്കെ എവിടെ.....'
'ബാക്കിയെന്ത് സന്നാഹം...ബാക്കി ദേ...ഞാന് മാത്രമൊണ്ട്.....'
'തന്നെ മാത്രം വച്ച് ഞാനെന്ത് പുളുത്താനാ...
അപ്പോ ഇനി എന്താടോ മന്ത്രീ ഒരു മാര്ഗ്ഗം....'
'പ്രഭോ...നമ്മുടെ ചാരന് ഒരു രഹസ്യ വിവരം എത്തിച്ചിട്ടുണ്ട്......
ട്രിവാണ്ട്രം രാജാവു രാജ്യാതിര്ത്തിയായ ചേര്ത്തലക്കാടുകളില് നായാട്ടിനു വന്നിട്ടുണ്ടെന്ന്.....
സൈന്യസന്നാഹങ്ങള് ഒന്നുമില്ലാതെ ഒറ്റക്കാണു നായാട്ട്...
അവിടേയിട്ട് കാച്ചിയാലോ.....'
'ചേര്ത്തലയിലോ .....
അവിടെ എവിടേടോ കാട് ഇരിക്കണത്......'
'വല്ല കുറ്റിക്കാടും കാണുമായിരിക്കും പ്രഭോ......
അങ്ങ് കലൂര് വനാന്തരങ്ങളില് നായാട്ടിനു പോകാറുള്ളത് മാതിരി....
അവിടെ കാട് പോയിട്ട് കുറ്റിക്കാട് പോലുമില്ലാ എന്ന് നമുക്കല്ലേ അറിയോള്ളൂ.....'
'ഉം...മന്ത്രീ....സേനാനായകാ...റെഡിയാകൂ..
അവനെ ചേര്ത്തലയിലിട്ട് കാച്ചണം......'
--------------------------
'ടോ...മന്ത്രീ.....
അയാള് ഒറ്റക്കാണു നായാടണത് എന്ന് ഷുവര് അല്ലേ......'
'അങ്ങനേണു ചാരന് പറഞ്ഞത്...
പിന്നെ നമ്മടെ രാജ്യത്തെ ചാരന് ആയത് കൊണ്ട് ഒരു ഡൗട്ട് ഇല്ലാതില്ലാ.....
അവന് വല്ല ഷാപ്പിലും ഇരുന്നോണ്ട് ചേര്ത്തലേലെ കാര്യം ഊഹിച്ചതാണെങ്കി പണിയാകും....'
'ഇവിടെ എന്ത് നായാടാനാടോ...
ഒരു കാക്ക കൂടി ഇല്ലല്ലാ ഇവിടെ.....
ട്രിവാണ്ട്രം രാജാവിനു തലക്ക് ഓളമാണോ...'
'വല്ല ചീവീടിനെ അമ്പെയ്യാനും ആയിരിക്കും വന്നത്....'
'ശ്ശ്..ശ്ശ്...മന്ത്രീ..മിണ്ടല്ലേ.......
ദേ...അയാള്...ട്രിവാണ്ട്രം രാജാവ്......
ഞാന് ഇതു വഴി പോകാം..താന് അതുവഴി പോ....
സേനാനായകന് ഏതിലേ എങ്കിലും പോ......'
------------------
'ടാ.....നില്ക്കടാ അവടെ.....
നീ എന്റെ മഹിഷിയെ തട്ടിക്കൊണ്ട് പോകുമല്ലേ......'
'തള്ളെ..... ആരിത്...അണ്ണനാ.....എന്തെരു അണ്ണാ ഈ കാട്ടിലു....'
'ടാ ..വേണ്ടാ...നിന്റെ സുഖിപ്പിക്കല് ഒന്നും എന്റടുത്ത് വേണ്ടാ...
വേഗം ആയുധം എടുക്കൂ...നമുക്ക് യുദ്ധം തൊടങ്ങാം.....'
'ഒന്ന് പോയിന് അണ്ണാ....ഒരു യുത്തം....
എന്തരു ഇരിക്കണു ഇപ്പ യുത്തത്തിനു.....
അക്കനെ ഞാന് ചാടിച്ചത് അല്ല കെട്ട.....
അവരു തന്നത്താന് ചാടിയതാണു.......
തമ്പാനൂര്ക്കു വരണാ.....കാഴ്ചബംഗ്ലാവും മ്യൂസിയവും ഒക്കെ കാണാം എന്നു ചോയിച്ചേനു...
അക്കന് കുറ്റീം പറിച്ച് കുതിരപ്പൊറത്ത് ഇങ്ങ് പോരൂന്ന് ആരു കരുതി.....
നിങ്ങളു രണ്ടാളുംകൂടി വിസിറ്റും എന്നല്ലേ ഞ്യാന് കരുതീത്....'
'എന്ത്.....നീ എന്താ ഈ പറയണേ....'
'അതേ അണ്ണാ...സത്യമാണു.....
ആ മൊതലിനെ ഒന്നു തിരിച്ച് കൊണ്ടുപോകാമോ.....
സ്വൈര്യം കെട്ടപ്പഴാണു ഈ കുറ്റിക്കാട്ടിലേക്ക് നായാട്ട് എന്നും പറഞ്ഞ് ഞാന് മുങ്ങീത്....'
'അയ്യോ...തിരിച്ചെടുക്കാനാ...അളിയാ അത് മാത്രം പറയരുത്.......
നിന്നെ കണ്ട് ഒരു പയറ്റും നടത്തി....
ആ മൊതലിനെ ഒരിക്കലും തിരിച്ചയക്കൂല്ലാ എന്ന് നിന്നെക്കൊണ്ട് സത്യം ചെയ്യിക്കാനാ.....
ഈ ദൂരം മുഴുവന് ഞാന് കുതിരയോടിച്ചത്.....
നീ ചതിക്കരുത്....'
'അണ്ണാ...അത് പറയരുത്...
അതിനെ തിരിച്ചെടുക്കണേനു പകരമായിട്ട് ഞാന് എന്ത് വേണേ തരാം കെട്ട........
വേണോങ്കി സെക്ക്രട്ടറിയേറ്റ് കൊച്ചീലേക്ക് മാറ്റിക്കോ.....
കായംകൊളോം....ആലപ്പൊഴേം ഒക്കെ വിട്ടു തരാം....
ദയവായി ആ കുരിശ് ഒന്നു എന്റെ തലേന്നു ഒഴിവാക്കി തരണം......'
'ഒന്ന് പോടാപ്പാ....നിനക്ക് ഞാന്....സ്മാര്ട്ട് സിറ്റി നിന്റെ നെഞ്ചത്തേക്ക് മാറ്റി തരാം.....
നാലു മുന്സിപ്പാലിറ്റീം.... കൊച്ചിന് കോര്പ്പറേഷനും..... പത്ത് പഞ്ചായത്തും......
എന്റെ കൊട്ടാരോം തരാം....
എന്നിട്ട് ഞാന്....നോര്ത്ത് പാലത്തിന്റെ അടിയിലുള്ള വല്ല ഒറ്റ മുറി ലോഡ്ജിലും താമസിച്ചോളാം...
എന്നാലും ആ മൊതലിനെ ഞാന് തിരിച്ചെടുക്കൂല്ല്ലാ......
മന്ത്രീ വിട്ടോടാ......കൂടുതല് സംസാരിക്കാന് നിന്നാല് അവന് കാലുപിടിക്കും......
ഓടിക്കോ........എസ്കേപ്......'
---------------------------
ട്രിവാണ്ട്രം രാജാവിന്റെ തലവേദന അധിക നാള് നീണ്ടുനിന്നില്ല.
പട്ടമഹിഷി.... അവിടെ നിന്നും മുങ്ങി.
തിരിച്ച് കൊച്ചിക്കു കടക്കാതിരിക്കാന്...
കൊച്ചീ രാജാവ് അരൂര് പാലം ബോംബ് വച്ച് തകര്ത്തു.
മുങ്ങല് വാര്ത്ത അറിഞ്ഞ് പരിഭ്രാന്തനായ കോഴിക്കോട് സാമൂതിരി.........
കോട്ടക്കലിനടുത്ത് ഹൈവേയില് ഒരു വലിയ മതില് കെട്ടി...
എന്നിട്ട് 24 മണിക്കൂറും സായുധസേനയെ കാവലിനിട്ടു.
പക്ഷേ അവരെയൊക്കെ മണ്ടന്മാരാക്കിക്കൊണ്ട് മഹിഷി ഇപ്രാവശ്യം മുങ്ങിയത്....
ഒരു പോര്ട്ടുഗീസ് നാവികന്റെ ഒപ്പം ആയിരുന്നു.....
കപ്പല് പോര്ട്ടുഗലിലേക്ക് പുറപ്പെട്ട്......
ഒരാഴ്ച്ചക്കു ശേഷം......ആ നാവികന്......
കപ്പലില് നിന്നും......
കൊമ്പന് സ്രാവുകള് നിറഞ്ഞ കടലിലേക്ക് ചാടി രക്ഷപെട്ടു........
Wednesday, April 11, 2007
Subscribe to:
Post Comments (Atom)
58 comments:
മുങ്ങിപ്പൊങ്ങീതു ആളെ വടിയാക്കാന് ആണെന്നു മാത്രം പറയരുത്........ദേ...ഒരു പോസ്റ്റ്.....
കേരള ചരിത്രത്തില് നിന്നും ഞാന് മുങ്ങിയെടുത്തത്........ഒരു വീരവനിതയുടെ കഥ......
ഠേ !!!!!!!!!!
തേങ്ങ അല്ല കതിനാ വെടി
ഠേ ഠേ ഠെ ഠേ....
വിവി : വലിയ വെടി 4
ദില്ബു : ചെറിയ വെടി 3
ഞാന് ഓടി
ശ്ശെ, മിണ്ടാതെ മുങ്ങിയതിനു സാന്റോസിന്റെ മണ്ടക്ക് തേങ്ങയടിക്കാന് വന്നപ്പോ, ഇടി അതാ തലമണ്ട മൊത്തം തേങ്ങായടിച്ചു പൊളിച്ചു വച്ചിരിക്കുന്നു.....എന്നാലും കിടക്കട്ടെ ഒരെണ്ണം കൂടി
ഠേ, ഠേ ഡും......ക്രിച്ച്.......
നീ വാത്തേടടുത്തേക്കൊന്നും പോയില്ലോല്ലെ സാന്റോസേ
ആ സുല്ലൊരു തേങ്ങയും ആയിനടക്കുന്നുണ്ടായിരുന്നു..
അതിനു മുമ്പേ ഞനൊന്നു അടിക്കട്ടെ ട്ടേം...
പൊസ്റ്റിന്റെ കമന്റൊക്കെ വായിച്ചിട്ടും(ഇടി ഭയ്ങ്കര ചതി ആയിപ്പോയി)
എന്റ്റമ്മച്ചിയേ.. നാലമതായി പോയല്ലോ
ഡേയ് സാന്റോസേ...
പണ്ടത്തെ അത്രക്ക് ഒരു ഗുമ്മായില്ല്യാ ട്ടാ.. ന്നാലും ചെലേടത്തൊക്കെ ചിരിച്ചു ;)
വലിച്ചു വാരി എഴുതിയതാണല്ലേ! എഡിറ്റു ചെയ്തു ഒന്നൂടെ സ്മോളാക്കി നന്നാക്കാമായിരുന്നു! അല്ലേലും നിനക്കീ സ്മോളിനോടു താല്പര്യമില്ലല്ലോ.. ലാര്ജ്ജല്ലേ വേണ്ടൂ !
'അവളു കുതിരേനെ അല്ലാ...പന്നീനെ വരെ ഓടിക്കും......'
ഹൊ.. എന്താ കീറ്. കലക്കി മോനേ.
കലക്കീടാ സാന്ഡോ..പട്ടയടിച്ച മഹിഷി കലക്കി..
‘കോട്ടക്കലിനടുത്ത് ഹൈവേയില് ഒരു വലിയ മതില് കെട്ടി...
എന്നിട്ട് 24 മണിക്കൂറും സായുധസേനയെ കാവലിനിട്ടു..’
ദില് .. ദില്.. ദില്.. എന്നും പാടി ആരുമിങ്ങോട്ട് കടക്കാതിരിക്കാനാവും അല്ലേ..
എനിക്ക് ഭയങ്കര ഇഷ്ടായി ചുള്ളാ. എന്നാ പെട! എന്തിറ്റാ ഡയലോഗ്സ്!
ഇതൊക്കെ സ്കിറ്റാക്കി ടി.വി.യില് ഇറക്കിയാ....ചില ‘മാല’ ക്കാരുടെ അപ്പീസ് പൂട്ടിപ്പോകുമല്ലോ ഡാ സാന്റോസേ....
സുപ്പര് സൂപ്പര് സൂപ്പര്!
മുങ്ങിയ ദിവസത്തിനുള്ളത്ത് മൊത്തം വെച്ചു കലക്കീല്ലേ :)
ഇനി ഇത്രേം ദിവസം അടുപ്പിച്ച് മുങ്ങല്ലേ :))
സംഭാഷണങ്ങള് കിടിലന്സ് :)
സാന്ഡൂ... കലക്കി ചുള്ളാ.
അനന്തരം മഹിഷിയെ പാഠം പഠിപ്പിക്കാന് തിരോന്തരം രാജാവ് വാത്തയെ വിളിപ്പിച്ചു. മനുത്താ മാഷ് പകര്ന്നു നല്കിയ പാഠങ്ങള് വാത്ത ഒന്നൊന്നായി മഹിഷിയെ പഠിപ്പിച്ചു.
കാര്യം മനസ്സിലായ മഹിഷി മഞ്ഞുമ്മേലെത്തിയെന്നു തിരോന്തരം രാജന് ഫാക്സ് കിട്ടി.രാജാവിന്റെ ആര്മ്മാദത്തിനു നിമിഷങ്ങളുടെ ആയുസ്സ് മാത്രം. വാത്ത അനന്തപുരിയിലെ കുടികെടപ്പുകാരിയായി.
മഹിഷി മഞ്ഞുമ്മക്കാരനുമായി മാഹിയില് കറങ്ങി നടന്നു. കര്ത്താവിന്റെ കാരുണ്യം- ഈസ്റ്ററിന്റന്നു വ്യാജനടിച്ച് മഹിഷീടെ കണ്ണ് പോയി. മയ്യഴിപ്പുഴയുടെ തീരത്ത് മഹിഷിയെ ഉപേക്ഷിച്ച് മഞ്ഞുമ്മക്കാരന് ദേ ബൂലോഹത്തുവീണ്ടും.
ആ പട്ട-മഹിഷി ഒളിച്ച് കപ്പലീക്കേറീത്, തന്നെ കൊടമ്പാക്കത്തേക്ക് കേറ്റിവിടാന് സാന്ഡോസാലോചിച്ചുകൊണ്ടിരിക്കുന്നു എന്ന കലൂര് ഷാപ്പിലെ ചേടത്ത്യാര് കൊടുത്ത രഹസ്യ വിവരത്തിന്റെ അടിസ്ഥാനത്തിലണെന്നാ ലേറ്റസ്റ്റ് ശ്രുതി!
ഹ ഹ....ഇതെഴുതാന് വേണ്ടി മുങ്ങിയതാണോ? അടിപൊളി ആയിട്ടുണ്ട്. ശരിക്കു ചിരിച്ചു :)
ഹ ഹ ഹ.... കലക്കന് പോസ്റ്റ്!
ഡാ.. ഡാ.. കെട്ടെറങ്ങീട്ട് പോസ്റ്റിടഡാ...
പാര്ലമെന്റിന്റെ മതിലിലിരുന്ന് കാലാട്ടിക്കോ. നോ പ്രോബ്ലം. മതിലിന്റെ ഇപ്പുറത്തിറങ്ങി ഡയലോഗടിക്കല്ലേ മോനേ. പിടിച്ചിരുന്നോ വീഴണ്ട.
:-)
ഓടോ: കോഴിക്കോട്ടേയ്ക്ക് പോണ വഴി എന്നെച്ചില് കോട്ടക്കലില് മതില് കെട്ടിയ സ്ഥലത്തിന്റെ പേര് ‘ചങ്കുവെട്ടി‘. ഓര്ത്താല് നന്ന്. :-)
എങ്ങനെ മിസ്സിംഗ് വരാണ്ടിരിക്കും....ഒരു റസ്റ്റ് കൊടുക്കണ്ടേ.......'
അണ്ണാ നിങ്ങളു പുല്യല്ല... സിംഗം.... യീ കതയൊന്നും പടിക്കാതെ യെവന്മാരൊക്കെ യെന്തരിനാണോ ചരിത്രം യെഴുതണത്... യിനീം ചരിത്രങ്ങളു പോരട്ട് കേട്ടാ..
ഡാ സന്റോ ഇതേതു ബ്രാന്ഡ് അടിച്ചിരുന്നപ്പൊ തോന്നിയ ഐഡിയ ആണ്?
എനിക്കും ആ ബ്രാന്ഡ് അടിക്കാനാ..
കലക്കീ...എനിക്കു ശെരിക്കും ഇഷ്ടായീ..
നിന്റെ ശൈലി അടിപൊളി...!!!
കിഡു തമ്പ്രാ കിടു....
ചരിത്രത്തെ ഇങ്ങിനെ വളച്ചൊടിക്കാം അല്ലേ..
എന്നിട്ട് ആ ധീര വനിത ഇപ്പൊ ബുഷിന്റെ കൂടാണോ അതോ ബ്ലയരിന്റെ കൂടാണോ (സദ്ദാം,ലാദന് എന്നിവരെ തൊട്ടുകളിക്കുന്നില്ല പേടിയാ...)
അതു ശരി .. ഒരാഴ്ച മഹിഷിയെ തപ്പാന് (കണ്ടുപിടിക്കാന്..) പോയിരിക്കുകയായിരുന്നല്ലേ. അതോ കൊട്ടാരം വൈദ്യനുമായി മൂലക്കുരൂന്റെ കഷായോം കുടിച്ച് വെളിവില്ലാതെ കെടക്കുകയാരുന്നോ ..?
ഹഹഹഹ
ഇഷ്ടക്കോട്ട്
'അങ്ങനെ ചോദിച്ചാ......രാവിലേം ഉച്ചക്കും വൈകീട്ടും ഊട്ടുപുരേല് മണിയടിക്കുമ്പോ ...
ഒരു തയ്യാറെടുപ്പൊണ്ട്...അതല്ലാതെ വേറെന്ത് തയ്യാറെടുപ്പാണു പ്രഭോ......'
കലക്കീടാ കുട്ടാ..
ചാത്തനേറ്: ഒന്നേ പറയാനുള്ളൂ.
“രാവിലേ......ആളെ അയച്ച് കുത്തിപ്പൊക്കിയാലും നേരത്തിനും കാലത്തിനും ഇങ്ങട് കെട്ടിയെടുത്തൂടാല്ലേ......“
തര്ജമ ചെയ്താല്
“സാന്ഡോസേ......ഇക്കാസിനെ അയച്ച് കുത്തിപ്പൊക്കിയാലും നേരത്തിനും കാലത്തിനും ഇങ്ങട് കെട്ടിയെടുത്തൂടാല്ലേ......“
അപ്പോള് നീ കേരളാചരിത്രത്തിലേക്കാ അല്ലേ മുങ്ങിയത്!!!
ഇതില് രാജവായി രാജന്.പി.ദേവും മന്ത്രിയായി ഹരിശ്രീ അശോകനും..
ടേയ് സാന്ഡോസേ.., നീ മുങ്ങീത് ഇതിനായിരുന്നല്ലേ..കലക്കീടാ. സംഭാഷണങ്ങളിലൂടെ ഒരു കഥ പറയുന്ന ശൈലി കൊള്ളാം. ശ്രമിച്ചാലിതൊക്കെ കിടിലം സ്കിറ്റ് ആക്കിയെടുക്കാവുന്നതേയുള്ളൂ,ഒന്ന് ശ്രമിച്ചൂടെ. അല്പം നീണ്ട് പോയെങ്കിലും ചിരിപൊട്ടാത്തയിടമില്ല. പ്രത്യേകിച്ച് ദേ ഇത് : 'അങ്ങനെ ചോദിച്ചാ......രാവിലേം ഉച്ചക്കും വൈകീട്ടും ഊട്ടുപുരേല് മണിയടിക്കുമ്പോ ...
ഒരു തയ്യാറെടുപ്പൊണ്ട്...അതല്ലാതെ വേറെന്ത് തയ്യാറെടുപ്പാണു പ്രഭോ......‘
“ഹ...ഹ.., “ആരെവിടേ..
ടാ..ആരൂല്ലേടാ അവിടെ...., ഈ സാന്ഡോസിനൊരു ലാര്ജൊഴിക്കാന്..!!”
ഹ ഹ സാന്ഡ്,
ഇതും കലക്കി :))
താനൊരു സംഭവമാണുകേട്ടോ. ആദ്യകാലകമന്റുകളൊക്കെ കണ്ടപ്പം ഇത്രേം വിചാരിച്ചില്ല :-)
ഈസ്റ്ററൊക്കെ അടിച്ചുപൊളിച്ചുവാളുവച്ചോ ?
സാന്ഡൊസേ, ബൂലോകത്ത് എന്നെ ഏറ്റവും കൂടുതല് ചിരിപ്പിച്ച പോസ്റ്റുകള് താങ്കളുടെയാണു. നമിച്ചിരിക്കുന്നു... ഇതും സൂപ്പര്...
സാണ്ടോസ്സേ മുങ്ങാന് എല്ലാവര്ക്കും പറ്റും, പക്ഷേ മുങ്ങീട്ടു് പൊങ്ങാന് ...ഹഹാ.:)
ഈ കഥ വായിച്ചത് എല്ലാവരും ഉറങ്ങിയ ശേഷമായിരുന്നു. എന്റെ പൊട്ടിച്ചിരി കേട്ടെല്ലാവരും ഞെട്ടി ഉണര്ന്നു.
ബലേ ഭേഷ്.
ഇത് നല്ല ഹാസ്യം.
ഏതെങ്കിലും ഒരവസരത്തില് ഏതെങ്കിലും ഒരു സ്റ്റേജില് ഇത് ഒരു നാടകമായി അവതരൈപ്പിക്കണം. എനിക്ക് അതില് ഒരു കഥപാത്രമായി അഭിനയിക്കുകയും വേണം.
yente chettaaa.........ningal puli thanne kettaaaa...njan ithu lokam motham mail cheythu kodukkuvaaa...ningal sanjaynu shesham malayalam kanda oru valya hasya sahithyakarananu kettaaaa......
എന്റെ സാന്റോ, ഇനി മേലാല് തന്റെ പോസ്റ്റുകള് ഓഫീസിലിരുന്നു വായിക്കൂല്ലാ എന്ന് ഞാന് ശപഥം ചെയ്യുന്നു. എന്താ ഇത്. എങ്ങനെ ചിരിയടക്കും..പണ്ടാരം.
അത്രക്ക് തലക്ക് സ്ഥിരമില്ലാത്ത ആരെടോ ഈ നാട്ടില്......'
kasari sandooouse
സാന്ഡോ കുട്ടാ,
ഇതും കിടിലന്. സുസൂപ്പര്. നിന്റെ കെട്ടെല്ലാം വിട്ട് ബാധയും ഒഴിഞ്ഞ് മുങ്ങലും കഴിഞ്ഞുള്ള ഈ പൊങ്ങല് കൊള്ളാം.
പട്ടമഹിഷി തിരോന്തരത്താണൊ പോയത് അല്ലേല് ഡെല്ഹിക്കോ? ഒരു മൂന്നാം മുന്നണിയെന്നെല്ലാം ന്യൂസ് കണ്ടാരുന്നു. ആ എന്തോ എന്തൊ. എന്തായാലും പോര്ട്ടുഗലിലേക്കുള്ള വിസ ശരിയായിട്ടില്ല ഇതുവരെ എന്നാണറിവ്.
-സുല്
സന്ഡൊസിനെ കണ്മാനില്ല എന്നു കേട്ടിട്ടു ഞനൊരു നേര്ച്ച നേര്നിരുന്നു.
ഇടപള്ളി പള്ളിക്കടുത്ത ഷാപ്പില് 11 കുപ്പി കള്ളും 11 താറമുട്ടയും ഒരു മെഴുകുതിരിയും (പവര് കട്ട് ആണെങ്കിലോ? )..സന്ഡൊ അതു വന്നാലുടനെ തരുമെന്നും പറഞ്ഞു .. നേര്ച്ചകടം വീട്ടിയേക്കണേ ,സന്ഡോച്ചാ.
പിന്നെ തിരോന്തരം മുതല് കോഴി കോടു വരെ പെണ്ണു കണ്ടിട്ടു ഒന്നും ശരിയായില്ലെന്നും പറഞ്ഞു ഇങ്ങനെ സ്ത്രീ വിദേഷി ആവണ്ട..കലൂരില് 18 നൊവേന നേര്നിട്ടുണ്ടു അതു കൂടിയെക്കു:-)
വിഷു ആശംസകള്
qw_er_ty
സാന്റൂ,
ഈസ്റ്ററിന്റെ പേരില് പെണ്ണുകാണാന് മുങ്ങി, ഒന്നും ശരിയാവാതെ പോയതിലുള്ള കലിപ്പ് തീര്ക്കാന് എഴുതിയതാണോ എന്നൊരാശങ്ക :)
(പെണ്ണുകിട്ടാത്ത ഒരു ബാച്ചിലര് ദേഷ്യം തീര്ക്കുന്നതിങ്ങനെ)
മിസ്റ്റര് പടിപ്പുര... ബാച്ചിലര് എന്നു പറഞ്ഞാല് "പെണ്ണു കിട്ടാത്തവന് " എന്നല്ലാ "പെണ്ണു കെട്ടാത്തവന് " എന്നാണര് ത്ഥം . ബാച്ചികളെ തൊട്ടു കളിക്കല്ലേ.. അതും ഞങ്ങളുടെ
അരാധ്യനായ നേതാവ് സന്റോസിനെ...
-ക്ലബ്ബ് മെമ്പര്
ചാത്തനേറ്:
ഉണ്ണിക്കുട്ടോ കല്ക്കി..
കയ്യടി കയ്യടി ന്നു പറഞ്ഞാല് കുറഞ്ഞ് പോവും അതോണ്ട് കരഘോഷം കരഘോഷം.
ശ്രീജിത്ത് സ്ഥലത്തില്ലാതെ പോയി, അല്ലാരുന്നേല് കല്ക്കി മറിച്ചേനെ,
ഈ സാന്ഡോ ഇതു എവിടെപ്പോയി കിടക്കുവാ ഇന്നലെത്തെ കെട്ടിതു വരെ വിട്ടില്ലേ.
വന്നു കൂടെടാ ക്ലബ്ബുകാരുടെ അര്മ്മാദത്തില്.
ഉഗ്രന് സാന്റോസേ...
സംഭാഷണങ്ങളില് കൂടി മാത്രം കോമഡി വിരിയിക്കുന്ന സാന്റോസ് ബൂലോഗത്തെ പുത്തന് തരംഗം!
(ഒന്ന് കാണാതായപ്പോഴേക്കും ബൂലോഗര് എന്തോരം നെലോളിയാരുന്നെന്നറിയോ?..ടൈം ടൈം :-))
സംഭാഷണങ്ങള് പണ്ടത്തെ കലാഭവന് മിമിക്സ് പരേഡൊക്കെ ഓര്മിപ്പിച്ചു. അത്രക്കും കൊള്ളാം.
:-) .സിനിമാലക്കാര് കണ്ടാല് കൊത്തും ട്ടാ.
മറ്റൊരു ബ്ലൊഗര് എന്ന നിലയില് സാന്ഡോയെ കാണാന് സാധിക്കില്ല..
കാരണം, ഇദ്ദേഹത്തിന്റെ ഒരൊ പൊസ്റ്റുകളുടെയും പ്രചൊദനം, ബൂലൊക ബെയ്സ്ഡ് ആണ്.
വര്ഷങ്ങള്ക്ക് ശേഷം, ഈ പൊസ്റ്റുകള് ബ്ലൊഗ് ചരിത്രം എഴുതുന്ന വന്ദ്യവയൊധികര്ക്ക് കീറിമുറിച്ച് പഠിക്കനുള്ള സംഭവമാണ്.
ഇതിലെ കഥാപാത്രങ്ങള് സാങ്കല്പികമല്ല.. മറിച്ച് ഇന്ന് നമ്മള് വായിക്കുന്ന പലരുടെയും പിന്മൊഴികള് തന്നെ ആണ്.
കൂടാതെ, ഓരൊ പൊസ്റ്റും വളരെ വ്യക്തമായ ലക്ഷ്യങ്ങള് ഉള്കൊള്ളുന്നവയും ആണ്..
അത് കീറിമുറിച്ചാല് കിട്ടുന്ന സന്ദേശങ്ങള് സമൂഹത്തിന്റെ ക്രിയാതമകമായ മാറ്റത്തിന്് വഴിപ്പെടും..
ഇപ്പൊള് തന്നെ, മഹിഷി എന്ന് പറയുന്നത് ആരാണ്...?
ഒന്നാലൊചിച്ചു നോക്കു, ആദ്യമായി ഒരു സ്ത്രീ വര്മ്മ ഇവിടെ വന്നതും, ചില രാജാക്കന്മാര് പട്ടമഹിഷി പദം വരെ അവര്ക്കു കല്പ്പിച്ചതും, ..
.. എന്തിന് ആ കഥ കേട്ടവര്ക്കെല്ലാം അറിയാം, അവസാനം, ടി വര്മ്മ മഹിഷി മൂലം, രാജക്കന്മാര് പെട്ട പാട്..ചിലരുടെ അകാല മുങ്ങലുകള്...ചില വാദ കൊലാഹലങ്ങള്...
എല്ലാ അടിയൊഴുക്കുകളുടെയും അടിയിലെ വര്മ്മ സാനിധ്യം...
കഥാപാത്രത്തിന്റെ പേരു സെലെക്റ്റ് ചെയ്യുന്നതിലും മുണ്ട് സാന്ഡൊയ്ക്ക് അപാര ചതുര്യം..
വര്മ്മ - ക്ഷത്രിയ - രാജ്യം - മഹിഷി.
പൊര്ച്ചുഗീസ് കപ്പിത്താന് - വരത്തന്.
അതാണ് ഞാന് പറഞ്ഞത് കീറിമുറിച്ചാല് സാന്ഡൊയുടെ കഥകള് ഒരു സാഗരമാണ്..
സാന്ഡോ ഒരു സംഭവം ആണ് എന്ന് പറയുന്നത് മറ്റൊന്നും കൊണ്ടല്ല..
അതു കൊണ്ട് ഇവനെ വെറുതെ വിടരുത്...
ayyo... y didnt i see your blog first.... others okke.. vedikkettu nadathumpol.. ivide itha chiriyude oru thrissur pooram.. ho! sammathichu!!
സാന്ഡൂസേ.. വൈകിയാണിവിടെ ഞമ്മളും എത്തിയത്. ചിരിപൊട്ടിയൊഴുകുന്നത് നിയന്ത്രിതമാവുന്നില്ല.
സീരയസ്സായിട്ട് ചോദിക്കുവാ.. ഈ തീം സീരിയല് ആക്കുവാന് സമ്മതമാണോ?
ഒരു വട്ടം
സമ്മതമാണോ?
രണ്ടു വട്ടം
സമ്മത...മാ...ണോ?
മൂന്ന്....ട്ടം..
(നിനക്കും റോളുതരാം, പാട്ട് ദുബായിലും പോര്ച്ചുഗീസിലും ചിത്രീകരിക്കാമെന്നേയ്)
ആരൊ കമന്റിയതു പോലെ ഇതിനു പിന്നാമ്പുറത്തേക്ക് ഒക്കെ പോയാ ഒത്തിരി ചിന്തിച്ചു ചിരിക്കാനുണ്ടാവും(ഉണ്ടാവോ?) എന്നാലും എന്തിനാ, ഇവിടെ ഈ മുന്നാമ്പുറത്തു നിന്നാ തന്നെ ചിരിച്ചു വടിയാവൂല്ലോ. സാന്ഡൊസെ കലക്കീട്ടോ
മഹിഷി ചാടിപ്പോയ വിവരം അറിഞ്ഞ് ..
നെഞ്ചത്തടീം നിലവിളീം ആയി ഓടിയെത്തിയ......
ഇടിവാള്....സിയാ..കുറുമാന്...
സാജന്...ഇക്കാസ്..മേനനന്..
വിശാലന്...അഗ്രു..ഇത്തിരി..
വര്മ്മ...കൈതമുള്ള്...ആറാര്..
ദില്ബന്....മനു..ഉണ്ണിക്കുട്ടന്..
കുട്ടന്സ്...തമനു....സിജു..
ചാത്തന്...പുള്ളി...ചക്കര..
അലിഫ്...കുതിരവട്ടന്...വേണു..
ദിവാ..കൈപ്പിള്ളി...ഷാഫി..അപ്പു..
ജി.മനു....സുല്...പ്രിയംവദ..
പടിപ്പുര...മിടുക്കന്...അജിത്ത്...
ഏറനാടന്..വെമ്പള്ളി..
എന്നിവര്ക്കു നന്ദി നമസ്കാരം......
ഇതൊരു ആന്റിവനിതാ ലൈനിലുള്ള പ്രമേയം ആണെന്നു പലരും പറയുകയുണ്ടായി..സത്യമായിട്ടും അങ്ങനെയൊന്നും ഉദ്ദേശിച്ചില്ലാ......
വെറുംവളിപ്പ് മാത്രം....നേരമ്പോക്ക്.....
സാന്ഡോസ്സേ,
മഹിഷി ഭൂലോകത്തെ ഏറ്റവും ഉദാത്തമായ ഒരു സര്ക്കാസ്റ്റിക് കൃതി എന്ന രീതിയിലുള്ള കമന്റ്റുകളും ഒപ്പം മിടുക്കന്റ്റെ ‘മുടിനാരിഴ’കീറിയുള്ള നിരൂപണകമന്റ്റും വായിച്ച്, ചടച്ചു പോയി, ആരുമില്ലെങ്കില് ഞാന് തന്നെ കൊട്ടാം എന്ന് വിചാരിച്ചപ്പോഴാ തന്റ്റെ കമന്റ്റ് കണ്ടത്. [ഇതൊരു ആന്റിവനിതാ ലൈനിലുള്ള പ്രമേയം ആണെന്നു പലരും പറയുകയുണ്ടായി..സത്യമായിട്ടും അങ്ങനെയൊന്നും ഉദ്ദേശിച്ചില്ലാ......വെറുംവളിപ്പ് മാത്രം....നേരമ്പോക്ക്..... ].
:-) :-) :-) :-)
ഘോരഘോരകമന്റ്റുകള് കണ്ട് ഉയരങ്ങളിലേക്ക് പറക്കാതെ [തന്നെ തന്നെ അറിഞ്ഞ് കൊണ്ട്] താന് ഭൂമിയില് തന്നെ ഉണ്ടെന്ന് കണ്ടപ്പോള്, സത്യം പറഞ്ഞാല്, വളരെ വളരെ സന്തോഷം തോന്നി. അഭിനന്ദനങ്ങള്!!!
മഹിഷി രസമായിട്ടുണ്ട്. താന് പറഞ്ഞപോലെ നല്ല നേരമ്പോക്ക് തന്നെ. ചില ഭാഗങ്ങളിലെ ‘സ്പൈസി’ഡയലോഗ്സ് ഒഴിച്ച് നിര്ത്തിയാല് രസത്തോടെ വായിച്ചു.
നല്ല നേരമ്പോക്ക് തന്നതിന് നന്ദി!
സസ്നേഹം
ദൃശ്യന്
സന്ഡോസെ,
കലക്കിയിട്ടുണ്ട്. ഏതായാലും രാജ്യത്ത് വേണ്ടാത്തതിന്റെ സ്ഥാനം പുറം രാജ്യത്ത് തന്നെ ചെന്നു ചേരണം.
എടോ സാന്ഡോസേ,
തന്നെ കാണാനില്ല എന്നു പറഞ്ഞ് ആളുകള് മുറവിളികൂട്ടി. നോക്കിയപ്പോള് തന്നെയൊട്ടു കാണാനുമില്ല. പേടിച്ചു പോയി.
അതു ശരി. താന് ഈ സാധനം കൊണ്ടാ പൊങ്ങിയത് അല്ലേ.
പിടിച്ചേലും വലുത് അളേ കാണും എന്നു തന്നെയാനു എന്റെ വിശ്വാസം.
അടുത്തത് പോരട്ടേ.
സസ്നേഹം
ആവനാഴി
മഹിഷി ചാടിപ്പോയത് അറിഞ്ഞ് വിഷമിച്ച .....
അരവിന്ദന്...ദ്രിശ്യന്...
മര്ത്യന്...ആവനാഴി....
എന്നിവര്ക്ക് നന്ദി..സ്നേഹം...
mone sandooze.....Ee storyke oru..
pashaya kuppi rum inte manam adikkunallo....njagalude nattile panan Ee oru kuppy rum ayittu Aa vashi vannayirunnu....adichu matti alleee.. kochu kallaa.....
but u add same more ...agadi marunukal....so puthiya oru lahari kittiyittundee ...macha..... kollam sadhanam assal miltry thanneee.....
എല്ലാവരേയും ചിരിപ്പിച്ച് കൊല്ല്ലുക എന്ന ദുഷ്കര്മ്മമാണ് ചെയ്യുന്നത്. കമന്റുകളിലൂടെ യുള്ളത് വേറെയും.
ഇതാ ഒരു അര്ധ സെഞ്വറി കമ്മന്റ് അതും
അയല്ക്കാരന്റെ വക
“സെറ്റപ്പെ കലക്കി”
മഹിഷി ചാടിപ്പോയതറിഞ്ഞ് എത്തിയ....
അഭി...സിജി....അയല്ക്കാരന് മാനസപുത്രന്....എന്നിവര്ക്ക് നന്ദി ..നമസ്കാരം.....
ഓഹോ.ചാടിപ്പോയോ.അറിഞ്ഞിരുന്നെന്കില് നേരത്തെ വരാമായിരുന്നു.;)ഹഹ.
അരനൂറ്റാണ്ടിനപ്പുറത്തുള്ള കേരളചരിത്രം ഏതാണ്ട് മൊത്തത്തില് ഇജ്ജാതി ധീരവനിതകളുടെ ചരിത്രമല്ലേ സാന്ഡോസേ! മുങ്ങുകയും തപ്പുകയുമൊന്നും വേണ്ട, വെറുതേ ആ സാഗരത്തിലൊണ്ണിറങ്ങിനിന്നാല് മതി, മേലുവന്നുകേറിക്കോളും...
"എന്നാലും ആ മൊതലിനെ ഞാന് തിരിച്ചെടുക്കൂല്ല്ലാ"
സാന്റോസേ ആദ്യം ഞന് വിചാരിച്ചു പട്ടമഹിഷിയെ രാജാവു മൊതലേന്നു വിളിയ്ക്കുകാന്നെന്ന്`.പിന്നെയാണു കാര്യം മനസ്സിലായത്. ഹോ എന്തു റിച്ചാണ് നമ്മുടെ ഭാഷ. സ്ത്രീകള്ക്ക് എന്തെല്ലാം പര്യായങ്ങള്.
എന്നാലും തമാശ ഒന്നാം ക്ലാസാണ്. വായിച്ച് ഒത്തി രി ചിരിച്ചു. മൊതലേന്നു വായിച്ചപ്പോഴല്ല കേട്ടൊ?
ചന്ദ്രക്കാരനൊരു വാലിഡ് പോയിന്റ് ഉണ്ട്.
മഹിഷി ചാടിപ്പോയത് അറിഞ്ഞെത്തിയ......
പ്രമോദ്...ചന്ദ്രക്കാറന്...
മാവേലികേരളം...എന്നിവര്ക്ക്....
നന്ദി..നമസ്കാരം.....
.
ഒന്നൊന്നര അലക്കാണല്ലോ സാന്റോസേ. കലക്കീട്ട്ണ്ട്രാ.
തിരന്തോരം രാജാവും കൊച്ചി രാജാവും ആയുള്ള സംഭാഷണം ആണ് എനിക്കേറ്റവും ഇഷ്ടായത്. രണ്ട് ഭാഷയും അസ്സലായി നീ പ്രയോഗിച്ചിരിക്കുന്നു. മനോഹരം.
testing....mudinja testing..pandaramadagiya testing...
malayalamillattha testing...
'എന്തിനാണു പ്രഭോ.....'
'തേങ്ങയിടാന്......ടോ....സാധാരണ സൈന്യം തയ്യാറാവണത് എന്തിനാടോ..
mashe, movie script-l onnu jkai vechu koode?
jacob
സമ്മതിച്ചു ആശാനേ..
Post a Comment